|
اسئلة عن ال A113 ؟
يا جماعة انا عندي a113 و خبطت العتب بتعها , هو دة ممكن يتغير؟؟؟ انا عملت بتاع 1800 كيلو بس للاسف كنت مشغولة و عملتش صيانة الالف كيلو هل اقدر اروح اعمله دلوقتي ؟؟؟ سؤال تاني بعد اذنكو عشان انا مليش خبرة في العربيات الفرامل لما بدوس عليها جامد بحس انها بتزييق كدة هو دة عادي ؟؟
ارجووكم ساعدوني |
رد: اسئلة عن ال A113 ؟
روحى اعملى صيانة ال1000 بسرعة جدا ثانيا لو الفرامل بتحجر يعنى صوت تحجير بتنشف دة عادى دة نظان الabs
انما لو تزيق يبقى مش عادى كلة دة ها يتحل فى الصيانة روحى التوكيل وشوفى هايعملوا مع حضرتك اية لو متحلتش المشكلة فى التوكيل عرفينا وانشاء اللة نقدر نساعد حضرتك |
رد: اسئلة عن ال A113 ؟
اقتباس:
زى ما قالك أستاذ كريم ده نظام الــ ABS |
رد: اسئلة عن ال A113 ؟
بس ابقى طمنينا بعد الصيانه عملتى ايه
|
رد: اسئلة عن ال A113 ؟
السلام عليكم
سحب العربية بالمناسبة عامل معاكى إيه ؟؟ .. العربية بتسحب معاكى ولا مكتومة !! |
رد: اسئلة عن ال A113 ؟
تحياتى لجميع الأعضاء الكرام
أنا معايا حوالى 50 ألف ومعروض عليا فيرنا 2009 مستعملة بحالة جيدة فبريكا ومحتار أشتريها ولا أجيب أسبيرانزا 2011موديلa113 جديدة أرجو من أهل الخبرة أن يفيدونى فى أختيار الأفضل وهل كفاءة الأسبيرانزا a113 عالية وهل عيوبها كما نسمع كثيرة أم أنها سيارة جيدة للأستخدام الراقى وأية أخبارها فى السفر |
رد: اسئلة عن ال A113 ؟
اقتباس:
عموما الى انا شوفته فى ال 113 انها عربيه حلوه و سحبها كويس و التكييف بتاعها جامد و لا يؤثر على سحب العربيه و الموتور 1300 بصراحه ادائه رائع و قوى و متحسش انها صينى يعنى العربيه ليها شخصيه مستقله و متحسش انها مسروقه من موديل عربيه تانيه و صالون واسع و شكلها جميل لكن POLICEE يوجد بعض العيوب وهى 1-العربيه عفشتها ناشفه جدا يعنى بتحس بالمطب بيرزع جامد ودى اكتر حاجه مزهقانى فى العربيه و ان كان الناس بتقول ان العفشه ناشفه فى مقابل ان العربيه ثابته على السرعات العاليه وده صحيح انها اثبت من الفرنا بكتير بس انا معظم مشاويرى جوه البلد و طنطا كلها مطبات و اسفلت زى الزفت و بعدين حتى على الطريق السريع لو قابلك حفره أو مطب صغير و كلته بتحس بالعربيه بتترزع كأن المطب هيقسم العربيه نصين ودى حاجه نفسى الاقيلها حل و مش عارف لو غيرت العفشه و جبت مكانها اى حاجه تانيه كورى او يابانى مثلا دا هينفع و يحل المشكله و الا لأ. 2- القماش المستخدم فى تنجيد الكراسى شكله حلو بس خاماته ضعيفه بمعنى انها من عند الخياطه بتتقطع 3- انا اول مره يكون عندى عربيه هاتشباك و طبعا فى فرق كبير بين حجم الشنطه فى العربيات العاديه و العربيات الهاتشباك على الرغم من ان الكنبه ممكن تتنى وتدخل مساحتها مع الشنطه إلا ان ده ينفع فى حاله السفر مش كل ماآجى اشترى شويه حاجات مثلا اقعد اتنى الكنبه و اعمل الفلم ده ( اعزرنى انا كسول شويه ) عموما العربيه كمجمل حلوه بجد و فى حاله انك بتقارن بينها و بين الفرنا زيرو هقولك هاتها لكن لو لقيت فرنا مستعمله كامله و حالتها زيرو و موديل قريب ففى الحاله دى الفرنا افضل ودى وجهات نظر وربنا يوفقك و تشترى عربيه كوسيه وربنا يباركلك فيها انشاء الله |
| الساعة الآن 03:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017