|
عاوز عربيه هاتش باك في حدود 120 الف... ارجو النصيحه
السلام عليكم
واحد قريبي عاوز عربيه هاتش باك في حدود 120 الف جنيه لكن بشرط تكون ياباني او اوربي كان محتار بين السوبارو الامبريزا هاتش باك و بين التيدا هاتش باك لكن لما سألني و بياخد رأيي احترت اقول له ايه؟؟ و قولت استشير اخواتي يقولوا ايه الافضل و المناسب مش شرط عربيه من الاتنين يعني اللي عنده اختيار تاني يبقي يا ريت لاني فعلا محتار و مستني مشاركتكم المفيده |
رد: عاوز عربيه هاتش باك في حدود 120 الف... ارجو النصيحه
اية رايك فى الديهاتسو سريون ب 90000 الف مانيوال و93500 اتوماتيك
|
رد: عاوز عربيه هاتش باك في حدود 120 الف... ارجو النصيحه
بص يا باشا بصراحة انا ميال للتيدا عربية ممتازة ومظهرش فيها عيوب وزي الفل والسوبارو ممتازة طبعاً لكن مش منتشرة ينعي قطع الغيار مش منتشرة ولا صيانتها سهلة ولا اعادة البيع.
انا رأيي التيدا أفضل الاختيارات الياباني. |
رد: عاوز عربيه هاتش باك في حدود 120 الف... ارجو النصيحه
سيات ابيزا |
رد: عاوز عربيه هاتش باك في حدود 120 الف... ارجو النصيحه
المبلغ لو يزيد 10 الاف تبقى تتكول على الله فى البرافو فيات
و لو تفكر فى ال i10 هيونداى هتعجبك و على فكرة العربية دى مواصفات اوروبيا و انجح عربية لهونداى فى اوروبا كلها اكتر من الالنترا و ربنا يهديلك للى فيه الخير لك |
رد: عاوز عربيه هاتش باك في حدود 120 الف... ارجو النصيحه
ايه رأى حضرتك فى الهيونداى i30
|
رد: عاوز عربيه هاتش باك في حدود 120 الف... ارجو النصيحه
بس التيدا عائليه اكتر و الامبريزا شبابيه اكتر
فانا مش عارف هو ايه متطلباته بالظبط وايه طبيعه احتياجه و استخدامه الغريبه ان اختار عربيتين ياباني بس مع ان عنده في الرينج ده اوروبي فولكس بولو اوبل كورسا سيات ابيزا فواضح كده انه عايز حاجه اكبر من ال B segment ... لانه مختار من ال C segment الياباني و باع الاوروبي خالص علشان عارف انه اعلا من الميزانيه في الفئه دي يبقى مفيش في الاوروبي الا البرافو .. بس يزود 10 كمان انا كده بختار لنفسي مش ليه :) قولنا بس متطلباته ايه واحنا نزق على طول لاني كده محتار وححيرك معايا اكتر |
| الساعة الآن 10:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017