الناس الواصله لما تفتري
 

طريق 7 كيلو من بيتنا للشغل بقالي 3 سنين بمشي عليه لما حفظته
يجي واحد من الجماعه اصحاب ال600 فدان يعمل مطب الساعه 11 مساءا وتخيلوا والله العظيم المطب مبني ببلوكات بيضاء وبلك وعرضه مفيش 30 سم بس مرتفع وواقف مش طالع منحني زي المطبات العاديه
تحس انه عامله ليله الوقفه وعارف انه هيازي ناس لدرجه انه واحد كان سايق قدامي وهو اللي معديني قبل المطب ب300 متر وده من ستر ربنا الواد ده مات وانا هديت من 120 الي 80 وطرت بالموتسكل واخدت كزا لفه علي المرصوف
المهم؟؟ المطب اتشال تاني يوم بلودر الوحده المحليه اتاري ان الراجل الواصل موكل بتوع المحليات وقالوله اعمله بالليل من غير اي ترخيص وهما ناكرين الكلام ده خالص انما دايما نستني لما واحد يموت عشان نتحرك
حسبي الله ونعم الوكيل

رد: الناس الواصله لما تفتري
 

رد: الناس الواصله لما تفتري
 

انا لله وانا اليه راجعون
وانت ايه اخبارك دلوقتى طمنا عليك

رد: الناس الواصله لما تفتري
 

حسبى الله ونعم الوكيل

رد: الناس الواصله لما تفتري
 

حسبى الله ونعم الوكيل فى اى حد يسبب الاذى للناس

رد: الناس الواصله لما تفتري
 

حسبي الله ونعم الوكيل
كل واحد افتكر انه ملك الشارع لنفسه وتلاقي في الشارع خمسين مطب ورا بعض
محسسني ان في طيارات اباتشي هتمشي في الشارع
يلا الحمد لله ان ربنا ستر عليك يانونو

رد: الناس الواصله لما تفتري
 

كلامك مظبوط 100×100 و بعدين شوفو كده من 10 او 15 سنة ماكنش فيه كمية مطبات بالشكل ده لكن الايام دي من كترها حاسس انها بقت موضة !