مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   هل من الممكن تنظيف الرادياتير من الداخل ؟ (https://www.masrmotors.com/vb/showthread.php?t=40234)

amth2010 22-11-2010 04:21 PM
هل من الممكن تنظيف الرادياتير من الداخل ؟
 
السلام عليكم ورحمة الله وبركاتة
أنا عايز أعرف مبدئيا هل الرادياتير هو المكان الذي نضع فيه الماء لتبريد الموتور ؟

الحاجة التانية ازاي الواحد ينظف الرادياتير ولا الموضوع مش مستاهل ؟

Bahi 22-11-2010 04:30 PM
رد: هل من الممكن تنظيف الرادياتير من الداخل ؟
 
أيوة يا سيدى هو المكان اللى بنحط فية المياة علشان نبرد الموتور. أفتح الغطاء ولو لقيت المياة فيها صدأ يبقى الموضوع مستاهل ولازم تنضف الرادياتير وطالما حضرتك جديد فى موضوع العربيات يستحسن أن اللى ينضفة بتاع رادياتيرات. وأنت رايحلة فى السكة عدى على محطة بنزين وأشترى جركن 4-5 لترمياة ملونة للرادياتير حمراء أو خضراء ويفضل الحمراء من موبيل وخلى الراجل يحطها بعد ما ينضف الرادياتير ودورة المياة وكويس ويتأكد ان مافيش تسريب.

amth2010 22-11-2010 04:41 PM
رد: هل من الممكن تنظيف الرادياتير من الداخل ؟
 
اقتباس:
المشاركة الأصلية كتبت بواسطة Bahi (المشاركة 290851)
وأشترى جركن 4-5 لترمياة ملونة للرادياتير حمراء أو خضراء ويفضل الحمراء من موبيل وخلى الراجل يحطها بعد ما ينضف الرادياتير ودورة المياة وكويس ويتأكد ان مافيش تسريب.
هو إيه الفرق بخصوص الحمراء أو الخضراء ؟؟ أنا بسأل كتير بس أنا بحب اوصل للمعلومة بالتفصيل الممل
وعموما شكرا على ردودك في مواضيعى

Bahi 22-11-2010 04:53 PM
رد: هل من الممكن تنظيف الرادياتير من الداخل ؟
 
حتلاقى مواضيع شارحة النقطة دى أفضل من أنى أشرحهالك:
اقتباس:
المشاركة الأصلية كتبت بواسطة atgps (المشاركة 287436)
بالطبع مفيدة ويجب استعمالها، والغرض من استخدامها هو كمانع للتجمد فى البلاد الباردة وكمانع للصدأ ومساعد للتبريد كوسيط سريع لنقل الحرارة
والألوان الأساسية فى مياة الرادياتير هى الأخضر والأحمر
ولكن هناك ألوان أخرى مثل الأزرق والأصفر والبرتقالى
نرجع للألوان الأساسية وهى الأخضر والأحمر
اللون الأخضر المادة الأساسية فيه هى Ethylene glycol أو EG مادة سامة جدا سواء للبشر أو الحيوانات ولذلك يجب الحذر عن تغييرها.
أما اللون الأحمر فهى المادة الأساسية فيها هى Propylene glycol أو PE وهى مادة غير سامة وآمنة جدا وقادرة على العمل مدة أطول بدون أن تفقد خواصها.
نرجع مرة آخرى الى الألوان الآخرى فهى مبنية على Ethylene glycol أو Propylene glycol أيضا مع اضافة مواد آخرى خاصة بالشركة المنتجة.
فرجاء مراجعة كتالوج السيارة لمعرفة أى لون يستخدم

amth2010 22-11-2010 06:01 PM
رد: هل من الممكن تنظيف الرادياتير من الداخل ؟
 
اقتباس:
المشاركة الأصلية كتبت بواسطة Bahi (المشاركة 290877)
حتلاقى مواضيع شارحة النقطة دى أفضل من أنى أشرحهالك:
شكرا ليك يا اكسلانس على سعه صدرك معايا yesyes

Bahi 22-11-2010 06:06 PM
رد: هل من الممكن تنظيف الرادياتير من الداخل ؟
 
تأمر يا باشا وان شاء الله تكون قررت اللى حتعملة.

amth2010 22-11-2010 06:14 PM
رد: هل من الممكن تنظيف الرادياتير من الداخل ؟
 
اقتباس:
المشاركة الأصلية كتبت بواسطة Bahi (المشاركة 290957)
تأمر يا باشا وان شاء الله تكون قررت اللى حتعملة.
بقولك يا باشا بما أنك خبرة كده أنا هستغلك بقى ههههه عندي موضوع في المنتدى بخصوص تعطير مكيف السيارة وبصراحة محدش حط رد واحد يوحد ربنا ..مش ده منتدي سيارات برضو ايه ياترى


الساعة الآن 09:21 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017