احلال الملاكى فى الطريق
 

السلام عليكم.
يا جماعه مكتوب فى ملحق السيارات بتاع اهرام الجمعه ان احلال الملاكى فى الطريق.

رد: احلال الملاكى فى الطريق
 

وماله يا باشا يجي بالسلامة احنا مستنينه يأنس ويشرف

رد: احلال الملاكى فى الطريق
 

أنا بصراحة لسه ماقريتش ملحق الأهرام بتاع اليوم , بس أنا هقرأ الموضوع و أفهمه و بعد كده نشوف الحكومة ناوية على ايه !!!

حكومة زكية فعلا , كده يبقى خلصت عالتاكسيات و المقاطير و الملاكى و فاضل لسه ...................... القطورات و مترو الأنفاق , ربنا ييسر و يعين .

أنا شايف أن الحكومة هى اللى عاوزه احلال مش الملاكى !!!!!!!!

رد: احلال الملاكى فى الطريق
 

دا احنا ولا امريكا و اوروبا !!!
يعني عايزين يخلو البلد جديده

طب ما يشوفو صفايحه الزباله المسماه بالترامكو ولا المني باصات اللا ادميه و اتوبيس النقل العام الي مابيلحقش يطلع م الموقف و بيعطل
و بعدين يبقو يشوفو هيحلو الملاكي ازاي !

رد: احلال الملاكى فى الطريق
 

بيستشهدوا باحلال الملاكى فى المانيا وبعض الدول الاوربية الى سبق لها التجربة دى
يمكن تكون الجربة ناجحة يمكن .. بصراحة كل ما افتكر الى حصل فى توشكى وانا بستعجب على حال بلدنا
لازم يخفضوا ثمن القسط لادنى درجة لان الملاكى سيارة خاصة مش بتجيب دخل زى الاجرة مثلا
بالعكس الملاكى بيتصرف عليه وفايدته فى الانتقال بس لمالك او ما ينوبه عن ملكية السيارة
ولا هيقولوا للملاكى ركب استكرات شبسى بردوا
وماله يبقا الناس تمشى بعربياتها بطعم الجنبرى :)
ولا واحد يقول للتانى دنا عربيتى عليها استيكر حديد عز ونت عربيتك وزارة الصحة :)
يلا هيا جت عالملاكى .. يا بركاتك يا وزارة المالية عاوزة تشغل مصانع السيارات باى طريقة

ولازم يكون فيه جزء اختيارى يعنى ميجيش يضغطوا على موظف يدوب عربيته بتوصله وكافى خيره شره ويقولوو خد واحدة بقسط كذا او كذا
والله لو ما عملوا كدا ولا ملاكى هيتحل ولا يتربط حتى
سلملى عالانتعاش الطبيعى ROSE4U

رد: احلال الملاكى فى الطريق
 

اكيد هايكون احلال اختيارى وفعلا لابد من عمل احلال للحرس القديم عشان مشاكل زى البطالة والفساد تتحل يعنى لما عملوا احلال بوزارة التربية والتعليم بقى الشغل فيها ماشى زى الساعة واحوالها اتظبطت وتم القضاء على الفساد فيها بنسبة كبيرة واستبعد السادة الهبيشة وعلى مايبقى الوزير مركز قوى ( عشان بقى قديم ) يتشال هو ده الشغل وهى دى سنة الحياة عقبال باقى الوزارات واللى مشغلنهم ( لو ما آلت لغيرك ما وصلت اليك ) اللهم قد بلغت اللهم فاشهد ولاحول ولا قوة الا بالله

رد: احلال الملاكى فى الطريق
 

انا شايف ان الموضوع ده هيواجه عواقب كثيره منها انه ليس كل مالكى الملاكى لا يمكن اجبارهم على دفع قسط 1200 جنيه لسياره مثل الفيرنا بخلاف مصاريف السياره من بنزين وصيانه مع العلم ان البنوك لا توافق على ان يدفع العميل 1200 الا اذا كان القسط عباره عن 40 فى المائه من مرتبه. فمن الممكن ان يكون الموضوع اختيارى مع عمل اختبار بيئى كل 6 شهور زى ما قالوا قبل كده وطبعا التعامل مع المرور كل 6 شهور حاجه ......