العمر الافتراضى للبطاريه
 

يا جماعه انا معايا النترا اوتوماتيك 2008 و لما بسيب العربيع يوم مدورهاش تانى يوم بتعتل لما اجى ادورها انا خايف لاجى ادورها فى يوم متدورش ودى هتبقى مشكله عشان مش هتنفع تتزق لازم وصله قولولى اعرف منين ان كانت البطاريه باظت و ايه العمر الافتراضى لبطارية الالنترا 2008

رد: العمر الافتراضى للبطاريه
 

العمر ( صعب حد يحدده )

ولكن البطاريه الكويسه على الأقل تعيش معاك 3 سنوات

مع وجود دينامو يقوم بتعويض فاقد البطاريه بطريقه جيده

_________________________ __

عموما أنصحك بالآتى

1- فك أطراف البطاريه ...السالب أولا ثم الموجب

ويراعى هذا الترتيب

2 - نظف القواطيش من الداخل بحتة صنفره ناعمه

ونظف أصابع البطاريه من الخارج بنفس الصنفره

3- كن مجهزا لغلاية ماء .........بها ماء ساخن

وأغسل القواطيش والأصابع مكان الصنفره

4 - جفف مكان ماء الغسيل بقطعة قماش نظيفه

5- أعد تركيب القواطيش مكانها

وأبدأ بتركيب القطب الموجب أولا ....ثم أتبعه بتركيب القطب السالب

ويراعى أيضا هنا ترتيب التركيب

6- ربط مسمار التجميع جيدا بمفتاح مخصص لهذا ( غالبا بلدى 10 )

7 - حط لحسة شحم خفيفه على كل منطقة تجميع لتغليفها وعزلها عن مسببات الرطوبه والتملح

8- قم بأدارة محرك السياره وأنطلق على ال FREE WAY لأعادة تعويض

البطاريه مافقد منها بسبب أحتمالات عدم الرباط الجيد بين القواطيش وأصابع

البطاريه

طبعا كل مازادت الرحله طولا ............كل ماكان أفضل وخصوصا بعد شوية

الشغل الموضحين أعلاه

وسيب بأه الباقى على الله

رد: العمر الافتراضى للبطاريه
 

انا متشكر ليك جدا على هذا الرد التفصيلى و التوضيحى

رد: العمر الافتراضى للبطاريه
 

الله يخليك

رد: العمر الافتراضى للبطاريه
 

أهم شئ البيجهاوت والأسبراتير والكلام ده كله غيره بص على المارش وأفحص البطارية لأن الحاجات دى حصلت لى قبل كده وكان السبب البيجوهات

رد: العمر الافتراضى للبطاريه
 

فى الغالب المشكلة فى البطارية لان 3 سنوات للبطارية معدل ممتاز وتشكر
واظن ان بطارية الالنترا جافة ولها عين ( لمبة بيان ) لكن غير مضيئة وتعكس الاضائة
وبتكون كالتالى :-
ويفضل النظر لها نهارا ً او تسليط ضوء عليها ليلا ً
اخضر ......... البطارية سليمة
اسود ......... تحتاج للشحن ( وهنا تأكد من الدينامو شغال عند كهربائى متخصص )
ابيض ......... البطارية تحتاج لتغيير
وعموما ً البطارية بيكون مكتوب عليها للتأكد من صحة اللون الابيض والاسود لانى مش متأكد بدقة والجو برد جدا ً برة للخروج والتأكد فأعذرنى
قمت بالتعديل وشكرا ً اخى سمير

رد: العمر الافتراضى للبطاريه
 

العكس هو الصح

ابيض ...........تحتاج تغيير

أسود ..........عاوزه أعادة شحن

وأنا شوفتهالك

لأن الجو عندنا كويس