عايز اعرف من خبراء المنتدى
 

كنت عايز اعرف من خبراء المنتدى كل ما يشمل من الصيانة بمعنى اغير تيل الفرامل امتى واغاير الكوتش كل كام كيلو واغاير ماستر الفرامل امتى والتيل عايز اعرف بعد ازنكو كل ما يتغير فى العربية لانوس وفلتر الزيت والبنزين اى حاجة بتتغير والوقت الاى المفروض تتغير فى امتى وشكرا

رد: عايز اعرف من خبراء المنتدى
 

وبلي الاى موجود فى العجل امتى انا اسف انتو عارفين انى لسة جديد ومش عايز ابوظ حاجة

رد: عايز اعرف من خبراء المنتدى
 

لو العربيه زيرو
يبقي الكاوتش عند 50 الف لو ماركه كويسه
تيل الفرامل حسب الاستعمال و اول ما الفرامل تصفر تغيره علي طول
الزيت علي حسب النوع اللي بتححطه
لو موبيل xhp يبقي 5.000 كم
لو موبيل 1 يبقي 10.000كم
فلتر الزيت كل 10.000 كم
فلتر البنزين و السيور حسب ما الوكيل محدد

رد: عايز اعرف من خبراء المنتدى
 

الماستر مبيتغيرش إلا لو كان فيه مشكله عندك فى دورة الفرامل

الدواسه بأت خفيفه وبتنزل معاك وأنت مثبت رجلك عليها

أو العربيه بتلف معاك وأنت بتفرمل

يعنى لازم يكون فيه مشكله أساسا فى دايرة الفرامل

وسببها الماستر ده

بعد تحليل كل الأسباب

رد: عايز اعرف من خبراء المنتدى
 

بلى العجل مبيتغيرش إلا أما بيبوظ

تسمع صوت ونه أو نحره أو بليه قافشه

رد: عايز اعرف من خبراء المنتدى
 

والمفروض يا أبو حنفى تعمل دور واجب على طول مع العربيه اليومين دول

1- تغير سير الكاتينه لو العربيه كانت عامله أكتر من 40 ألف كم

2- تغير سير التكييف وسير الدينامو

3- تغير زيت المكنه والفلتر

4- تكشف على زيت الفرامل ولو ناقص تغيره هو والتيل بالمره

لأنك شارى العربيه أستعمال ( على ما أتذكر )

5- تغير بوجيهات وفلاتر هواء وبنزين

يعنى

بشرقها شويه

لأن تلاقى البائع كان منشف ريقها

رد: عايز اعرف من خبراء المنتدى
 

يا بشمهندس انا وخدها كان مغيرلها زيت بس معرفش عملت كام كيلو وانا غايرتو وهو مغير سير الكاتينة وانا وديتها لميكانيكى معرفة قال فعلا لسة جديد السير وانا بغير الزيت جيت اغير الفلتر بتاع الزيت الراجل قالى الفلتر كويس جدا غيرة المرة الجاية طب ممكن اعرف امتى اغير البوجيهات وعايز شوية معلومات يعنى زى محضرتك قولت فى ونة فى التيل يعنى اعرف عيب امتى لما حاجة تبوظ