مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   لانسر بومه (https://www.masrmotors.com/vb/forumdisplay.php?f=204)
-   -   استفسار فى لانسر 2004 بوما (https://www.masrmotors.com/vb/showthread.php?t=42083)

MIDO9TELECOM 07-12-2010 01:12 PM
استفسار فى لانسر 2004 بوما
 
لو سمحتوا ياجماعه للفنيين فى لانسر 2004 المروحه بتاع التبريد بتشتغل مع الكونتاكت وكمان بتشتغل على سرعه عاليه اول اما اشغل السيارة وبحس اول اما السيارة بتشتغل برعشه غير ملحوظه فى الانوار الاماميه والانوار الخلفيه ونور الصالون وكمان اما ببطل السيارة بلاحظ ان ممكن ارفع وانزل الزجاج لفترة بسيطه فده ممكن يكون من ايه ارجو الرد بسرعه

MIDO9TELECOM 07-12-2010 05:28 PM
رد: استفسار فى لانسر 2004 بوما
 
اقتباس:
المشاركة الأصلية كتبت بواسطة MIDO9TELECOM (المشاركة 306236)
لو سمحتوا ياجماعه للفنيين فى لانسر 2004 المروحه بتاع التبريد بتشتغل مع الكونتاكت وكمان بتشتغل على سرعه عاليه اول اما اشغل السيارة وبحس اول اما السيارة بتشتغل برعشه غير ملحوظه فى الانوار الاماميه والانوار الخلفيه ونور الصالون وكمان اما ببطل السيارة بلاحظ ان ممكن ارفع وانزل الزجاج لفترة بسيطه فده ممكن يكون من ايه ارجو الرد بسرعه
فين الناس اللى هنا محدش رد عليا يعنى ANAA7TG

mido_sniper 07-12-2010 06:52 PM
رد: استفسار فى لانسر 2004 بوما
 

اقتباس:
المشاركة الأصلية كتبت بواسطة MIDO9TELECOM (المشاركة 306236)
لو سمحتوا ياجماعه للفنيين فى لانسر 2004 المروحه بتاع التبريد بتشتغل مع الكونتاكت وكمان بتشتغل على سرعه عاليه اول اما اشغل السيارة وبحس اول اما السيارة بتشتغل برعشه غير ملحوظه فى الانوار الاماميه والانوار الخلفيه ونور الصالون وكمان اما ببطل السيارة بلاحظ ان ممكن ارفع وانزل الزجاج لفترة بسيطه فده ممكن يكون من ايه ارجو الرد بسرعه
رفع الزجاج بعد التبطيل لفترة بسيطة ده طبيعي في أى لانسر

و رعشة النور ده بيبقى مرة واحدة فقط أثناء التدوير

أما لو استمر فده احتمال يكون عندك قفلة في كهربة العربية أو البطارية
مش مظبوطة في الأمبير أو شحن الدينامو فيه مشكلة (هي مايه ولا جافة) ؟

نيجي بقى لقصة مروحة الريدياتير هي اللي مش طبيعي في عربيتك

لأنها المفروض بتشتغل لما الموتور يسخن يعني مش بعد أقل من ربع

ساعة بعد التدوير في الأوقات العادية لما تكون باردة

و لازم تخلي كهربائي شاطر يبصلك عليها

تقبل تحياتي

mesho70 07-12-2010 11:30 PM
رد: استفسار فى لانسر 2004 بوما
 
السلام عليكم
انا رديت على حضرتك فى المشاركة السابقة
والاستاذ ميدو جاب المفيد
واضيف ان المراوح ( تكييف وتبريد ) تشغل مع تشغيل التكيف يعنى لو حضرتك طفيت العربية والتكييف شغال ( وانا لا افضل هذا ) فمجرد تشغيل السيارة المراوح تشتغل وتستمر مروحة التبريد تشتغل وتفصل بالتناوب على السلانسية كل 10 ثوانى تقريبا ً
اما خلاف ذلك فموضوع المروحة يحتاج لمتخصص

MIDO9TELECOM 08-12-2010 10:23 AM
رد: استفسار فى لانسر 2004 بوما
 
شكرا ياجماعه على الرد بس هو فعلا رعشة النور اول اما بدور العربيه وبعد كده بيستقر خالص لكن موضوع المروحه ده اللى مش فاهم ليه هل فى حساس مثلا ممكن يكون بايظ علشان كده بتشتغل علطول ولا ايه بالظبط ممكن يكون ايه السبب

محمود سامى محمود 08-12-2010 01:43 PM
رد: استفسار فى لانسر 2004 بوما
 
اقتباس:
المشاركة الأصلية كتبت بواسطة MIDO9TELECOM (المشاركة 306236)
لو سمحتوا ياجماعه للفنيين فى لانسر 2004 المروحه بتاع التبريد بتشتغل مع الكونتاكت وكمان بتشتغل على سرعه عاليه اول اما اشغل السيارة وبحس اول اما السيارة بتشتغل برعشه غير ملحوظه فى الانوار الاماميه والانوار الخلفيه ونور الصالون وكمان اما ببطل السيارة بلاحظ ان ممكن ارفع وانزل الزجاج لفترة بسيطه فده ممكن يكون من ايه ارجو الرد بسرعه
شوف يا باشا .. مشكلة المروحة دى كانت عندى .. هقولك تعمل أيه بالظبط .. الموضوع بسيط جدا .. فيه مشترك بيوصل سلكين المروحتين و هذا المشترك متثبت فى الريدادير .. انت شوف سلك المروحه رايح فين هتوصله .. المشترك ده أسمه ( تحكم مراوح ) تمام كده ,..هتلاقيه متثبت تقريبا ب 4 مسامير فى الريداتير من الخلف .. . هتروح للتوكيل .. قوله عايز تحكم مراوح . هيدهولك .. هو تقريبا ب 380 جنيه .. هيقولك نركبه .. قوله شكرا .. لأن تركيبه سهل جدا .. هتفك المشترك القديم ب4 مسامير .. و تفك المشتركين بتوع المراوح و تركب الجديد ...
( الخلاصة . المشكلة مشكلة تحكم المراوح اللى بيتحكم فى تشغيل المراوح و يتحكم فى سرعتها )
بالنسبة بقى للزجاج الكهرباء بعد تبطيل المحرك و نذع المفتاح .. ده طبيعي .. بيفضل شغال تقريبا لمدة دقيقتين و بيفصل لوحده ...
بالنسبه لرعشة النور .. ده عشان المروحتين بيشتغلو بأقصى سرعة فى الأول بيأثر على كهربا العربية .. و لو البطرية جديدة مش هتلاقى فيه رعش خالص ....
ربنا يوفقك

MEMOO_1ST 08-12-2010 02:14 PM
رد: استفسار فى لانسر 2004 بوما
 
بص يا باشا انا المشكلة بتاعت المروحة دي بالظبط كانت عندي وغيرت كذا حاجة لحد لما في الاخر طلعت العربية عاوزة كتاوت ودي تمنها حوالي 300 جنية وبعد لما غيرتها العربية بقت زي الفل.
وان شاء الله بسيطة.


الساعة الآن 10:48 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017