مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   مطلوب رائيكم وانا عارف مش هاتخذلونى (https://www.masrmotors.com/vb/showthread.php?t=4305)

us_ahmedsamir 03-01-2009 01:12 PM
مطلوب رائيكم وانا عارف مش هاتخذلونى
 
اخوانى الاعزاء فى منتدى مصر موتورز انا قررت اشترى عربية بس محتار جدا وعايز ارائكم اولا حدود السعر 25000 علشان انا لسه متعلم سواقة ومش عايز اجيب عربية زيرو مشوارى من البيت للشغل كل يوم حوالى 100 كيلو رايح جاى محتار بين 128 ولا السيتروين AX ولا المازدا 323 ,ولا اعلى شوية واجيب برايد العصفورة مستنى ارائكم الى انا واثق فيها
شكرااااا

Semsem999999 03-01-2009 01:33 PM
رد: مطلوب رائيكم وانا عارف مش هاتخذلونى
 
برايد العصفورة

محمد حنفى 03-01-2009 01:35 PM
رد: مطلوب رائيكم وانا عارف مش هاتخذلونى
 
برايد العصفورة

POP EL GAMED 03-01-2009 02:50 PM
رد: مطلوب رائيكم وانا عارف مش هاتخذلونى
 
هيونداى اكسيل ال 1300 هتلاقيها فى الرنج ده
وهتبقى اكبر واعلى من البرايد العصفوره
ومع رخص الاسعار دلوقتى هتلاقيها فى الرنج اللى انت حاطه ده
وقطع غيارها مرميه فى اى حته ورخيصه

sam ram 03-01-2009 06:57 PM
رد: مطلوب رائيكم وانا عارف مش هاتخذلونى
 
اهم حاجه الحاله ...
يعني لو لقيت اكسيل حالتها كويسه يبقى هايل
والبرايد العصفوره طبعا زي رأي الزملاء
السيتروين AX صيانتها صعبه و مش اي حد يعرف يشتغل فيها

HaShiMoto 03-01-2009 08:09 PM
رد: مطلوب رائيكم وانا عارف مش هاتخذلونى
 
لو المقارنة بين ال 128 والمازدا 323 وال AX

هشترى ال AX لو هتقعد معايا فترة ومش هبدل بسرعة او مش هتعلم عليها لان زى ماقال الاخوة صيانتها مش سهلة ومش فى اى مكان واعمل حسابك انك ممكن تدور كتيييييييييير على حالة نظيفة

هشترى ال28 لو عايز عربية اتعلم عليها وحاجتها رخيصة سواء صيانة او لو لاقدر الله اتخبطت لمها سهل جدا وساعة البيع بيعها سهل

ال 323 انعم واوسع بس الحالة برضو هى اللى بتحكم وصعب برضو تلاقى حالة كويسة

وفيه كمان البيجو ال 305 بس نفس مشكلة الحالة زى ال 323

فى الشريحة بتاعة اول التلاتينات عندك

هيونداى اكسيل
عملية صالونها احدث من البرايد وقطع غيارها رخيصة بس عفشة وفرامل اقل من البرايد

كيا برايد
قطع غيار منتشرة ورخيصة عربية عملية فى استهلاك البنزين وفى عفشتها وموتورها ال 1100 مثلا بيديك اداء 1300 فى الاكسيل مثلا وال 1300 هيديك اداء 1500 اصل موتورها مازدا علشان كده مواتيرها عزمها عالى

سكودا فليشيا
قطع غيار غالية بس شكلا وموضوعا عربية محترمة وان كانت ناشفة حبتين

دايو ماتيز - هيونداى اتوس - شيرى QQ
ابعد عن التلاتة (اهرررررررررررب)

وزى ماقال سام رام اهم حاجة الحالة

us_ahmedsamir 03-01-2009 10:13 PM
رد: مطلوب رائيكم وانا عارف مش هاتخذلونى
 
كده انا دماغى راحت للبرايد بس انا عايز اعرف الحالة الكويسة بالتكيف بتعمل كام فلوس واشترى من الوسيط ولا انزل سوق الجمعة ومتشكر ليكو جدا يا HaShiMoto - sam ram - POP EL GAMED - medo1970 - Semsem999999


الساعة الآن 08:49 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017