ضعف سحب السيارة للحظات
 

السيارة مازدا 323 موديل 81 هاتشباك
منذ فترة طويلة بيحصل معايا حاجة غريبة ومش عارف سببها .

احيانا اكون ماشى بالعربية ومعايا ناس او شيل كتير واحتاج اهدى السرعة لظروف الطريق وبعديها احاول ارجع لسرعتى الاقى العربية مش اقدره تسحب ولما احاول ادوس بنزين جامد او انزل نقلة صوت الموتور يعلى والسرعة مش عاوزة تزيد احاول ادوس دبرياج واسيب لا يوجد تاثير ايضاً يستمر هذا الحال لمدة دقيقتين او ثلاثة وبعدها العربية تسحب والسرعة تزيد وترجع كما كانت كان حد كان ماسك العربية من ورا وسابها .

ايضا من الملاحظ احيانا ان لو دوست بنزين جامد العربية متسحبش كويس ولو رفعت رجلى من على البنزين سنة صغيرة الاقى العربية سحبت كويس .

شكيت كذا مرة فى اسطوانة الدبرياج ولكن العربية كويسة عند صعود المرتفعات حتى لو محمل وفى اغلب الاوقات بتسحب كويس ولا اشعر بضعف منها .

من حوالى شهر غيرت طقم بوجيهات وسلك البوجيهات وفلتر بنزين وبنضف فلتر الهواء بستمرار .

رد: ضعف سحب السيارة للحظات
 

ده اعتقد عيب من الكاربيراتير ..

وطالما انت متاكد ان فلتر الهوا كويس ونضيف .. يبقى غالبا الكربيراتير محتاج ضبط ..

لان نسب البنزين والهوا مش مضبوطين فالعربية بتتخنق ..

رد: ضعف سحب السيارة للحظات
 

غالبا

شكك فى محله

وخصوصا لو الدبرياج عامل كيلوات كتير بالسياره

فوارد جدا

يكون ديسك الدبرياج بدأ يتعب

ومرونة سوست الديسك خفت شويه

رد: ضعف سحب السيارة للحظات
 

اعمل صيانة للكربراتير مع ضبط توقيت الشرارة والكشف على فلتر الهواء وتغيير البنزينه اللى بتمون منها

رد: ضعف سحب السيارة للحظات
 

العيب من الكاربراتير، لأن كان عندى نفس مشكلتك بالضبط

رد: ضعف سحب السيارة للحظات
 

اشكر حضرتكم جداً على المساعدة

بما ان فى كدة رايين الكربيرتير او الدبرياج

اولاً الكربيرتير اعتقد ان نسب الهواء الى البنزين مظبوطة الى حد ما وللعلم ان لدى فكرة كويسة بالكربيرتير لانى بفك قطع الكربيرتير وانضفها واجمعه تانى ولدى فكرة بتظبيطه الى حد ما بخلاف انى غيرت البنزينة فعلاً ومظبط توقيت الشرارة .

ثانياً طقم الدبرياج مقدرش احدد اذا كانت المشكلة منه ام لا ومعرفش عامل كام كيلو لانه موجود فى العربية منذ ان اشتريتها من 3 سنوات .

ولكن لى سئوالين بعد اذن المهندس سمير
1 - هل عند وجود مشكلة بطقم الدبرياج فهل تظر احيانا وتختفى احيانا
2 - لماذا احيانا لو دوست بنزين جامد العربية متسحبش كويس ولو رفعت رجلى من على البنزين سنة صغيرة الاقى العربية سحبت كويس .

رد: ضعف سحب السيارة للحظات
 

نعم من الجائز ظهور مشاكل من الدبرياج كمكونات على فترات متقطعه

بسبب حاجه المكونات للنظافه على الأقل

لأن فيه أسطوانه بتتاكل مع الوقت

ورايش تيل الأسطوانه ممكن يكون بيلف ويعمل قلق على مشرشر الأسطوانه

دا غير فقدان سوست الديسك لمرونتها مع السخونه أحيانا

وأخفاق السوست عن لم مكونات الدبرياج بصوره فوريه

النقطه رقم 2 دى بأه

ممكن يكون سببها طلمبة التعجيل الموجوده من ضمن مكونات الكربوراتير

بتعلق ساعات ومبشيلش حمل ضغطك الفجائى على الدواسه

على أساس تضخ بنزين بصوره فجائيه خلال نافورة الكربوراتير

فى حالة حاجتك لعزم كبير لحظة ركل الدواسه ( زى موضوع الكيك داون )

أو تواجد ظاهرة الغلق البخارى للبنزين فى خطوط البنزين

فهل الحاله دى بتظهر معاك فى كل الأوقات

سواء الجو بارد ليلا

أو ساخن ظهرا ....................؟