ياجماعه فين نوح nktis
 

الاخ الفاضل نوح بقاله كام يوم مختفي ان شاء الله يكون المانع خير
اتمني لو حد معاه رقمه يتصل عليه يعرف ظروفه ايه ويطمنا؟

رد: ياجماعه فين نوح nktis
 

للأسف مش معايا
هو فعلا مش ظاهر ودي مش عادته

رد: ياجماعه فين نوح nktis
 

قلقتونى يجماعه
طيب احنا هنعرف ازاى دلوقتى اخباره ؟
ممكن يكون موضوع والده علشان مريض او ممكن يكون حصله حاجه

رد: ياجماعه فين نوح nktis
 

باذن الله مفيش حاجة وحشة....ممكن بس يكون اتشغل في حاجة كده ولاكده

رد: ياجماعه فين نوح nktis
 

ان شاء الله نطمن عليه ويكون بالف صحه وخير اللهم امين

رد: ياجماعه فين نوح nktis
 

لعل المانع خير ان شاء الله

رد: ياجماعه فين نوح nktis
 

والله يا جماعه الخير انا مكنتش اعرف اني فعلا غالي كده عندكم.
انتم فعلا والله اخوه افاضل ليه
انا فعلا من يوم الجمعه مدخلتش المنتدي ولسه النهارده الثلاثاء وديت اول مشاركاتي.
وفعلا كانت ظروف بس خير وانا كده مش عمل موضوع عن الشيء اللي حصلي وهنتظر ردودكم هنا..
ويمكن انا كنت حاكي لبعض الاخوه الافاضل عن ظروف عندي ...
البقاء لله وحده والدي قابل ربه يوم الجمعه وعلي ما دفنا انا واخواتي والعائله لان والدي كان موصي يدفن مع والدته بمقابر الاسره بمحافظه كفر الشيخ مركز دسوق وعلي ما رجعنا واستقبلنا العزاء في المزرعه لان مكنش ينفع افتح الصيدليه في الظروف ديت.
وشاكر جدا جدا جدا لسؤالكم علي وربنا ما يوري حد اي ظروف سيئه مع ان الموت حق وربنا يجعلها اخر الاحزان ان شاء الله ويغفر لوالدي ولاموات المسلمين جميعا..