رينو فلوانس ولا مازدا 3
 

الموضوع اني انا محتار بين مازدا 3 و فلوانس هاتجنن
مازدا 3
ميزتها انها يابانى شكلها حلو و صراحتا مشهود لها من كل الناس ان مفهاش حاجة غلط.عيبها الوحيد اها واطية عن الارض (هايركبها 5 او 4 اشخاص),
رينو فلوانس
ميزتها انها فرنسى عضمها ناشف واسعة شكلها فخم.
عيبها و دة من اللي سمعتة ان الرينو ممكن يعطل فجاءة و ان كهربتها صعبة مفيش ميكانيكي يعرف يصلحها فلازم تتصلح فى التوكيل

دي كل معلوماتي لو حد يعرف حاجة تاني يريت يقول انا عاوز اتاكد من عيب الفلوانس او المازدا و دة اللي هايخايني اقرر اشترى انهى.

رد: رينو فلوانس ولا مازدا 3
 

الفليونس احسن من المازدا! نصيحة اشتري الفولينس و ادعيلي

رد: رينو فلوانس ولا مازدا 3
 

الي هيحدد إنتا وطبيعة إستخدامك للعربية ومتطلباتك منها.
ياعني مثلا عندك مثال الفلوينس عربية فخمة أو مستوى من الرفاهية أعلة من المازدا بس الحلو مايكملش سعر إعادة البيع للرينو كله في الأرض ياعني هتقولي المازدا أحسن بردو المازدا صغيرة من ورى ياعني الكنبة الي ورى ديقة لو عيلتك عددها كبير يبقى الرينوه أحسنلك. هتحتار ليه بس أصبر بس وإتقل.
إلي يخليك تفكر في رينو تقيلة في البيع والصيانة ولا مازدا واطية على الأرض وديقة (مش عائلية قوي) والإتنين أسعارهم عالية بالمحيط الي حواليهم يبقى الأحسن إنك تفكر في سيفيك ودي فعلا العربية الي هتديلك عزم وثبات ينفعك لو إنتا من محبي الجري والشد ووسع داخلي ليك ولعيلتك وصحابك وفكر كويس قبل ماتشتري.

رد: رينو فلوانس ولا مازدا 3
 

هي العيلة 5 افراد بس نادرا ما هيركبوا كلهم ,كمان السيفيك ب157 basic ,و ميهمينيش سعر اعادة البيع بس الل مخوفني جدا من الفلوانس حكاية ان التصليح فى التوكيل بس فاهيبقى غالي وانها لو عطلت محدش هينفع يصلحها ولو موقتا

رد: رينو فلوانس ولا مازدا 3
 

اولا الرينو فلوانس تجميع تركى وليست فرنسى
ثانيا العربيه الى الان غير معروف عيوبها لانها لسه جديده ( ما بقالهاش سنه فى السوق )
والطبيعى ان ماتظهرش العيوب فى اول سنه

ثالثا الرينو عامه سعر اعاده البيع سيء جدا جدا وده كان سببه السمعه السيئه للميجان من ناحيه اعطال الكومبيوتر المفاجئه واعطال الكهرباء المتكرره

انا شايف المازدا اكثر اعتماديه وتحمل عن الرينو

رد: رينو فلوانس ولا مازدا 3
 

اللي بيتكلم لازم يجيب ادلة او يكون ساق العربيتين! الرينو توكيلها من اكثر التوكيلات المحترمة في مصر!!!!! ثانيا الفلوينس عربيه فاخرة بقاعدة عجلات اكبر من الميجان بموتور الميجان 3 اللي لسه منزلتش مصر! افضل ضمان لعربيه في مصر هو ضمان EIM توكيل رينو و كيا بجوار توكيل نيسان مصر! نصيحة اشتري الفلوينس بس اعمل تأمين على العربيه تحسبا لا قدر الله! للعلم المازدا سعر اعادة بيعها وحش جدا برضه!!! على عكس الرينو حاليا لما تيجي تبيع اللوجان مثلا تلاقي تمنها بيقل 5 الاف جنيه بالكتير بعد استخدام سنة و عشرين الف كيلو ! الرينو بدأ ياخد وضعه باللوجان و الفلوينس! و برضه معلومة تانية غبور مش توكيل كويس و ضمانه و صياناته قمة في الاهمال و سوء المعاملة

رد: رينو فلوانس ولا مازدا 3
 

انا معرفش حاجه عن الفلوانس بس المازدا 3 منتشره اكتر وانا بشوفها كتير وماشوفتش الفلوانس على الطبيعه خالص لحد دلوقتى