تشتريها بسقف و لا من غير ؟؟
 

اهلا وسهلا كنت عاوز اخد راى الناس الى هنا الى يشترى كيا سيراتو2011 او ال2010 الى اشترى اشترها بسقف و لا و الى لسة هيشترى هيشتريها بسقف و لا اصل سالت ناس اقلولى بلاش عشان البرومة بتاكل الساج الى حولين السقف وفى ناس بيقولوا عادى عايز اخد رائيكم تشتريها بسقف و لا بلاش احسن وهل فعلا السقف لى اهمية و لا ضرر و لا مالوش لازمة اصلا ؟؟؟ شكرا للجميع

رد: تشتريها بسقف و لا من غير ؟؟
 

لا طبعا مفيش حاجة اسمها فتحة السقف بتسبب بارومة كل ده كلام فاضى ..

والا بقى الابواب والكبوت والشنطة كانت جابت بارومة هى كمان ..

طول ما الجلد بتاعها سليم متجبش بارومة ..

انت شوف لو عاوزها هاتها وانصحك تجيبها بفتحة سقف لانها مينفعش تتعمل بعد كده ..

رد: تشتريها بسقف و لا من غير ؟؟
 

اصل ياحسام انتا عارف كلام الناس فى الشارع وجع دماغ و الواحد دماغة وجعتة ومش عارف يصدق و لا انا قولت اكتب الموضوع عشان اعرف منكم اية النظام لانى تعبت لان فى واحد صاحبى عاوز سيراتو توكيل sx الف و115 من غير فتحة 119 الف بفتحة سقف فا قولت اشوف اية رايكم يجيب اية والاتنين نفس الامكانيات بس المشكلة فى فتحة السقف وناس تقول لا بلاش وناس تقول اه هات انتوا اخواتى وقولت اشوف رائيكم ؟؟

رد: تشتريها بسقف و لا من غير ؟؟
 

الرأى بقا رأيه دلوقتى ..

فتحة السقف مفيهاش اى مشكلة غير انها بتزود السعر بس ..

انا عن نفسى لو مكانه هجيبها بفتحة سقف ...

رد: تشتريها بسقف و لا من غير ؟؟
 

كلام حسام تمام ياستروين انا كان نفسى اجيب الالنترا بفتحه سقف ودلوقتى ندمت والله انى مجبتهاش بفتحه السقف لانها ماينفعش تتعمل
وسيبك من اللى بيقولوا بارومه دول حافظين ومش فاهمين ROSE4U

رد: تشتريها بسقف و لا من غير ؟؟
 

لو رجع بيك الزمن تاني تغير ايه غير فتحة السقف. و يا ترى تجيب النترا و لا سيراتو (خصوصا انك واضح انك سوقت السيراتو اكتر من مرة).

رد: تشتريها بسقف و لا من غير ؟؟
 

اخويا العزيز . حاوضحلك الموقف بس شويه عشان ماتبقاش الأمور فيها اى لبس بالنسبالك .
العربيه وهى فى مصنعها . الصاج دا بيدخل على المكابس عشان ياخد الإسطمبه بالشكل المطلوب طبعا . وهنا مابيكونش فى العمليه اى خطأ او عيب . وفى نفس العمليه بيتم فتح الصاج عشان الفتحه تكون مظبوطه . ولما بيتكبس الصاج بيتعمل حساب ان شفة الصاج المحيطه بالفتحه تكون متنيه بالكابس طبعا الى الداخل بحيث ان حرفها مايكونش مكشوف .
بعد كده بدخل الصاج على مراحل العزل بالطبقات المختلفه عشان يطلع بلونه النهائى الأسود زى ما حضرتك بتشوف قطع الغيار اللى بتتباع من رفارف او كبوت او شنطه .... الخ . وهنا بيخد السقف كفايته من العزل الكامل لكل منطقه فيه وبالطبع المحيط بفتحة السقف بيكون معزول جيدا . ويدخل بعد كده على التجميع فى جسم السياره ثم الطلاء .. وبعد كده طبعا بتركب الكاوتشات المانعه للمياه بعد كده بتركب ماكينة السقف والتحريك وبيتم اختبار كامل على تسريب المياه للتأكد من عدم نفاذ اى ذرة ماء منها .
وكمان فى فتحات احتياطيه بتكون موجوده عشان تسريب اى مياه تتواجد فى هذه المنطقه فورا عن طريق مزاريب بخراطيم موصله الى فتحات فى اسفل السياره .
المهم ان مشكلة الصدأ والبارومه مش بتظهر فى العربيات اللى بتكون نازله بفتحة سقف من مصنعها . انما فى العربيات اللى بيتعملها فتحة سقف ( عموله ) هنا فى مصر . ودا طبعا لعدم وجود مرحلة العزل لحواف الصاج فى منطقة الفتح . وكمان نوع الكاوتشات اللى بتكون غالبا مصرى من نوع رخيص فبتنفس وتجمع مياه تحتها . ارجو انى ماكونش اطلت عليكم . بس حبيت اوضح توضيح بسيط على حد علمى . وانا شخصيا كنت باتمنى ان عربيتى تكون بفتحة سقف حتى لو حاعمل لها اسبيشيال اوردر مخصوص من بلدها . بس عنصر الوقت ما ساعدنيش .