سؤال لاهل الخبرة وخاصة مهندس سمير
 

معايا نوبيرا 2 عايزاغير جوان وش سلندر الميكانيكى قال لى نحط عدد 2 جوان لزيادة الغرفة علشان البنزين 80 وواحد صحبى قال كدة مش صح علشان هيقلل السحب وانا محتار اسمع كلام مين برجاء عايز النصيحة لوجة الله وشكراROSE4U

رد: سؤال لاهل الخبرة وخاصة مهندس سمير
 

أما ميكانيكى تعبان بصحيح

بأه وضع جوانين هو إللى حيقلل نسبة الأنضغاط

ياباشا

سيبك من الكلام الفاضى ده

ولو وحدة التحكم عندك موجود ليها فيشة أوكتان

ركبلها جامبر ثلاثى

وأستعمل بنزين 80 من مكان نظيف

وتوكل على الله

أنا بأستعمل 80 حاليا والأمور زى الفل

دى غير أن النوبيرا مزوده كمان بحساس تسقيف

حتى لو حصل تسقيف وده مبيحصلش مع الأستعمال الجيد للدبرياج والبنزين

فالحساس بيساعد فى ضبط نغمة المكنه

___________________

أهم شىء يكون عندك مكان تركب فيه جامبر ثلاثى

لتأخير موعد أطلاق الشراره

كأنك بالضبط بتأخر كهربة المكنه

بس عن طريق تحكم وحدة التحكم فى موضوع توطية الكهربه آليا

رد: سؤال لاهل الخبرة وخاصة مهندس سمير
 

[QUOTE=samirayad;317614]أما ميكانيكى تعبان بصحيح

بأه وضع جوانين هو إللى حيقلل نسبة الأنضغاط

ياباشا

سيبك من الكلام الفاضى ده

والله يا هندسة الواحد مش عارف يعمل ايه مع فتاوي الميانيكية المؤلفين دول
ولما تيجي تتناقش مع اي واحد منهم يفتي ويقولك يابية دا شغلي وانا عارفة
لغاية لما جاللي العصبي وروحت التوكيل
لقيتهم جوة
برضة تخيل
بس اللي فارق في التوكيل انك تلاقي مهندس فاهم وتتناقش معاه هو دا اللي بيفرق التوكيل من برة
لكن معظم الصنايعية دلوقتي بقم بالفهلوة

رد: سؤال لاهل الخبرة وخاصة مهندس سمير
 

مفيش أحسن من أن ندعو إلى الله

قائلين

اللهم أنر بصيرتنا ....للتفرقه بين كل ماهو غض وماهو ثمين

اللهم آمين

رد: سؤال لاهل الخبرة وخاصة مهندس سمير
 

اللهم آمين أمين آمين

رد: سؤال لاهل الخبرة وخاصة مهندس سمير
 

الف شكر للسادة الاعضاء اللذين شرفونى بالرد
مهندس سمير عند حل الوش لقينا فيها 2 جوان فعلا اية العمل يا هندسة سؤال ثانى فين مكان الفيشة دى مع العلم ان السيارة2001 اتوماتك و شكرا على الاهتمام

رد: سؤال لاهل الخبرة وخاصة مهندس سمير
 

يبقى أكيد المكنه دى كانت سخنت قبل كده من مالكها الأولانى

والوش مقفع حاجه بسيطه

وأضطر لتركيب عدد / 2 جوان وش سلندر للتغلب على عملية التقفيع لرأس السلندر

العمل عمل ربنا

ممكن تسأل الميكانيكى الفالح

نعمل أيه دلوقتى علشان نزود الغرفه

نركب دستة جوانات مثلا

الفيشه بتكون ملحقه بوحدة التحكم

ولازم تعرف مكان وحدة التحكم ....علشان توصل للفيشه

عندى بنوبيرا 2007 مانيوال

وتقريبا فى كل الطرازات المانيوال

وحدة التحكم بتوصلها لو حليت الفيبره الفيبر الموجوده أسفل القائم الأيمن الأمامى

تحديدا ( القائم ده عند الركبة اليمين للجالس بجوار السائق )

حتحل مسمارين بلاستيك وواحد معدن بيمسكوا الفيبره دى

حتبص تلاقى وحدة التحكم معلقه جانبيا

حتحاول تشوف الضفيره والأفياش الواصله أليها

ممكن تلاقى الفيشه عندك من ضمن ملحقات ضفيرة وحدة التحكم

بس مش عارف ليه

ايه ياترى

أنا شاكك أنها ممكن متكونش عندك

لسبب رئيسى ....وهو أن سيارتك أوتوماتيك

فهنا المشكله ...نظرا لأن عمليات النقل فى الأوتوماتيك بتتم دون تدخل العنصر البشرى

أى آليا

وكده ممكن البنزين 80 مينفعش عندك

عموما جرب وشوف

فيه فيشة أوكتان عندك ولالا