|
سؤال عن السوبر شارجر الكهربائى
السلام عليكم و رحمه الله
انا امتلك سيارة فولفو 240 (2.0 انجيكشن) و السيارة الحقيقه مريحانى لدرجه انى مش عايز اشترى اى سياره جديدة (الحمد لله الميزانيه تسمح جدا)..لانه مش حتكلم طبعا عن قوه الفولفو 240 و الامان و الكماليات الاساسيه كلها...الخ و لان ايدى فيها على طول و مش ببخل عليها باى قطعه غيار جديده محتاجه تتغير.... المهم مش حطول عليكو...العيب الوحيد اللى فيها ( اذا كان البعض بيسميه عيب .. و انا منهم) هو معدل التسارع...السحب يعنى بتاع العربيه ... و دا بالمقارنه بالعربيات الحديثه...مع العلم ان السرعه على الطريق للفولفوبتاعتى بتوصل لل 180 فى طرق السفر.. لكن التسارع ابطاء من سيارات اخرى...لذلك انا بحثت على النت و وجدت ان انسب حل للموضوع دا هو السوبر شارجر.... انا الحمد لله اشتريت واحد من امريكا بس لسه مركبتوش و مستنى لما انزل مصر ان شاء الله. التركيب سهل جدا .. يمكن ياخد نص ساعه...بس السوال: ايه اللى ممكن يحتاج يتغير فى العربيه لما الجهاز دا يركب فيها؟ يعنى انا خايف بصراحه... جهاز زى دا ممكن يزود قوة السياره حوالى 30 حصان او اكتر بضغطه زرار... ممكن يستهلك حاجه تانيه فى العربيه او يبوظها.... فى حد يا ترى عنده فكرة ممكن اعمل احتياطى ازاى عشان اتفادى اى مشكله و اغير ايه فى العربيه قبل ما استعمل السوبر شارجر؟ و اسف للاطاله و لكم جزيل الشكر |
رد: سؤال عن السوبر شارجر الكهربائى
أنا مجربتوش بس قاري عنه ومتابعه من فترة أشك في أنه ممكن يزود العربية 30 حصان المتوقع أقل من كده بكتير ويقترب لعدم التأثير
ممكن لينك للجهاز ألي انت أشتريته علشان نتناقش علي بينة أكتر ممكن يكون غير ألي في بالي. |
رد: سؤال عن السوبر شارجر الكهربائى
Try this link (sorry I don`t have arabic on the board now...ma3andish 3araby hena delwa2ty). |
رد: سؤال عن السوبر شارجر الكهربائى
|
رد: سؤال عن السوبر شارجر الكهربائى
sorry thats mostely fake
|
رد: سؤال عن السوبر شارجر الكهربائى
شكرا على الاهتمام و الرد عموما انا ن شاء اله نازل مصر قريب و حجربه فى العربيه عملى و حبقى انقل التجربه دى ان شاء الله لعل حد يستفيد الفكرة للسوبر شارجر تقوم على تزويد السلندرات بنسبه هواء ( اكسجين) اعلى من المعتاد.. و دا اكيد نظريا لازم حيزود الاحتراق و بالتالى القوة للمحرك....الشارجر الكهربائى بيقوم بتزويد المحرك بنسبه ثابته من الهواء...لما يتم بدء الموتور الكهربائى ( البلووار) بيشغل المروحه لكبس الهواء داخل السلندر....بعكس الشارجر الديناميكى..و اللى بيكون متصل بسير من الموتور....و المرحه هنا بتشتغل مع لفات الموتور... يعنى كل ما تزود عدد لفات المحرك ( بالضغط على البنزين) بيتم فى نفس الوقت ضغط هواء زياده فى السلندر...و بالتالى بيتزيد قوة المحرك بمضاعفات. النوع دا طبعا بيكون اقوى بكتير لكن مش اى موتور يقدر يستحمله.... و فيه خطر ان الموتور ممكن ينفجر لو مش مناسب ليه.... عشان كده انا اخترت الشارجر الكهربائى.. و اللى المفروض انه بيزود الباور بنسبه اعلى شويه...وعلى فكرة فيه ملحوظه برضه: على السرعات العاليه..محرك السياره بيسحب هواء يمكن اكتر منه...لكن هو مفيد فى السحب على السرعات الصغيرة عموما كل دى نظريات انا قريتها على النت واللى بتشرح نظريه عمل الشارجر .. سواء الكهربائى او الديناميكى... حجرب ان شاء الله و نشوف ربنا يستر بقه |
رد: سؤال عن السوبر شارجر الكهربائى
أنت كده كده أشتريته وهاتجربه يعني مش خسران حاجة
عايز ندردش شوية ونحط النقط علي الحروف علشان ماتتفاجأش بنتيجة أقل بكثير من توقعك عند التجربة مافيش مشكلة الحمد لله ملم بالتيربو والسوبر شارج.......بالتوفيقROSE4U |
| الساعة الآن 10:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017