يا أهل الخبرة ،،،،، افتوني
 

يا شباب ،،،،

أنا قرأت عن تنظيف بلف الايديال (و ده مفهوم) و عمل ايديال ليرن (هوه ده بقي سؤالي ) ايه هوه و بيتعمل ازاي و فين ؟؟؟؟

و سؤالي ده لأن واحد قريبي كان لسه شاريها مستعملة و سافر بعد كده بشهر للخارج و سايب عربيته معايا (اسبرانزا 516 مو 2008) علشان امشيها كده علي خفيف علشان ما تبوظش من الركنة يعني ،،، المهم انها ساعات بتعمل دربكة في السلانسيه و رعشة في الموتور أكن بوجيه يبقطع و ساعات بتبقي شديدة أكثر و الموتور يترعش جامد أكنه ماشي 2 سلندر بس !!!! و كثير بتبقي زي الفل و مافيهاش اي حاجة ، و علي فكرة الموضوع ده مالهوش دعوة بالسخونة او البرودة يعني حاجة كده بتيجي عرضية لنصف دقيقة أو دقيقة كاملة علي اقصي تقدير و تختفي بعد كده لوحدها

ملحوظة : لما العربية بتعمل الحركات دي و ازود بنزين بيبقي صوت الموتور عادي و السحب جيد ،، يعني في اعتقادي انها ما بتقطعش بوجيهات فعلا و ان العيب ممكن يكون علي السلانسيه بس !!! فيه ناس قالتلي تكشف علي حساسات الكرنك و الكامة ، و انا بصراحة مالعبتش في انجكشن و الحساسات و الحوارات دي قبل كده و كمان العربية مش بتاعتي و مش عاوز اتدبس في مصاريف بدون لزمه

تنصحوني اعمل ايه؟؟؟؟؟؟ و هل الموضوع ده له علاقة بقصة الايديال ليرن الل بسمعكم بتقولوا عليها ؟؟؟؟

رد: يا أهل الخبرة ،،،،، افتوني
 

http://www.masrmotors.com/vb/showthread.php?t=40628

اللينك ده فيه أجابه لسؤالك ده


_________________________ _______


أنصحك تنظف البوابه بال WD40

وتجرب

رد: يا أهل الخبرة ،،،،، افتوني
 

ألف مليون شكر ،، علي الاهتمام و سرعة الرد

هل البوابة دي ، المقصود بيها بوابة دخول الهواء للموتور ؟؟

يعني افك الفبرة الكبيرة اللي مكتوب عليها اسبرانزا و كمان الفبر بتاع فلتر الهواء حتي اصل اليها و بعدين ارش عليها DW40 ؟

بالمناسبة الفبرة الكبيرة اللي مغطية الموتور دي بتتفك ازاي ؟؟ حاولت احسس بايدي اشوفها ماسكة في ايه و هل ليها كلبسات مثلا بس ما لقتش كلبسات و ما عرفتش افكها امبارح و ان كنت استنتج انها ماسكة في الفبر بتاع فلتر الهواء و اعتقد في خرطوم تخين شويه عند صدر العربية

هل سيادتك علي علم بهذا الموتور ،،، او هل عند سيادتك اي صور ايضاحية ؟

معلش و الله انا علي قد ما ركبت عربيات و لعبت فيها بس تكنولوجيا الانجكشن و العربيات الجديدة دي ما لغوصتش فيها قبل كده ، و كمان كونها مش عربيتي ده عاملي قلق حبتين زيادة

رد: يا أهل الخبرة ،،،،، افتوني
 

نعم

نعم مع تحريك بكرة الأكسراتير أثناء عملية الرش

والتجفيف لأى ملوثات قد تكون تخللت من فلتر الهواء للبوابه

لتليين أكس البوابه ورفع كفاءة حساس البوابه

THROTTLE POSITIONING SENSOR

للأسف لا

أنا شوفت شكل المكنه مره على السريع

ولو عندك لينك لكتالوج المكنه

هاته ونبص عليه سويا

لمعرفة الفوله فين

رد: يا أهل الخبرة ،،،،، افتوني
 

ربنا يبارك فيك يا باشمهندس ،،، ان شاء الله هحاول النهارده ثاني

رد: يا أهل الخبرة ،،،،، افتوني
 

بالتوفيق.............

رد: يا أهل الخبرة ،،،،، افتوني
 

م / سمير

السلام عليكم و رحمة الله و بركاته

لقد قمت بالامس بفضل الله و توجيهات سيادتكم بعمل الاتي :-
1- فكيت فبرة الموتور و اتضح انها ليها كلبسين بتبات كبس فيهم من الخلف و بتبقي ممسوكة مع فبر فلتر الهواء و الكاوتشة بتاعة البوابة

2- لقيت البوابة مش نظيفة و رشيتها زي تعليمات سيادتكم باسبراي كربراتير و بعده بـ WD40 و كمان عملت نفس القصة مع حاجة كده (استنتجت انها بالف الايديال) و فكيتها و الفيشة راكبة فيها و بختها بالاسبراي و كمان بخيت علي الفتحة اللي بتركب فيها ،،، عموما انا علمت عليها باللون الاصفر رقم 2 علشان سيادتك تشوفها و تقوللي هل هيه دي المطلوب ولا دي حساس المنافول ؟؟؟


المهم النتيجة ان من بعد ذلك السلانسية اتعدل علي الاخر (فضلت مدور ييجي نصف ساعة و اخذت بيها لفة كده تقريبا 10 كم )

و لكنني لا زلت الاحظ وجود تنتيشة في الاول ،، و دي كانت موجودة اصلا من قبل كده و مش عارف اعمل معاها ايه بالضبط ،،، هل ذلك بسبب ان دواسة البنزين كهرباء و انا مش واخد علي كده و مش عارف اظبط رجلي عليها ؟؟ و لا فيها عيب ؟؟؟ يا تري بأيك ايه في الموضوع ده ؟؟؟؟

عموما انا التقطت بعض الصور بالامس و ارفقتها بالمشاركة علشان حضرتك تشوفهم و حتي تعم الفائدة علي الجميع .