برجاء الافادة كل المتخصصين
 

عربيتي سكودا فليشيا موديل 97 ,( 1300cc ) كاربراتير

1) ما هي انواع المواتير ممكن تركبلها واسعارها
2) هل ممكن تسقيط موتور انجيكشن ( ابتداء من موديل 2000 بيكون موديل انجيكشن ), وايه هيتم تغييرة ,وسعرة ايضا

وشكرا جزيلا

رد: برجاء الافادة كل المتخصصين
 

للأسف أنت بتطلب

تعديلات

يجب أنك متعملهاش إلا أما تقابل واحد نفذها ونجحت معاه

ولو عندك مشكله بسيارتك ومكنتها

ممكن نفكر معاك فى أيجاد حل مناسب لمشكلة مكنتك

ويبقى الوضع على ماهو عليه

رد: برجاء الافادة كل المتخصصين
 

متشكر باشمهندس سمير علي الاهتمام والرد ...

في الحقيقه يمكن يكون مشاكل بسيطه بس مضايقاني في اداء العربيه :
باختصار( عربيتي سكودا فليشيا 97)
*صوت الموتور عالي
*فيه دخنه بسيطه لونها فاتح بتبان اكتر وانا بسخن العربيه الصبح
*دوارة العربيه بتكون بمرار يعني بعد 4 ,5 محاولات وهي باردة ... لكن باقي اليوم بتكون كويسه
*اثناء السير البطيئ بحس انها هتفصل
*احيانا وانا ماشي وبفرمل فاجئه لاي سبب ممكن تفصل .. وساعتها ممكن متدورش غير بعد مدة ومحاولات لدرجه انها بتشرق ( مع العلم ان الموتور بيكون ساخن )

ويمكن معظم الشكاوي دي حاصلتلي بعد ما قمت بتغيير البوجيهات من حوالي شهرين عند ميكانيكي انا شاكك فيه ... وشاكك انه ركبلي بوجيهات معفنه ويمكن يكون ماغيرهاش اساسا ( انا ماكنتش معاه)

منتظر شرحك وبماذا تنصحني يا باشمهندس ... واسف علي الاطاله

رد: برجاء الافادة كل المتخصصين
 

بسيطه

ركب طقم بوجيهات نظيف الأول

ومش حيكلفك حاجه تذكر

وغير فلتر هواء وبنزين جداد

وجرب العربيه

وأنقلى صوره بعد كده عن الأحوال الجديده

_________________________ _


ركز مع الكلمتين دول كويس

أرمى جمبريايه صغيره

يمكن تصطاد حوت كبير

رد: برجاء الافادة كل المتخصصين
 

باشمهندس سمير
انا ركزت زي ماطلبت مني ... انافعلا غيرت البوجيهات بنوع فرنسي اسمه (بيرو ) , وكمان فلاتر هواء وزيت جديد ,وليا حوالي يومين بس العربيه كويسه في الدوارة و في السحب لكن موضوع رعش لمبه البطاريه في الطابلوه لسه موجودة مع السرعات الخفيفه جدا ( في بعض الاحيان ), يمكن موضوع لمبه البطاريه مش بياثر باي سلب علي العربيه اكتر من حيرتي بس ايه سببه
واخيرا اكتشفت حسب كلام الميكانيكي اني محتاج طقم شمبر ضروري الايام الجايه علشان الدخنه بتاعه الموتور .... وشكرا يافندم

رد: برجاء الافادة كل المتخصصين
 

الحمد لله

ده سهل وأمره بسيط

وكده المكنه فى السليم

عموما جرب تشد سير الدينامو حاجه بسيطه وياريت تغير سير الدينامو كمان

جايز يكون السير وحش وبيتظفلت على الطنبوره مع السرعه البطيئه

ومع تغييره وشده

حتنتهى هذه الملحوظه بإذن الله

وبرضه ( علشان نحاصر المنطقه )

عاوزك تشوف كهربائى كويس

يطمن على شحن الدينامو

ممكن يكون شحنه ضعيف ومحتاج كتاوت

وضعف الدينامو بيعنى شحن ضعيف وغلب فى الدواره والسحب

حتى لو حكمت نغيره ............نغيره

لو معرفتش تصرف فى كتاوت له ( بعد تحديد حالته )

عرفت ولا لسه أن ممكن يكون فيه علاقه

ممكن فعلا

لأن الدينامو هو روح كهربة العربيه والموبينا وكل الدنيا الكهربيه بالعربيه

أجل هذه الفكره حاليا

على مانشوف الأيام مخبيه لنا أيه

جايز تلاقيها فرجت بعد مانشوف قصة لمبة البطاريه

اللى مشككانى برضه فى موضوع الدخنه

_________________________

وفيه سؤال ليك

هل المكنه بتاكل زيت كتير معاك ولا لا

هل بتلاقى نفخ كبس من مقاس الزيت ولا لا

لو كله لا

يبقى الميكانيكى ده مش مظبوط

وواد لعيب وبيرسم على القرشينات

رد: برجاء الافادة كل المتخصصين
 

باشمهندس سمير .....
شكرا جزيلا لاهتمامك الدائم باي استفسار وشرحك الوافي ونصائحك القيمه , انا هعمل بنصيحتك وهغير سير الدينامو , وكمان هشوف كهربائي للاطمئنان علي شحن الدينامو.
ومن ناحيه طقم الشنمبر ... انا ملاحظ ان العربيه بتاكل زيت احيانا , لكن موضوع اني الاقي نفخ كبس في مقياس الزيت في الواقع انا مش فاهمه اساسا
وعلي العموم هاوافيك بالجديد ان شاء الله