احذروا تيل الفرامل اللي سعره من 40 ل 50 جنيه
 

ياجماعه كتير مننا بيسترخص وانا اولكم بصراحه استرخصت مرتين والنتيجه كانت هتبقي صعبه اوي
في تيول فرامل صيني بنت تيت مغرقه السوق واسعارها من 40ل 50 جنيه
1- انا ركبت تيل في اسكندريه علي ما وصلت مصر كان خلص !!!!!!!!!!!!!!
2- ركبت تيل من نفس النوع يوم وقفه العيد وخلص ثالث يوم العيد !!!!!!!!!!!!!!!!!!!!!
انا بتكلم جد والله
اللي اكتشفته ان التيول دي بتتملي بودره جافه مجرد احتكاكها مع الماستر من الطمبوره بيحصل تاكل لطبقه البودر ده وبتنتهي تماما ومش بيبقي ليها اي وجود وبيحصل معاك في الطريق تلاقي الفرامل بتهرب منك ورجل الفرامل بتنزل لتحت جدا لما تيجي تدوس عليها ومش بتلاقي فرامل
نصيحه الغالي تمنه فيه انا هركب تيل تمنه 265 جنيه بيعمر لمده سنتين او 30000 كيلو متر

ياريت محدش يقع في الغلط اللي وقعت فيه ياجماعه عشان بسبب التيل الزفت ده للاسف السيفتي اشتغل النهارده

رد: احذروا تيل الفرامل اللي سعره من 40 ل 50 جنيه
 

ألف شكر على النصيحة المهمة
وسلامتك ألف سلامة. أنت تمام؟

رد: احذروا تيل الفرامل اللي سعره من 40 ل 50 جنيه
 

الحمد لله تمام شكرا علي اهتمامك

رد: احذروا تيل الفرامل اللي سعره من 40 ل 50 جنيه
 

شكرا ياباشا علي مشاركه الخبره مع الناس علشان نتعلم
ربنا يكرمك يارب ويستر طريقك

رد: احذروا تيل الفرامل اللي سعره من 40 ل 50 جنيه
 

شكرا يامعتز الله يخليك

رد: احذروا تيل الفرامل اللي سعره من 40 ل 50 جنيه
 

الف سلامه يامعلم
الحمد لله انك ربنا ستر وجت ع قد كده
وكويس ان كنت لابس السيفتى ____ البايك يغور المهم انت تكون بخير
والف سلامه تاني ياباشا GIFT4U

رد: احذروا تيل الفرامل اللي سعره من 40 ل 50 جنيه
 

الله يخليك ياصاحبي
الحمد لله علي كل حال
انا مش زعلان والله ياعم مانتا شوفت جوز ال 1000 المدمرين عند سيد عاملين ازاي ربنا يعفي عننا
الحمد لله