باينها كده مش هترخص وهتزعلنى bmw 316
عربيتى فيها غلطة مع رقم الموتور والشاسيه والمشكلة ان اول رقم تبع الشاسيه والموتور بس هما اللى فيها الاختلاف
مثال (32525235 )(32525235) ويقولك مفروض يبدأوا ب 7 مش 3 وانا شاكك بأن الرخصة كلها غلط لان الاسم بى بى ام ,مش بى ام دابليو يعنى بالعربى كده اللى كاتب الرخصة كان نايم. انا مش عارف بجد اعمل ايه وعندى شك بان عربيتى يا مسروقة يا اما دى عربية حد تانى انا بجد محتار خصوصا انها اول عربية معايا وشكلى كده هتعقد والالعن ان فيه واحد بيقولى حقك محفوظ فبرجاء حد يدبرنى قبل ما اعترض وواحد عرض عليا حل بان انظر فى ملف العربية من البداية السيارة بى ام دابليو والخوف من انى اكون ظالم البايع انا مش عايز اعيش فى خلافات وكده لان العربية كانت تحت الفحص وانا تبع مرور الشرقية (ديرب نجم ) ورامى بيه العزب هوة اللى ماسك المرور اعمل ايه بجد ؟ ؟ ؟ الموضوع فى غاية الاهمية لانى هروح بكرة وشكراANAA7TGANAA7TGANAA7T GANAA7TG |
رد: باينها كده مش هترخص وهتزعلنى bmw 316
ربنا يعينك هيه فعلا هتبقي دوخه ولفه جامده لانك لازم تجيب اوراق العربية من بدايتها ربنا يعينك
|
رد: باينها كده مش هترخص وهتزعلنى bmw 316
حصلت معايا المشكله دي بس كان الغلط في اخر رقم من ارقام الشاسيه(مرفوع صح و مكتوب غلط في الرخصه)
انت هتروح الفحص هيرفع رقم الشاسيه و رقم الموتور و يبص في الرخصه لو مختلفين هيقولك روح طابق من ملف العربيه لو العربيه مش نمر محافظتك هتسافر المرور الاولاني التابعه له و تطلب المطابقه اللي هيعملهالك المهندس من الملف و هيكتب كده على ورقه الفحص من وره و خليه يعمل كده من الاول عشان في مهندسين ما بيرضوش و يقولك بدام العربيه فابريقه يبقى ما بنطابقشي و مهندس الفحص بياخد بالارقام اللي رفعها لو اتأكده انها غلطه في الكتابه مش لعب في العربيه (مغيره نص او موتور) يبقى تمام اوي كده بالمره و انت في المرور طلع شهاده البيانات للعربيه لان الرخصه كده لا يعتد بيها و شهاده مخالفات طبعا لو صاحب العربيه ما طلعلكشي واحده....... لو اتزنقت في حاجه ابعتلي على الخاص يمكن اكون عديت عليها و اعرف اساعدك لاحسن انا دخت بسبب ان المهندسين بتاع محافظتي و بتاع مرور السلام كانوا بيعندوا بعص فلازم تحايلهم و تقولوا معلش اصل الاولاني هو اللي غلطان و كلام من ده |
رد: باينها كده مش هترخص وهتزعلنى bmw 316
اقتباس:
شكرا يا باشا هوة ده الكلام |
رد: باينها كده مش هترخص وهتزعلنى bmw 316
اقتباس:
ربنا يستر لان انا تعبت والله ادعيلى شكرا ليك,, |
رد: باينها كده مش هترخص وهتزعلنى bmw 316
انشاء الله ولا دوخه ولا لفه جامده ولا حاجه
انت عربيتك معلقه نمر مش كده ؟؟ تاخد الرخصه اللي فيها نمر العربيه وتروح المرور المطلع الرخصه دي وتطلب تنزيل الملف بتاع الرقم ده تمام هتلاقي في الملف ده تاريخ العربيه كله بورق الفحص اللي مرفوع فيه البصمات قبل كده والله لاقيت كل ورق البصمات مطابق لبعضه بس مخالف للي فالرخصه يبقي ده غباء الموظف اللي كتب الرخصه لاكن لاقيت ( لاقدر الله ) ان ارقام البصمات زي الرخصه بالضبط بس مش بتاعت العربيه يبقي العربيه دي متباعه باوراق عربيه تانيه من نفس الموديل وربنا معاك ويكون الموظف هو اللي غبي ابقي طمنا |
رد: باينها كده مش هترخص وهتزعلنى bmw 316
روحت عملت أية؟
|
الساعة الآن 01:17 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017