ماهو الروديه
يتعرض الكثير من الزملاء لسماع لفظ روديه من الورش الميكانيكيه
فماهو الروديه ..................؟ فى لغة الهندسه الميكانيكيه بيسمى الروديه بتحضين الصبابات أو التطبيع لأقراص الصبابات من أسفل على قواعدها بوش السلندر وباللغه الأجنبيه بيسمى الروديه بكلمة lapping فماهو الروديه ......ولماذا يجب تنفيذه عن حل وش السلندر لأى سبب من الأسباب كما فى حالة تغيير جوان وش السلندر أو فى حالة العمرات فى الحقيقه بيعتبر تمسك مالك السياره بعمل روديه أثناء حله لوش السلندر موضوع هام جدا فعدم التطبيع الجيد للصبابات على رأس السلندر من أسفل يجعل هناك بؤر لحدوث تنفيس لكبس المحرك لأعلى المكنه أى لمنطقة المانيفولد أو فرن المكنه وقد يؤدى هذا التفويت إلى هروب جزء من الكبس ( فى نهاية شوط الأنضغاط وبداية التمدد ) حيث أقصى ضغط للشحنه إلى الهروب من خلال الخلوص بين دلائل الصبابات وسيقان الصبابات وبالتالى حدوث نفخ فى منطقة التاكيهات نتيجه لزيادة الضغط بسبب هروب جزء من الشحنه لأعلى أى إلى منطقة التاكيهات وده يمكن السبب إلى بيخلى بعض المحنكين من مشترى السيارات الأستعمال يفتح غطاء الزيت والمحرك دائر من أجل الأطمئنان 1- على كون المكنه قافله صبابات كويس ولا لا 2- مكونات الرأس بحاله جيده ولا لا سواء كدلايل أو سوست صبابات وخلافه _________________________ ______ المهم أيه العائد على مالك السياره من ضمان تطبيع جيد للصبابات على الوش من تحت .........؟ إليكم الأجابه 1- ضمان حمل جيد للمكنه وبالتالى سحب جيد للسياره 2- عدم أنهاك المحرك بالضغط على دواسة البنزين للحصول على أحمال مطلوبه وقت صعود الكبارى وأعمال التخطىء أثناء القياده 3- وفره فى أستخدام البنزين 4- الحفاظ على دورة تزييت نظيفه وعمر تشغيلى أطول لزيت التزييت 5- الحفاظ على حرارة المكنه فى الحدود المقبوله _________________________ نيجىء بأه نشوف مع بعض صبابات مكنه وفتحاتها على وش السلندر من تحت قبل الروديه وبعد الروديه الصوره دى بعد الروديه http://i728.photobucket.com/albums/w...DED1C7EDE4.jpg لو نلاحظ حافة الصباب بتلمع أزاى وفتحتها على رأس السلندر بتلمع أزاى بعد أن تم أجراء عملية الروديه _________________________ _ ودى صوره أخرى قبل الروديه http://i728.photobucket.com/albums/w...DED1C7EDE4.jpg حنلاحظ تواجد الترسبات الكربونيه على حافة فتحة رأس السلندر ومع تطبيع قاعدة الصباب على هذه الفتحه بآداه خاصه عباره عن يد خشبيه وشفاطه كاوتشوك لسحب الصباباب من لأعلى وأسفل زى نظام الرحايه من أجل تنعيم وتطبيع حافة الصباب مع فتحته المخصصه برأس السلندر |
رد: ماهو الروديه
يشرفني يا باشا اكون اول شخص يرد علي مشاركتك وموضوعك المحترم
ودايماً معودنا علي المعلومة المحترمة بأسلوب بسيط وسهل ربنا ما يحرمنا منك ولا من معلوماتك ومشاركاتك المفيدة |
رد: ماهو الروديه
الله يخليك
أستاذ : صلاح وشرف لنا كلامك وتعليقك الطيب هذا على هذا الموضوع |
رد: ماهو الروديه
تسلم ايدك يا استاذ سمير
|
رد: ماهو الروديه
الله يخليك
أستاذ : احمد |
رد: ماهو الروديه
منور يابشمهندس سمير ليك وحشه والله مش عارف هتعرفنى وتفتكرنى ولا لأ
دايما كنت ابعتلك السلام مع ياسر |
رد: ماهو الروديه
موضوع متميز من موضووعاتك الهايلة
ولو ممكن اضيف حاجة كمان لاهمية الرودية وهو ان ساق الصباب تكون سلسة داخل الدليل بتاعها وخصوصا فى التليين لان الديليل ممكن يقفش على الصباب ودي حصلت معايا |
الساعة الآن 06:39 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017