مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - أه فى الريموت (https://www.masrmotors.com/vb/showthread.php?t=44909)

أه فى الريموت

كل سنة وأنتم طيبين بالعام الجديد

زى ما كتير عرفين فى المنتدى أنى عندى عربية هيونداى ماتركس كورى 2001 إستيراد. لما جاءت أستلم العربية من التاجر أعطانى مفتاحين للسيارة بالإضافة لريموت فيه زرار واحد كبير وزرار تانى صغير من الكوتش وفى الريموت لمبة فوق الزرارين زهى لمبة صغيرة جدا جدا. لما بضغط على الزرار الكبير بلاقى اللمبة بترعش بلون أحمر وبعيدن تقف. أما الزرار الصغير الجلد الصغير جدا فمش بيولع اللمبة. الريموت مش بيأثر خالص على العربية يعنى ضغطت علية كام مرة وأنا جنب العربية مش حصل شيء. للأسف الصورة اللى على الزراير ممسوحة من كترة الإستعمال او مش كان فى رسومات أصلاً.

مش فاهم فايدة الريموت دة ايه؟ ولماذا لا يعمل؟ هل من الممكن أن يكون الريموت بتاع عربية تانية والراجل أعطانى له كإضافة للبيعة.. أرجو النصح والتوضيح لمن له خبرة

رد: أه فى الريموت

الريموت ده بيقفل العربيه و يفتحها المفروض الزرار الكبير لما تدوس عليه كل الابواب تسوجر ولما تدوس على الزرار الصغير كل الابواب تفتح معاك لكن ممكن يكون عايز حجاره او الريموت بايظ وعادى ممكن تعمل واحد جديد عند اى كهربائى

رد: أه فى الريموت

متشكر لردك ولكن حجارة إيه. الريموت مبرشم خالص ومش فيه مكان لمسمار علشان يتفك ويتحط جواة حجارة. شكلة زى ما يكون مش بيتفتح. الحقيقة مش عارف. طيب هل ممكن يكون العيب فى العربية بمعنى أن الريموت بيبعت إشارة ولكن العربية اللى مش بتفهم الإشارة لعطل ما؟

رد: أه فى الريموت

معلش ياباشا سامحنى أتأخرت عليك.

الريموت غالبا محتاج تغيير حجارة, متنساش أن حضرتك شارى العربية مستعمله وكمان أستيراد, يعنى الحجر بقاله كتير ماتغيرش والريموت أستهلك من الأستعمال والمفروض الحجارة تتغير.

الريموت فعلا ياباشا فيه حجارة, هو بيبعت أشارة لاسلكية لوحدة الأنذار فى العربية بدائرة بسيطة جواه, بالتالى محتاج حجر علشان يشتغل.

والحجر بتاعه حجر صغير زى بتاع الساعة كده, أى حد بتاع مفاتيح سيارات يغيره لحضرتك فى ثوانى, وممكن كمان لو ساعاتى كويس يقوم بالمهمة.

والريموت وظيفته أنه يفتح السنتر بتاع العربية والأنذار, يعنى حضرتك بتدوس على الزرار الكبير يفتح الأبواب زى ما أحمد باشا قال بالظبط.

وبعد ماتغير الحجر تقدر تعرف وظائف الريموت, أو لو التغيير ما أثرش تبقى دى مشكلة تانية:)

رد: أه فى الريموت

يا باشا الريموت دة محتاج حجارة تودى لساعاتى كويس وبيفوكو ويركب الحجارة ويركبو تانى حتى ولو متبرشم وربنا معاك

رد: أه فى الريموت

متشكر ليكم على الرد يا عمرو ومحمود .

امبارح أستطعت أفتح الريموت بنفسى الحكاية مش كانت صعبة. أخذت الحجر للساعاتى وقاسة بالجهاز وقالى لى الحجر كويس ومش عاوز يتغير. مش وثقت فى كلامة ورحت لواحد تانى وقاسة برضوا بالجهاز عنده وقالى هو كمان الحجر كويس ومش محتاج يتغير. الحجر مش غالى دة 6 جنية بس. الحقيقة أنا مش عارف إذا كانت العربية فيها سنتر لوك ولا لا أصلا. المتأكد منه إنه مش فيها إنذار. أرجع أسأل نفسى طيب ليه الراجل أدانى الريموت لو مش نافع للعربية.. مش فاهم. العربيات اللى زيها فيها المركة والموديل فيها سنتر لوك. هل ممكن تكون العربية دى مش فيها سنترلوك.

لو سمحتم ممكن تنصحونى أعمل أيه. أنا عاوز أتأكد الأول إن العربية فيها سنتر لوك أو إنذار. هو الأجهزة دى فين فى العربية. أعرف منين ان العربية فيها سنتر لوك ولا لا..... أنا حيران...

رد: أه فى الريموت

هى العربية ياباشا أكيد فيها سنترلوك أو أنذار على الأقل, أو الأثنين مع بعض.

الأنذار بيبقى غالبا فيه لمبة صغيرة على التابلوه من فوق عند القايم, بتشوفها من بره العربية وأنت واقف جنبها, ولما العربية بتتقفل بالريموت, الأنتظار بينور مرة أو مرتين, واللمبة اللى على تابلوه العربية بتنور وتطفى بصورة متقطعة علشان تدل على أن الأنذار شغال, ده غير أن لو حصل خبطة مثلا على جسم العربية السرينة هتشتغل, وكمان بيبقى فيه وحدة تحكم للأنذار تحت الكبوت, وراكب تحت الكبوت برضه البوق بتاع السرينة (لو فى سرينة فى النظام ده أصلا:))

أما السنتر بكل بساطة, لما بتدوس على زرار القفل فى الريموت, بيقفل المسوجر بتاع الأبواب عن بعد, ولو راكب جوه العربية وقفلت المسوجر بتاع باب السواق باقى الأبواب بتقفل مسوجر.

لو مبتحصلش أى حاجة من دى, أو أى علامة خالص مع دوسة حضرتك على أى زرار فى الريموت, ياريت حضرتك تروح لكهربائى أو متخصص يشوف أيه النظام بالظبط, ويكشف على الريموت علشان كده محدش فاهم حاجة:)

بالتوفيق ياباشا