لانسر 1300 مانيوال
 

انا هشتري يا جماعه لانسر 1300 مانيوال مو 2006 ياريت تقوليلي اخد بالي من إيه وا نا بشتريها وايه الي هاعمله خايفه ينضحك عليا
وإيه رأيكوا فيها انا هدفع فيها 65000 جنيه ياتري كويس ولا ترشحولي حاجه تانيه
بس ياريت بسرعه عشان انا ممكن اشتريها بعد يومين
ميرسي يا جماعه علي المنتدي الجميل ده

رد: لانسر 1300 مانيوال
 

هو اسعر حلو لان موديل 2007 بيتباع ب70 الف

ده فى حالة ان العربية فابريقة

انما لو رشة برة فاصلى ف الفين او تلاتة


عشان تتاكدى ان العربية سليمة سواء رشة او فابريقة

محتاجة اصلاحات ولا لا

وديها التوكيل يكشف عليها وهو هيديكى تقرير شامل عن العربية

وده عنوانه

http://www.contactcars.com/SearchRes...14&search=true

رد: لانسر 1300 مانيوال
 

وبرده بالتمن ده تقدرى تشترى كيا بيكانتو او هيونداى i10 زيرو

رد: لانسر 1300 مانيوال
 

بصراحه لو من حد غريب روحي في بنزينة موبيل يعملك كشف للعربيه بالاعطال بيتكلف 60 او 80 جنيه ده اكتر حجاه يطمنك وانا رايي تجيبي فيرنا او رينو جديده لانج خصوصا ان اللانسر بعد الكريستاله كله خفيف علي الطرق اوووي عن عربيات كتير او لو عايزة مستعمل الاوبل الاسترا تحفة وتعملها 55 بس هتاخديها كانها جديده
او هاتي جديد خالص وبالتوفيق وابقي قوليلنا عملتي ايه

رد: لانسر 1300 مانيوال
 

هيكل العربية ثقيل على 1300 سي سي ... لا انصحك بشرائها ... تقيلة في السحب ..
ومن غير ماتسأل كتير خدلك لفة كدة في القسم ده وهتلاقي اراء كتير وادخل كل المواضيع عهتلاقي ناس كتير ليه اراء عن ال1300
ونصيحتى في الاخير خليك في الجديد هيونداي ده لو انت بتحب الكوري
ومتخدش قرارك بعد سماع واحد
وفيه مثل بيقول (اربط راسك وألف من يعطيك دواء )
هتتحير شوية بس متخدش قرار بسرعة ... وايه يومين دول ...اهدا كدة وركز دول 65 الف
وسامحنى على التقصير وشكرا

رد: لانسر 1300 مانيوال
 

شكرا علي ردك الجميل
ال أوبل ناس قالتلي قطع غيرها غاليه وممكن ماعرفش ابيعها تاني بسرعه او سعرها ممكن يقل كتير ايه رأيك في الكلام ده وبعدين لانسر 1300 مانيول قالولي كويسه الأوتوماتك هي إلي مش كويسه وبالنسبه للفيرنا والانوس واللوجان انا مش حباهم
انا مستنيه ردودك عشان تفهموني اكتر
ميرسي لاهتمامكوا

رد: لانسر 1300 مانيوال
 

اللانسر بدون منازع طبعا
عربيه ليها ثقلها في السوق وتتباع هوا لو حبيتي تغيري
الفيرنا موتور بدون عربيه وادائها زي الزفت
اللانوس منتشره قوي بس حلوه
اللوجات ابعدي خالص عن عيلة الرينو
قطع غيار نار نار وصيانه جهنم
لكن اعتقد للانسر ان الـ1300 مش في قوة الـ 1500 لان الـ1500 عزمها اقوى
لكن الـ 1300 انا اعرف انها اقتصاديه سواء في البنزين او الترخيص...
ونصيحه وديها لأي بنزينة موبيل وارفعيها عندهم ويشوفو العفشه والموتور
ولو تمام اتوكلي على الله واشتريها...