يا جماعة بالله عليكم امتى تم تركيب ردارات الليلية على الدائرى حد يعرف؟
 

ارجوكم انا فى حالة نفسية سيئة جدا بسبب الرادارات الليليلية وما عرفت بيها الا بطريق الصدفة

ارجوكم حد يعرف امتى تم تركيب الردرارات اللليلة على الدائرى اللى انا رايح جاى علية

وهل قيمة المخالفة طبقا لمدى السرغة ام المخالفة واحدة فى حالة تجاوز سرعة ال 90 كيلو فى ساعة؟


ارجوكم حد يفيدنا

رد: يا جماعة بالله عليكم امتى تم تركيب ردارات الليلية على الدائرى حد يعرف؟
 

هى بقالها بتاع شهرين
و تقريبا فى 2 بس اللى شغالين و بشوف الفلاش بتاعهم بليل
و بالنسبة للمخالفة فكل كاميرا تقطعها بمخالفة
يعنى لو ال9 كاميرات شغالين هتلاقى 9 مخالفات و ربنا يستر علينا و عليك

رد: يا جماعة بالله عليكم امتى تم تركيب ردارات الليلية على الدائرى حد يعرف؟
 

متاكد ان بقالها شهرين فقط ؟؟؟؟

الردار الجديد باشعة جاما مبتعملش فلاشا

رد: يا جماعة بالله عليكم امتى تم تركيب ردارات الليلية على الدائرى حد يعرف؟
 

لا أنا ماعرفش حكاية جاما دى بس مفيش غير الكاميرات اللى بالفلاش و دى بقالها شهرين تقريبا

رد: يا جماعة بالله عليكم امتى تم تركيب ردارات الليلية على الدائرى حد يعرف؟
 

طيب ماتسوق بالراحة وتمشى بالسرعة القانونية
بدل ما تخبط حد بسرعتك العالية علشان ترضى الحالة النفسية بتاعتك

رد: يا جماعة بالله عليكم امتى تم تركيب ردارات الليلية على الدائرى حد يعرف؟
 

تم تركيب الرادارات الليلية او التى تعمل 24 ساعة على الطريق الدائرى قبل رمضان بحوالى اسبوع او 10 ايام وتم الاعلان عنها فى الجرايد (هيعملو ايه تانى علشان ينبهو الناس )
وتم تركيب حوالى 35 كاميرا اضافية تحديدا على الطريق الدائرى كما تم تركيب كاميرات يمكنها التصوير فى الاتجاهين يعنى سيادتك جاى مثلا من عند الاسماعيلية الصحراوى وركبت الدائرى متجه الى اسكندرية الزراعى تصورك كاميرا فى الاتجاه المعاكس
وده كلام قريته فى الخبر مش من تأليفى
والكاميرا اما موجوده فى صندوق على عامود طويل بين اعمدة النور بس اقصر منها او معلقة بين الاعلانات الموجودة على الطريق ووسط الكشافات بتاعتها
والسرعة مفروض لاتزيد عن 88 لان 90 معناها ممكن تسرح تبقى 91 وتتصور ياحلو
اخيرا / السرعة 91 = السرعة 200 فى قيمة الغرامة وهى موحدة =300 جنيه عند التجديد او 150 للدفع الفورى وهنا معتقدش هتبقى فورى لان الفورى نهايته 3 يام
وبقول لاخونا كاتب الموضوع مفروض يكون عندك حنكة السواقة
يعنى الناس كلها بتتمشى وانت الوحيد اللى بيجرى مفروض تفهم ان فى حاجة لان مش معقول كل دول انت العفريت الوحيد فيهم
اكيد فى عفاريت تانية بس لامين نفسهم زى حالاتى
وبعدين انت ف حالة نفسية زى الزفت ليه ؟؟؟؟؟مهو حصل وخلاص فكر بقى ازاى تحوش (من التحويش ) المبلغ وبهدوء وبدون عصبية لان البكاء على اللبن المسكوب لاينفع
ثم انت ناوى تجدد اليومين دول واللا ايه ؟
وبالمرة ننبهك وانت وباقى الاعضاء ان كورنيش اسكندرية عليه رادار بطول الطريق والسرعة عليه لاتزيد عن 50 او 60 مش فاكر
تتصور ياحلو وانت مش دارى
وان كان ممكن يلحقك ظابط راكب موتوسيكل ويخليك تركن ويدفعك فى ساعتها
ومدخل مطروح والحقيقة ده مقلب مش رادار لانه محطوط ورا بوابة مطروح على طول يادوب تاخد نفسك من السفر وتعدى البوابة بعدها ب200 متر تلاقى اللجنة مستنياك ورخصك يامعلم
ايه الموضوع
السرعة لاتزيد عن 60
وانا ممسوك هناك ماشى 65 يعنى من القاهرة لمطروح ماشى بسرعة مابين 170 و 180 محدش قاللى ازيك وممسوك فى مطروح بسرعة 65
وعاملين نفسه قايمين معاك بالواجب تبص تلاقى 20 يافطة فى ال200 متر دول مكتوب عليهم السرعة 60 والكاميرا اصلا جنب اليافطة الاولانية متحلقش تلم نفسك وتتصور ولو اعترضت يشاور لك على ال50 يافطة المحطوطين ملزقين فى بعض ويفهمك انك انت اللى مبتقراش وهما والله ماجصرو (قصرو )
خلو بالكو بقى