|
مشكلة فى عفشة الماتريكس
لو سمحتم يا جماعة سؤال مهم انا عربيتى ماتريكس 2006 كورى اوتوماتيك 27000 كيلومتر انا شاريها من سنة وكانت 11000 كيلومتر ومن ساعت ماشتريتها كان فيها طقطقة خفيفة فى العفشة من قدام وسألت فى الصيانة .. قالو دى حاجة اسمها بارات ميزان وهيه بتتغير الواحدة بـ 190 جنيه يعنى الاتنين بـ 380 جنيه غير المصنعية مع العلم ان معظم الناس قالو ان البارات دى بتتغير بعد 30000 كيلو على الأقل ماعلينا المهم الصوت زاد عندى وسمعت ططقة جديدة وهيه أكيد كبالن .. وحاسس ان العفشة محتاجة اهتمام او تصليح او تغيير والأرض فى القاهرة ماشاء الله عليها وتحيا مصر المهم عايز أعرف دلوقت 27000 كم مع استخدام معقول تكون العفشة محتاجة مساعدين ومقصات وكبالن؟ ولا مجرد البارات دى وبس؟ ... انا خارج الضمان وبحس ان غبور ومراكز الصيانة المعتمدة غاليين شوية .. أروح اصلح عندهم أحسن ولا فى حد ثقة ممكن حد ينصحنى بيه؟... هيه عفشة الماتريكس ضعيفة ولا ممتازة ولا متوسطة من حيث قوة تحملها وعزلها عن المطبات؟... ياريت أصحاب الخبرة يفيدونى |
رد: مشكلة فى عفشة الماتريكس
غالبا أنت محتاج كاوتش ميزان فقط
وليس بارات ميزان فالكاوتش على مناطق أتركاز الميزان بهدف منع صوت الطقطقه مع الطرق الغير مستويه بالمناسبه أنت عرفت منين أنك محتاج تغيير كبالن فهل يوجد عندك صوت طقطقه وأنت بتحود بالدركسيون يسارا أو يمينا وهل يوجد قطع وتهتك فى كاوتش الكبالن |
رد: مشكلة فى عفشة الماتريكس
اقتباس:
للأسف اه فى صوت طقطقة مح تغيير الاتجاه يمين وشمال |
رد: مشكلة فى عفشة الماتريكس
اقتباس:
يبقى كبالن فعلا أما لو وأنت واقف فقط بتظهر الحاله دى يبقى ممكن حاجه تانيه زى بلى البطاحات |
رد: مشكلة فى عفشة الماتريكس
اقتباس:
ان شاء الله الموضوع يكون بسيط زي ما اقتراح الباش مهندس سمير وتكون فعلاً كوتشة ميزان لان عفشة الماتركس عفشة محترمة جدً وحمالة اسيه وصوت الصقطقة وانت واقف بتلف يمين او شمال بيرجع لعدة اسباب منها تأكل الكوتش وتشققة والبلي بيبقة نشف وخشن من الغسيل او التراب علشان كده بتسمع الصوت ده |
رد: مشكلة فى عفشة الماتريكس
أنا معايا ماتريكس 2010 وطبعا لاحظت ان عفشتها على أدها مش حلوة ومش وحشة بس مع احترامى لاراء كل الناس هيا طبعا تعتبر وحشة بالنسبة لسعرها الغالى. بالنسبة للاخ اللى عنده مشكلة فى اصوات الطقطقة انصحك تروح تعملها علطول والا العربية هتضيع منك وبلاش حكاية حسابات الكيلومترات دى لانه ابسط دليل انا عامل فى عربيتى 45000 كيلو ومن الاربعين وانا بسمع طقطقة ورجرجة عند المطبات فى العجلة اليمين امام المهم وانا بعمل الصيانة بتاعت ال 45 قلتلهم وقالولى ان المساعدين عايزين يتغيروا (ولالالالالالا تعليق) لكن الشئ الايجابى ف ىالموضوع انهم غيروا المساعدين وماحسبونيش عليه لانى لسة فى الضمان ساعتها بجد اتلخبطت واتحيرت فى توكيل غبور بتاع ابورواش هما كويسين ولا اى كلام - بس انا لاحظت ان المهندس مدير الصيانة القصير مش فاكر اسمة اتغير تقريبا وجية واحد تانى مكانة وشكلة كدة عامل شغل كويس
|
رد: مشكلة فى عفشة الماتريكس
اقتباس:
|
| الساعة الآن 09:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017