|
ازاى مكنة الباك فير بتتركب ؟
يا ريت يا جماعة اى حد عندى فكرة عن تركيب مكنة الباك فير يقوللنا ويا ريت كمان لو حد يتكرم و يجبلنا صورة ليها و دى تبقى استفادة لينا كلنا
|
رد: ازاى مكنة الباك فير بتتركب ؟
فعلا موضوع حلو يا ريت حد يفيدنا
|
رد: ازاى مكنة الباك فير بتتركب ؟
المكن مختلف ياباشا, ممكن مكنة بتاخد من بنزين العربية وترش فى الشكمان وشرارة فى طرفه ببوجيه.
وممكن عدة كاملة بأنبوبة غاز بروبان وجهاز للشرارة, البروبان بيترش فى نقطة ما فى نظام العادم, وجهاز بيحدث شرارة بيولع الغاز. وممكن ميبقاش فى عدة أصلا, والشرارة ناتجة عن جهاز ال anti lag اللى بيتركب للتربو علشان يخلى سرعته عالية لما تشيل رجلك من على البنزين, وده بيخلى عامة بيحدث أنفجار فى الشكمان كافى أنه يخلى التربو بيلف بسرعة علشان الل lag, زى كل أفلام the fast and the furious أو حتى توصل لعدة معمولة منزليا, زى بوجيه مثلا فى طرف الشكمان, أو أى حاجة تعمل شرارة, وموتور ماشى بخليط لين, ومع الشرارة النار بتطلع. وكله لازم لعب وتخريم فى الشكمان, علشان تركب الشئ اللى هيعمل الشرارة كالبوجيه مثلا, والأداة اللى هترش الوقود, ودى ممكن تستغنى عنها لو خليط الوقود والهواء فيه وقود زيادة. أو طبعا من كيت نيتروس, زى كل الأفلام واللعب:) http://www.hotlicksexhaust.com/Image...rge%20edit.jpg موقعين لله والوطن, لو عايز تانى ممكن تدور على جوجل أو يو تيوب على flame thrower kits أو back fire kits http://www.axdo.net/index.asp http://www.zorst.com/ http://www.youtube.com/watch?v=dyjix...eature=related http://www.youtube.com/watch?v=kkPeJRiBSc0&feature=fvw وعلى العموم لو دورت على النت هتلاقى ناس كتير بتبيع وناس بتعمل الكيت بنفسها. |
رد: ازاى مكنة الباك فير بتتركب ؟
حبيبى يا انجكشن تسلم على المعلومة يا حبىGIFT4U
|
رد: ازاى مكنة الباك فير بتتركب ؟
طب انا كنت عايز اعرف الى هنا فى مصر شغال ازاى ؟
|
رد: ازاى مكنة الباك فير بتتركب ؟
ربنا يخليك يا كبير:).
ماهو أنا شرحت الموضوع كله علشان طرق الباك فاير كتير, وممكن يتعمل بأى طريقة منهم, وخاصة أن المكن سعره على النت من 30 دولار فيما فوق حسب مكوناته. لو عايز تبدأ بحاجة بسيطة, هات موبينة مستعملة, وركبها تحت العربية جنب علبة الشكمان, ووصل عليها بوجيه وركبه بخرم فى العلبة, ووصل الموبينة بزرار فى الكابينة عندك, ثم على البطارية, وده أساس كل مكن الباك فاير ولما تدوس على الزرار البوجيه هيطلع شرار, فبتدوس بنزين جامد, وبيطلع "حبة" بنزين نئ, البوجيه بيولعهم, بس مابيعملش زى الفيديوهات اللى فوق طبعا. أنما لو عايز "قاذفة لهب" زى الفيديوهات اللى فوق, لازم حاجة ترمى وقود قبل البوجيه, سواء كان خرطوم بنزين من بعد المضخة, ومتركب عليه رشاش, وبيفتح (بيرش) بزرار ودائرة كهربائية متركبة فى الكابينة, ودى خطيرة جدا وعايزة ميكانيكى فاهم اللى يركبها علشان الغلطة فيها على الأقل حريقة. أو أنك تزود كمية البنزين فى خليط الهواء والبنزين بتاع الموتور بأى طريقة, وده اخطر على الشكمان والموتور, بس نتائجها جامدة وطريقتها بسيطة. والكيت الهبلة بتيجى ببوجيه وموبينة بسيطة, ومفتاح تحكم وشوية سلوك بس. وفى كيتس غالية, ودى بتيجى زى النايتروس كيتس بالظبط ومعاها كل حاجة, لو بتتركب بغاز بروبان بييجى معاها أنبوبتها وخراطيمها وكل حاجتها ولو بترش بنزين فى الشكمان بييجى معاها رشاشها وخراطيمه وطريقة التركيب, ودى طبعا ممكن تولع فى شخص واقف على بعد 2 متر زى الشاحنة اللى فوق. بس أغلب اللى فى مصر بيجيبوا الكيتس التعبانة, علشان رخيصة وتتركب بسرعة. |
رد: ازاى مكنة الباك فير بتتركب ؟
ولله يا انجكشن انت باشا
بس انا عايز اعرف حاجة البوجية الى هيركب دة بيركب فى علبة الديفل نفسها ولا فى ااخر الماسورة قبل الديفل وبعدين اى بوبينة طبعا تشتغل يعنى انا محتاج بوبينة و بوجية وسلك كهربا و ابقى انا عملتها ولا اية رائيك |
| الساعة الآن 09:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017