![]() |
BMW الفئه الخامسه موديل 2011
خبر طازه وصور طازه بس للأسف مفيش أي معلومات أكتر من إن الشكل الجديد حيكون موديل 2001 نحن في انتظارها وإليكم الصوره الرئيسيه الواضحة تماما لما سيكون عليه الموديل والباقي صور تجسسيه لتجربة السيارة http://www.up-3rb.net/uploads/images/3rb-d2cfa5fc14.jpg http://www.up-3rb.net/uploads/images/3rb-8884024827.jpg http://www.up-3rb.net/uploads/images/3rb-88cdbcf5e3.jpg http://www.up-3rb.net/uploads/images/3rb-5acf801449.jpg http://www.up-3rb.net/uploads/images/3rb-ed69521d91.jpg http://www.up-3rb.net/uploads/images/3rb-3ff2778c8c.jpg http://www.up-3rb.net/uploads/images/3rb-00abe3a146.jpg http://www.up-3rb.net/uploads/images/3rb-98f4ef4945.jpg مع تحياتي مهندس/ أحمد كامل |
رد: BMW الفئه الخامسه موديل 2011
بصراحة شكلها مش عاجبني:(
|
رد: BMW الفئه الخامسه موديل 2011
أولا أنا في عندي غلطه في الكتابه غير مقصوده
الموديل 2011 مش 2001 أنا آسف ياجماعه ثانيا شكرا ليك يا ابيزا بس أنا مش معاكفي رأيك أنا شايف إنها التطور الطبيعي للحاجه الساقعه السوكه الجانبيه جامده جدا وهي مستخدمه في الفئه السابعه الجديده برضه ثانيا الواجهه الأماميه خطوطها منطقية أكثر من الحاليه وعامة لسه قدامهم سنتين عشان ينزلوها وقدامهم فرصه يعدلوا شكلها عشروميت ألف مره ptmnlo123per171 |
رد: BMW الفئه الخامسه موديل 2011
بس اول صوره غير بقيت الصور خااالص ...هما طبعا مغيرين ومخبيين بزياده اوي ... بس انا حاسس انها عربيه تانيه ( يعني السوكه الجانبيه مش موجوده .... والخط الجانبي المايل من قدام لورا مفيش .... والوش و فتحات الهوا ... دا حتى التابلوه )
معقوله ... دول قلبو شكلها خااالص بس لو على اول صوره ... ده شكل رياضي هجومي ... ومعتقدش حيخاطب شريحه رجال الاعمال و المديرين بشكل رياضي.. مش عارف ... الموضوع يحير بصراحه .... وحاسس ان اول صوره تخيل للشكل وغير مرتبط ببقيه الصور .... والله اعلم .... بكره يبان كل حاجه |
رد: BMW الفئه الخامسه موديل 2011
انت متاكد ان العربيتين غير بعض السودا دى الحاجة و الاولى حاجة تانية خالص
و دى مش شكل موديل BMW خالص مصيبة ليكون شكل كل العربيات فى 2011 هتكون بالشكل دة مش داخلة دماغى ان دة موديل 2011 دى الفئة الخمسة القديمة تديها بال...... و شكرا على مجهودك يا ابو حميد بس انت مقتنع بزمتك |
رد: BMW الفئه الخامسه موديل 2011
ياجماعه هيه ديه إتجاهات تصميمات بي ام دبليو في المرحلة المقبله
أنا كاتب تقرير مفصل عن الفئة السابعه الجديدة أدخلوا وشوفوها أهي ديه نزلت خلاص حتلاقوا الخطوط القادمه في السكه اللي أنتوا شوفتوها وهي سكه رياضية ده حتى الفئه السابعة الجديده ذات طابع رياضي كلنا لما نزلت الفئه الخامسه الحاليه كنا مستغربين شكلها جدا جدا جدا لكن مع الوقت حسينا انها تحفه فنيه إفتكروا كويس وانتوا حتصدقوني لما أقولكوا ان مجرد ما بي ام دبليو تغير فكر ومفهوم المنظر العام للسياره تبدأ بقية الشركات في اللهث ورائها لمجاراة ماتوصلت اليه سياراتهم وموضوع الصور التجسسيه يمكن انا مابحبوش عشان بيتعمدوا تشويه واخفاء معالم السياره تماما خاصة كما قلت في افقرة السابقه ان بي ام وخاصة الفئة الخامسه فيها بالذات ( منذ موديلات التسعينات) وهي تحدد اتجاهات موضة السيارات فلا بد من اخفائها تماما ده رائيي |
رد: BMW الفئه الخامسه موديل 2011
ياجماعه الخبر أصبح مؤكد وفي تفاصيل عنه كالآتي أطلقت بالأمس شركة بى ام دبليو مزيداً من التفاصيل حول جيلها الجديد من الفئه الخامسه والذى من المتوقع ان يكون اكبر حجماً ولكن فى نفس الوقت اقل وزناً . السيدان الجديده والتى سيتم طرحها تجارياً فى أواخر عام 2010 - كموديل 2011 - ستستخدم نفس قاعدة البناء مع الفئه السابعه الجديده بشكل مصغر قليلا وهذا بالتأكيد يضمن زيادة قليله فى الطول والحجم الاجمالى وبالتالى ذيادة فى الوزن . ولكن ستعوض الشركه البفاريه هذه الذياده فى الوزن بإستخدام الألومنيوم فى تصنيع السقف وبعض الأجزاء الأخرى كبيرة الحجم فى شاسيه السياره . كما ذودت بى ام الفئه الخامسه الجديده بنظام الرؤيه الليليه الرائع او ما يسمى Night Vision والمستخدم فى الفئه السابعه الجديده هو الاخر بالإضافة الى نظام الرؤيه الليليه للمرايات الجانبيه والذى يقوم بإضاءة اجزاء من المرايات الجانبيه فى المناطق المظلمه اوتوماتيكياً مما يسمح بتوضيح الرؤيه لقائد السياره . مكان آخر استطاعت بى ام توفير الوزن منه وهو المحرك حيث الغت بى ام المحركات الكبيرة السعه والحجم وأضافت انظمة الشحن الجبريه - تيربو تشارجير - لمحركاتها مما ادى الى تخفيف وزن المحركات بتبعية تقليل حجمها حيث سيتم استخدام محرك بسعة 3.0 لتر سداسى الاسطوانات على خط واحد مذود بشاحنى هواء - توين تيربو - ويخرج قوة تقدر بحوالى 420 حصان لموديل 540 I ايضاً سيتم استخدام محرك بسعة 4.4 لتر سداسى الإسطوانات على شكل ( V )مذود هو الاخر بشاحنى هواء - توين تيربو - قادر على إخراج قوة حصانيه تصل الى 516 حصان لموديل 551 I ومن الممكن استعمال هذا المحرك الأخير للفئه العليا من هذا الجيل وهى M5 بل انه حتى سيتم استخدام شاحنى هواء للمحرك الديزل الوحيد والذى سيتم تسويقه فى الولايات المتحده فقط . بينما سيتم استخدام محرك بسعة 2.5 لتر لأقل موديلات تلك الفئه وهو 525 والذى يستخدم حالياً محرك آخر بسعة 3.0 لتر . هذا التغير الكبير فى المحركات سببه الرئيسى تقليل التكلفه بالإضافه الى محاولة تطبيق القاونين الجديده للإنبعاثات الضاره ويذكر ان اودى هى اول من قام بتعديل محركاتها وتبعتها بى ام ثم مرسيدس هى الاخرى التى الغت جميع محركاتها ذات الأثنى عشر إسطوانه |
الساعة الآن 08:26 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017