نتشه عند كل نقله
 

مش عارف ليه كل ما انقل تبقى فى نتشه وعلى فكره برضوا كل ما ادوس بنزين جامد يبقى دخان وبعدين يروح وبرضوا بيبقى فى ريحه بنزين فى العادم وساعات وانا سايقه

رد: نتشه عند كل نقله
 

محتاج البيانات التاليه

1- نوع السياره وعدد الكيلومترات

2- موقف أستهلاك البنزين والزيت

3- موقف الفلاتر والبوجيهات ( هل تم تغيير الفلاتر والكشف على البوجيهات )

4- هل تم عمل أختبار للشراره مره من عند البوبينا ومره من عند البوجيهات ( على أفتراض أن السياره نوبيرا أو لانوس )

5- ياريت برضه نعرف متى تمت آخر صيانه وماذا تم فيها

وماهو موقف تغيير سير الكاتينه

رد: نتشه عند كل نقله
 

ا/سمير متشكر ليك جدا على انك الوحيد الى عبرتنى النهارد لانى فعلا محتاج المشوره
والاجابة على اسئلة حضرتك
- السياره نوبيرا 1 خليجى مو97
- عداد الكيلومتر403000 كيلو متر
- غيرت فلتر البنزين والبوجيهات من اسبوع
- لم اعمل اى اختبارات للشراره
- اخر صيانه من اسبوع (انا شارى من 10 ايام)
- سير الكتينه بحاله جيده
ومتشكر ليك مره اخرى ومنتظر الرد

رد: نتشه عند كل نقله
 

أولا كلنا تحت أمرك أو أمرك

يفضل عمل أختبار شراره للتأكد من آداء دورة الأشعال لدورها الطبيعى

ونظرا لأن السياره عامله كيلووات كتير

يفضل عمل أختبار كبس لكفاءة غرف حريق المحرك

لأن ده رقم مش صغير

مع المتابعه الجيده لدورة التزييت بمتابعة مقاس الزيت ومعرفة هل الزيت بيقل ولا لا

وياريت نكشف تانى على البوجيهات لمعرفة

هل بتهبب ولا لا ( من أجل الأطمئنان على رشاشات المكنه ....لأنها ممكن تكون

بتسيل بنزين وده يعمل نتشات مصحوبه بساحبات سوداء مع ضغطك على دواسة

البنزين )

_______________________

وكنصيحه بوجه عام

أنصح بتغيير سلوك البوجيهات وتغيير سير الكاتينه ومكونات الكاتينه ( شداد وبكره وطلمبة مياه )

طالما العربيه عامله الكيلووات الكتير تلك

رد: نتشه عند كل نقله
 

كده في الغالب الموبينه

رد: نتشه عند كل نقله
 

اولا ياريت الرد كان امبارح لان بعد اسئله حضرتك روحت كشفت على العربيه فى مركز بجوار منزلى (قاعة سيد درويش) الهرم كنت عرفت اجاوب على الاسئله دى كويس لكن الاتى:
حساس الشكمان كان مفصول ووصله وجرب العربيه معايا والنتشه خفت كتير
الرشاشات قالى انها عايز تتغير
سألت عن قوه الماتور قالى الجهاز مايقيس كبس الماتور ولكنه خفيف شويه
ودفعت 60جنيه ومشيت .

ملحوظه يعنى ايه يحصل لما يكون الماتور خفيف شويه ودا يتغير ولا يتصلح احسن هو قال ان يتصلح بحجات خفيفه !!!

والحاجات دى اقدر اعملها ازى وانا ولازم متخصص
فعلا الرشاشات سيئه ودى اعمل فيها ايه

طيب انا اعمل الحاجات دى فعلا ودى حتكون مكلفه

رد: نتشه عند كل نقله
 

بالفعل أنا رادد على سعاتك أمبارح

وشوف تاريخ مشاركاتى بالثانيه

طيب هو عرف منين أن الرشاشات محتاجه تتغير

لازم يكون لديه دليل مادى

الموتور الخفيف وسليم من الداخل

بيتعمله طقم شنبر وروديه

وبيرجع زى حالة الزيرو تقريبا

يفضل متخصص عنده ضمير

يعمل أختبار للشراره من عند البوبينا مره ومن عند البوجيهات مره لتحديد حالة

البوبينا وكابلات البوجيهات

وبالنسبه لوضع الزيت

فده بيعرفه مالك السياره العادى من خلال متابعة قياس الزيت

الزيت بيقل والمكنه بدخن دخنه سوداء مائله للزرقه مع تزويد البنزين الشديد

وفى حالتك ( كيلووات كتير )

يفضل الأسراع بأجراء طقم شنبر وروديه لوش السلندر

حفاظا على البقيه الباقيه من المكنه

_______________

حنفترض واحد تعبان

يعالج نفسه ولا يسيب نفسه لحد مايموت

نفس القصه بالضبط

فالشنبر والروديه علاج فعال للمكنه التعبانه

فى الدايو والنوبيرا أو لانوس

الحاجات دى مش مكلفه كتير زى السيارات اليابانى أو الألمانى أو الأوروبى بشكل عام

تقريبا 1000 ج

يروقوا المكنه

ويرجعولها حالتها الصحيه على أفضل وجه