رأيكم يهمنى جدا يا جماعة
 

الحمد لله اولا واخيرا على كل شئ بالامس كنت معدى اشارة فى مدينة نصر وكان امامى عربية وانا وراها وكابس عشان محدش يدخل فى النصف من الاتجاة الجانبى واذ بقائد السيارة الامامية يقرر ان يقف فجاة وانا بلمح العربييات الى جاية من الاتجاة الاخر وللاسف طبعا ملحقتش خالص اقف واصطدمت به صدمة كبيرة بعدته 2 متر ادامى والخسائر الاكصدام اتكسر والشنب والحمد لله الفانوس لم يصاب باذى لكنة دخل جوه شوية .

وسؤالى لحضراتكم الاكصدام بالشكل دة ينفع يتلحم ويرجع زى الاول ولا مش هينفع والشنب الحتة الى اتكسرت منه موجودة معاى الحمة ولا اغيرة مع العلم انى سالت على الاكصدام فى التوكيل وقالولى انه ب 1100 والشنب ب 150 والاثنين خام بدون رش ولونهم اسود - وسالت خارج التوكيل لقيت الاكصدام اسعارة متفاوتة مش عارف لية الاكصدام 650 - 400 - 240 وخايف اشترى من برة التوكيل تطلع الخامة ضعيفة وتتكسر من اى حاجه (what)

ياترا فى حد فى الحرفيين بيعمل الحاجات دى ويرجعها لاصلها زى ما كانت وهل اروح لسمكرى ولابتاع فيبر وهو هيفكة وياترا هو بيلحمة بس ولا بيرشه كمان ولا اشترى جديد واريح نفس - معلش طولت عليكم بكثرة الاسئلة وربنا يسترها معانا جميعا ويكفينا شر الحوادث .
واليكم الصور - معلش انا اخذتها بكاميرا تليفون واحد صاحبى عشان معاة الكابل بتاعه فالجودة مش اد كدة وشكرا مقدما على تفاعلكم معى

http://hh7.net/Nov/hh7net_12904991161.jpg

http://hh7.net/Nov/hh7net_12904991172.jpg

http://hh7.net/Nov/hh7net_12904991172.jpg

http://hh7.net/Nov/hh7net_12904991174.jpg

http://hh7.net/Nov/hh7net_12904991175.jpg

http://hh7.net/Nov/hh7net_12904995041.jpg

http://hh7.net/Nov/hh7net_12904995042.jpg

http://hh7.net/Nov/hh7net_12904995043.jpg

http://hh7.net/Nov/hh7net_12904995044.jpg

http://hh7.net/Nov/hh7net_12904995045.jpg

وياريت لو حد يعرف حد كويس يكون معرفة وشغلة نضيف ومش مهم الفلوس فى الحرفيين او اى مكان مش مهم اوى وشكرا جزيلا .

رد: رأيكم يهمنى جدا يا جماعة
 

قدر الله وما شاء فعل والحمد لله انك بخير ... شوف بتاع فيبر كويس وان شاء الله حيصلحة بس المهم يكون معاك كل أجزاءة المكسورة ومتكنش فية حتت صغيرة أتنترت مكان الحادثة. يمكن يبان شوية بعد التصليح والرك على شطارة الصنايعى. المفروض أنة يأخدها مقاولة ويرشهولك لو محتاج وأتفق معاة يسلمهولك خالص مخلص.

للأسف معرفش بتوع فيبر كوييسين فى القاهرة علشان أفيدك. كل الكويسين اللى أعرفهم فى اسكندرية (عمار يا اسكندرية).

رد: رأيكم يهمنى جدا يا جماعة
 

اشكرك يا استاذ هشام على المشاركة ودائما عمار يا اسكندرية

رد: رأيكم يهمنى جدا يا جماعة
 

لا شكر على واجب يا امام بك ... حتيجى مقابلة يوم الجمعة ان شاء الله؟

رد: رأيكم يهمنى جدا يا جماعة
 

يشرفنى حضور المقابلة مع احلى اعضاء واحلى منتدى لكن مع الاسف يوم الجمعة هو يوم الاجازة الى اقدر اعمل الخبطة الى فى العربية لانى بضايق لما بشوفها - وان اشاء الله تتعوض فى المقابلات القادمة يا هشام بك مع تمنياتى ليكم بمقابلة ناجحة ومتنسوش الصور عشان الى مش هيحضر . مع خالص تحياتى أ. هشام

رد: رأيكم يهمنى جدا يا جماعة
 

تتعوض ان شاء الله يا امام بك.

رد: رأيكم يهمنى جدا يا جماعة
 

للرفــــــــع