عايز معلومات مبسطة ومتعمقة عن الزيت
 

السلام عليكم ورحمة الله وبركاته
ياريت تفيدونى فى أى معلومات عن الزيت
لأن أنا إحترت وتوهت
المفروض إن الزيت لما يسود يبقى مدته انتهت واغيره ولا لما عدد الكيلوات بتاعته تعدى أغيره
أنا فى موضوع تانى كنت ذكرت انى كان الزيت بينقص عندى وبزوده (من بتاع الزيوت )والحمد لله بقاله فترة مابينقصش ولونه كويس ( مش اسود غامق يعنى ) بس أنا حسيت انه طول قمت غيرته النهاردة وحطيت التعاون 1000 كم

فهل دلوقتى لما تعدى ال 1000 كم دى أغيره ولا استنى لما يسود؟
وبتاع الزيت قاللى إن أنضف حاجة ممكن أحطها هى موبيل بس حاجة غير موبيل وان مش فاهم ليا ؟

الملخص إنى عايز أعرف إيه لازمة الزيت دا فى الحياة بطريقة مبسطة وسهلة وايه لازمة تغييره فى ميعاده وهل لو عدى معاده وماإسودش هايفرق؟ يعنى هل السواد شرط أساسى ولا الميعاد ؟

والعربية شاهين 1400 موديل 99 ( اللى فى التوقيع )

وايه أفضل زيت ليها ... وشكرا

رد: عايز معلومات مبسطة ومتعمقة عن الزيت
 

أتفضل

يأ أستاذ : إبراهيم

دوس هنا

ولو ليك سؤال

تحت أمرك

رد: عايز معلومات مبسطة ومتعمقة عن الزيت
 

وأقرا


و

وقول لنا وصلت لأية

رد: عايز معلومات مبسطة ومتعمقة عن الزيت
 

جزاكم الله خيرًا

بس أنا كدا توهت أكتر

الموضوع بإختصار شديد إنى ماكنتش أعرف حاجة عن الزيت غير إنه لما يسود أغيره ودا لأنى لسه شارى العربية فى 9/2009 وكنت شفت عربية وهى بتغير زيت وكان الزيت طالع من الموتور أسووووود خالص والعربية كانت ماشية ماشاء الله لاقوة إلا بالله فقلت يبقى هاغيره لما يسود خالص كدا

المهم نسيت نفسى لقيت إنى مشيت عليه حوالى 30000 كم والعربية الحمد لله تمام بس هو لونه أغمق شوية قلت لما أروح أغيره إحتياطا

فا من الآخر أنا عايز إجابات مختصرة ويفهمها واحد صغير جدا
1- أغير الفلتر كل قد إيه ؟
2- أغير الزيت لما يسود ولا لما وقته ينتهى ؟
3- الزيت اللى يناسب عربيتى ( تخليقى ولا معدنى ولا أيا كان اسمه )؟سواء كان غالى أو رخيص مش مشكلة

رد: عايز معلومات مبسطة ومتعمقة عن الزيت
 

ابراهيم بك ... أنا بأذن الله أحاول أساعدك بطريقة بسيطة جدا بس من فضلك رد على السؤالين دول:
- نوعة اية الزيت اللى كان فى العربية أساسا ومشيت علية 30000 كم؟
- لما غيرتة كان الزيت ناقص (مكانة فين بين Max وMin فى علامة قياس الزيت)؟
- لما غيرت الزيت حطيت زيت نوعة أية؟
- ويا ترى غيرت الفلتر معاة؟ لو أة ... الفلتر الجديد كان نوعة أية؟
- أنت ماشى على الزيت الجديد مسافة كام كم دلوقت؟

فى انتظار ردك...

رد: عايز معلومات مبسطة ومتعمقة عن الزيت
 

تغيير لا يكون بحسب لونه, بل بحسب الفترة المحددة لهذا النوع,
و السبب فى ذلك أن اللون و الذى يشير الى اتساخ الزيت لا يعنينا كثيرا, بل يعنينا لزوجته و قدرته على اداء وظيفته.
الزيت يفقد خواصه تدريجيا مع الوقت نتيجة لاهلاكه فى المحرك و حرارته, و يصبح غير قادر على اداء وظيفته بشكل جيد بعد فترة معينة, هذه الفترة يحددها الصانع.
الصيانة للزيت :
- تغيير الزيت كل فترة محددة بحسب نوعه (1000 كيلو, 3000, 5000, 10000 كيلو).
- تغيير الفلتر كل مرتين تغيير الزيت, أو تغييره مع الزيت فى حالة كان الزيت تخليقى يتغير كل 10000 كيلو.
- تغيير الزيت كل 6 شهور لو لم تستكمل المدة المحددة فى هذه الفترة.

لا يوجد نوع معين من الزيت لسيارة معينة, انما الذى يحدد هو طبيعة استخدامك للسيارة, لكن البعض لا ينصح بالزيوت التخليقية للسيارات القديمة ليس لشىء متعلق بقدرته على تزييتها بل لأن السيارة القديمة تستهلك الزيت بشكل أكبر من السيارات الحديثة, و ينتج عن ذلك نقصان فى مستوى الزيت قبل انقضاء فترته, و يضطر السائق الى زيادة الزيت مرة أو مرتين على الاقل خلال فترة ال10000 كم.
اختيار نوع الزيت يكون بحسب طريقة القيادة, و المسافات المقطوعة.
- الزيوت التخليقية (موبيل 1, الخ) تصلح للسيارات التى تسير لمسافات طويلة فى ظروف قاسية و تقطع عدد كبير من الكيلومترات فى فترات قصيرة, و تسير بسرعة عالية, و يمكن استخدامه للسيارات القديمة بشرط الحرص على قياس و زيادة مستوى الزيت دوريا.
- الزيوت الصناعية(سوبر) (3000 كم, 5000 كم مثل شل هيلكس و موبيل سوبر) تستخدم للسيارات التى لا تسير لمسافات حيث تعتبر الزيوت التخليقية غير اقتصادية فى هذه الحالة لأن السيارة لن تقطع هذه المسافة فى 6 شهور.
- الزيوت العادة (الثقيلة) (1000 كم) لا تستخدم الا فى السيارات التى تحتاج لاجراء عمرة, حتى لا يقل مستوى الزيت لأن المحرك المعطوب يحرق كثيرا من الزيت.

تحياتى لك و ارجو ان اكون قد افدتك.

رد: عايز معلومات مبسطة ومتعمقة عن الزيت
 

شكرا جزيلا أ. باهى

- الزيت اللى كان فيها كان عبارة عن تزويد أو زيت مصر ( تقريبا كان بتاع 1000 كيلو )
- لما غيرته كان مظبوط لأن أنا متابعه على طول
- لما غيرت حطيت التعاون 1000 كم
- أنا غيرت الفلتر من فترة وكان كورى تقريبا ب 15 جنيه
- الزيت الجديد تقريبا ماكملش 100 كيلو ( لسه ماكملش أسبوع ) أنا غيرته إحتياطى لأنى ماكنتش عارف حاجة

حضرتك دايما مظبطنى كدا أكيد طبعا أفدتنى وشكرا جزيلا

بس أنا عايز منكم إستفسار أخير :

أنا بمشى فى السنة حوالى 20000 كم وبفكر لما أغير يكون زيت 10000 ويكون إسو أو شل أو موبيل

فإيه رأيكم ... وهل فى نوع محدد فى الشركات دى تنصحونى بيه ؟

وهل الفلتر بيتغير كل مرتين تغيير بغض النظر عن المسافة ولا على حسب المسافة ؟