تفويلـة عملت 265 كيلو بس!! ما اسباب استهلاك البنزين العالى؟
السلام عليكم ورحمة الله
بعد حكاية الكربراتير الجديد الصينى ... وبعد استرجاعة للبائع .... قمت بتركيب كربراتير استيراد وكانت المفاجأة ان تفويــلة بنزين 90 عملت 265 ك ... التفويلة 45 لتر !!! كنت اشكو من استهلاك البنزين العالى منذ تركيب الكربراتير الصيني واللى من ضمن مشاكلة الجامة الاستهلاك العالى . وبعد تخلصى منة وتركيب كربراتير استيراد فحصة متخصص كربراتير واكد لى انة تمام كانت المفاجأة انى لاول مرة ف حياتى اسيب العربية لحد ما البنزين يخلص تماما ! لدرجة انها شحتت ومعرفتش اوصل البنزينة نهائى التى تبعد على الدائري 4 كيلو مترات ولولا وجود سيارة اخري تسير معى كنت فى خبر كان .. وبالتالـى قمت ما طلبة منى الميكانيكى لتجربة الاستهلاك ... تـمن التفويلة كالعادة بنزين 90 هى 79 ج + جنية للعامل يعنى 80 ج طارو فى 265 ك العربية مكنتش كدة الاول لا يوجد اي نوع من انواع الدخنة سواء سوداء او بيضاء والمكنة تم عمل عمرة لها ولا اشم اي رائحة غير طبيعية من الشمكان .. كما تم ضبط التاكيهات منذ ايام لدى متخصص تاكيهات وقالى ان طبق البنزين كان محمل ثنة صغيرة وغيرة بأصغر نمرة واحدة بس "10 " سؤالى : مـا هى اسباب استهلاك البنزين العالى فى اي سيارة عموما ... وسياراتى خصوصا ؟ لا يوجد اي نوع من انواع الدخنة سواء سوداء او بيضاء والمكنة تم عمل عمرة لها ولا اشم اي رائحة غير طبيعية من الشمكان .. كلة سليم |
رد: تفويلـة عملت 265 كيلو بس!! ما اسباب استهلاك البنزين العالى؟
اقتباس:
ماهو كده الكربوراتير مظلوم سواء الصينى أو الأستيراد الحالى طالما الآداء واحد ولكن لى عندك شوية أسئله لتصور السبب القوى لزيادة أستهلاك البنزين عندك 1- هل ظهرت بوادر زيادة الأستهلاك فور أنتهاء العمره مقارنة بما قبل العمره ....؟ 2- ماهو موقف دورة الأشعال ( بوجيهات وسلوك وبوبينا وشكل الشراره الخارجه من عند نهاية الكابلات ) ..............؟ قويه والأربعه زى بعض ......وهل كشفت على البوجيهات ............؟ 3- هل أطمئننت أيضا على كون باب الكربوراتير العلوى مفتوح والمحرك ساخن (أى أن الباب واقف على سيفه ) ................؟ 4- ماهو عمر الدبرياج عندك وموقف عملية السحب وصوت المكنه مع تزويد السرعه ..................؟ 5- ماهو موقف فلتر الهواء ( جديد ولا قديم ) ...............؟ 6- ماهو موقف الفرامل ..........أطمنت على حرارة الجنوط ولقيت كل فردتين حرارتهم زى بعض ولا لا ..............؟ 7- ماهو موقف بلى العجل ....هل بتسمع صوت نحر أو ونه صادره من أحد الأجناب .....؟ 8- ماهو موقف الشكمان ...........سالك ولا مكتوم ..............؟ كفايه كده حاليا |
رد: تفويلـة عملت 265 كيلو بس!! ما اسباب استهلاك البنزين العالى؟
اقتباس:
نفس المشكلات مع الراجل كبير السن اللى قابلتة هناك . حسيت بالاستهلاك من اول مركب مروراَ بالكربراتير القديم بتاعها الى الحالى الاستيراد اقتباس:
ولما قلت للميكانيكى قالى المكنة مـحملة ودة عادى فى التليين انها تاكل . بعد التليين بألفين ك تقريبا اتظبطت وتمام جداَ لفترة طويلة .. ثم رجعت مرة اخري وقالى ان السبب الكربراتير باظ بيقطع بوجيهات ودخنة سوداء مع رائحة بنزين محروق من الشمكان تحرق العين لما تقرب منها .. تم اصلاح الكربراتير وشراء غيرة ورجعت تشم بنزين بعد التغيير . الى ان قررت شراء كربراتير جديد اقتباس:
الكربراتير الجديد .. يعنى من اسبوع تقريبا لا اكثر مع طقم ســلوك جديدة باردو .. فكيت بوجية واحد لقيت حرقة كويس مفكتش الباقى لان المكنة مفهاش اي اهتزاز يعنى دايرة طبيعي ولا يوجد بها اي رجــة وبالتالى يبقى البوجيهات كلها سليمة . دة السبب انى مفكتش باقي البوجيهات الشرارة قويه والأربعه زى بعض -* البوبينة بقالها 3 شهور تقريبا وجيدة .. الشرارة شكلها طبيعي ... " هل ممكن اسبراتير يسبب استهلاك عالى للبنزين ؟ " اقتباس:
اقتباس:
وبالنسبة للاحساسى ان عمرة قرب ومحتاج يتغير بس شغال حاليا والميكانيكى اكد لى ان عمرة قريب وقالى غيرة احسن لكنى معرفش الديسك ممكن يسبب اية ف حالة تجاهلة . صوت المكنة ف التزويد عالى على الغيارات الاولانية .. لكنها بتسحب عادى جدا . كباري ومطالع ممتازة حتى ولو معايا ثـقل اقتباس:
اقتباس:
اقتباس:
وسبق وحركت السيارة كتير وهى واقفة " يعنى ازقها وهى وقفة والماتور واقف " ومفيش صوت ونة .. ومفيش مقاومة غير طبيعية اثناء الزق .. يعنى مش تقيلة ف الزق اقتباس:
كفايه كده حاليا[/QUOTE] اوكى :) واعتذر انى اخدت فى الرد 25 دقيقة لتنسيق " الاقتباس " ليسهل قراءتة لحضرتك وللجميع |
رد: تفويلـة عملت 265 كيلو بس!! ما اسباب استهلاك البنزين العالى؟
طب يا تري كنت بتحسب استهلاك البنزين ازاي؟
علي الطريق ولا جوه البلد؟ كانت الطريق زحمه و بتقف و تتحرك كتير ولا لاء؟؟ بتحرق علي الغيارات؟؟؟ اسلوب القياده و الطريق في اوقات كتير بتفرق في استهلاك الوقود |
رد: تفويلـة عملت 265 كيلو بس!! ما اسباب استهلاك البنزين العالى؟
اقتباس:
|
رد: تفويلـة عملت 265 كيلو بس!! ما اسباب استهلاك البنزين العالى؟
هل كشفت على أى تسريب أو رشح للبنزين خصوصا فى خط الراجع ؟؟
|
رد: تفويلـة عملت 265 كيلو بس!! ما اسباب استهلاك البنزين العالى؟
أيضا كما قال الزميل
هل أطمئننت على عمل خط الراجع للتنك حتلاقى خط الراجع على جانب الكربوراتير ___________________ وأنت مدور على السلانسيه شوفه فيه ضغط بنزين ولا لا |
الساعة الآن 06:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017