استفسار عن امتحان رخصة الموتوسيكل ...
 

فى واحد صاحبى عزيز عليا حابب يطلع رخصة موتوسيكل ..

رحنا يوم الاتنين اللى فات قدمنا الورق (شهادة باطنة ونظر و4 صور والملف) عادى وقالوله تعالى يوم الثلاثاء 18/1/2011 (بكره يعنى) علشان الامتحان ..

يا ترى الامتحان ده عبارة عن ايه ؟؟ يعنى فيه نظرى وعملى ؟؟

شكرا جزيلا يا جماعة ...

رد: استفسار عن امتحان رخصة الموتوسيكل ...
 

بالظبط يباشا
نظرى وعملى
اشارات وسلطات وبابا غنوج --- وانت عارف الباقى
وبعد كده بتمتحن عملى
نظام القراطيس اياها
وانت وبختك
لو الظابط مزاجو رايق هايديك الرخصه
لو مش رايق هايتلكك
ويقوللك انت بتسوق من امتى -- ويعمللك حوار

رد: استفسار عن امتحان رخصة الموتوسيكل ...
 

اوبااااااا

ده الواد ميعرفش اى حاجة عن الاشارات دى .. اهو ده اللى كنت خايف منه والله ..

العملى مقدور عليه هو بيسوق كويس لكن المشكلة فى النظرى ...

شور عليا يا كبير احسن الواد متكل عليا كإنى مدير المرور هههههههههه

اصحاب اخر زمن ههههههههه

رد: استفسار عن امتحان رخصة الموتوسيكل ...
 

خليه يذاكر العلامات المورورية سهلة مش صعبة معظمها شارح نفسه بنفسه

http://www.hot-screensaver.com/wp-my...road-signs.gif

رد: استفسار عن امتحان رخصة الموتوسيكل ...
 

رد: استفسار عن امتحان رخصة الموتوسيكل ...
 

اضحكوا بقي
انا اول امتحان ليا كنت متفق مع واحد صاحبي يقابلني الصبح عشان اخد البايك بتاعته عشان امتحن بيها عشان ستريت فايتر وانا كنت راكب اياميها ياماها V-MAX المهم قومت الصبح ارن علي المعلم مش عايز يرد راح في النوم قولت خلاص هروح امتحن بيها هعمل ايه...وجيت عند الامتحان وعديت اول قمع جيت اعدي التاني معرفتش طبعا عشان بمتحن بدبابه روحت دايس الاقماع الباقيه كلها هههههههههههههههه

رد: استفسار عن امتحان رخصة الموتوسيكل ...
 

بص يا حسام صحبك لازم من دلوقتى يذاكر العلامات دى وبسرعه وانت خليك معاه انا هديك موقع جامد جدا بس بالله عليك انت وصاحبك تدعولى اجيب مجموع حلو وانجح ويعطى وابى وامى الصحه والعافيه

ده موقع موثوق من المرور المصرى فيه كل الاشارات بالعربى صوت وصوره وكتابه واستخدامه سهل
http://www.futuredriver.net/Learn/LearnForm.aspx

وشكرا

بالله عليك تدعى من قلبك