يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

ارجو ان تفيدونى، محتاج اعرف مين فيهم افضل على المدى الطويل، بجد الموضوع محيرنى جدا، لانى المفروض انشاء الله هاجيب واحدة منهم، سكودا معروفة انها بستحمل كتير و كمان واسعة وال basic منها فيها اوبشن كويسة، بس المازدا برضو محترمة وتوكيلها بقى غبور ودى نقطة فى صالحها ده غير ان شكلها اشيك من الفانتزيا بس اضيق منها فى الصالون، بجد محتاج حد يدلنى على حاجة مش شايفها , و ياريت لو حد يقولى تكييف الفانتازيا قوى ولا لأ و لكم جزيل الشكر.

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

والله انت وضعتنا ووضعت نفسك في حيرة ضخمة
اختيارك للاتنين رائع
ونفس ميولى واتجاهاتي
السكودا الماني ... قوة على المدى البعيد - لكن شكلها مقارنة للمازدا ..المازدا شكلا احسن
قطع غيار غالية بس ياجماعة الخير الغالي تمنه فيه وبعدين انتوا بتدفعوا على الكافتيريات اكتر ما بتدغعوا في عربيتك اللى شيلاك
اتزان رائع وراسية على الارض وثبات في سرعات عالية مقلقش عليه ..
السعر اغلى من المازدا لو هتتكلم في الهاي لاين الفنتازيا ب 209 الف فل اوبشن
المازدا الهاى لاين 161 الف الفل اوبشن الالترا ...
المازدا ياباني .. قوة - بس زى ما انت قلت اضيق ..
بصراحة انا مش عارف اقول حاجة لان اختيارك دليل على انك فاهم مميزات الاتنين ومدور كويس في العربيات لغاية لما استقريت على الاتنين دول
في الاخير الياباني حلو في المازدا والانسر ومش حلو في التويوتا عن تجربة اكيدة
سمحنى على التقصير ..اختيارك محير جدا

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

بغض النظر عن مسأله الشكل لانها حاجه نسبيه بتختلف من واحد للتانى
اليابانى عامه كعربيات احسن فى التسارع وفى قوه الموتور عن بعض موديلات الاوروبى
واليابانى يتميز بالخدمه الشاقه وتكاليف اصلاح اقل ولكن

الاوروبى عامه ( والالمانى خاصه ) له طعم تانى فى السواقه
ثبات اكثر من رائع وخاصه فى السرعات العاليه ( فوق ال 160 ) وده الى يميزه عن اليابانى
فى التسارع اضعف من اليابانى
فى المتانه اقوى من اليابانى بمراحل
تكاليف الصيانه والخدمات اغلى من اليابانى عامه
فى الرفاهيات والكماليات اعلى من اليابانى
على سبيل المثال شوف الفانتازيا اول فئه وشوف المازدا او السيفيك او التويوتا
( بلوتوث - طاره مالتى فنكشن - مرايات تعتيم- سى دى - مثبت سرعه )
فى الاوروبى الموديلات الاعلى رفاهيه وكماليات من الاوكتافيا هم كالتالى :
Mercedes C-250 مش ال C-180
BMW 320 وليس ال BMW -316
الباسات الجديده الهاى لاين ( علشان الاوتوبارك )
السوبرب 1800
الاودى A5/A6

فعامه انا شايف الاوكتافيا او اخواتها زى الجيتا او الجولف ( كلهم نفس الموتور ونفس الشاسيه ونفس الكماليات ) افضل بكثير من اليابانى

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

شكرا يا يا ياسر على وقتك و معلش حيرتك معايا، بس اديك شوفت بنفسك الوضوع محير أد ايه خصوصا أن الواحد مش بيجيب عربية كل يوم.

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

أهلا يا side ، انا على فكرة متابع ردودك وتعليقاتك عن الاسكودا، وواضح جدا انك بتعز الاسكودا جدا :) ، فخلينى أستفز خبرتك شوية.
انا معاك فى كل اللى قولته عن اليابانى و الاوروبى، بس خلينا نكون محددين أكتر ونتكلم عن المازدا الجديدة، فهى طبعا زى ما بتقو قوبة زى عادة اليابانى، بس انا قريت اشادات كتير بيها و تحديدا فى الموقع هنا، تقريبا فى إجماع على ثباتها و قوتها فى السرعات العالية، ومن حيث التعليق فهى مريحة وبتستحمل، و طبعا نفس الكلام عن الفانتازيا، فياريت لو تعرف معلومة عن المازدا تحديدا ترجح كفة الفانتازيا، أكون شاكر جدا جدا.
وشكرا ليك على مشاركتك ليا

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

انا ممكن افيدك من ناحيه الفانتازيا لكن المازدا الجديده ماجربتهاش
الدليل على قوه الفانتازيا انها موجوده فى 3 اشكال مختلفه
الاولى وهى الاساس وهى الجولف ( غنيه عن التعريف )
الثانيه وهى الجيتا ( وايضا غنيه عن التعريف )
الثالثه وهى الاوكتافيا
الثلاثه مبنيين على نفس الشاسيه والموتور والكماليات
بل الاظرف من ده كله التابلوه والتصميم الداخلى يكون واحد فى العربيات التاليه
اودى A4
الجيتا
الجولف
الاوكتافيا

وده سببه انهم جميعا ببساطه ( فولكس فاجن جروب )
الاظرف والاقوى منهم جميعا هى الباسات بما فيهم الاودى ( من ناحيه الكماليات وليس الموتور فالاودى موتورها 1800 سى سى وليس 1400 )

انا بيتهيألى انت محتاج تعمل Test Drive للمازدا وللاوكتافيا وانت تحس بالفرق بنفسك
بالنسبه لموضوع الثبات انا ماقلتش ان المازدا مش ثابته ولكنها لا تعلو الى مرتبه الاوروبى وأسأل اى واحد معاه اوكتافيا او جيتا او باسات

المازدا والسيفيك والكورولا او حتى الافينسيس عربيات شبابى رياضيه
لكن الاوروبى عربيات رزينه وقوره ليست للسحب والشد والتسابق
( ماعدا طبعا ا BMW )

نصيحتى بجد سيبك من كل الكلام النظرى والفروقات واعمل Test Drive للعربيتين وانت تشوف انهى انسبلك من ناحيه السواقه والارتياح النفسى

ربنا يوفقك

رد: يا جماعة ضرورى جدااا: (Mazda 3 (2011) Highline or Skoda Fantasia A/T Basic (2011 ؟
 

انا اشوف ان سكودا فانتازيا افضل
مازدا مبالغ فى سعرهاايه ياترى
والله الموفق الى حسن الاختيار