مصر موتورز مجتمع السيارات - بالصور : عمل وصله AUX For Proton Waja CD Player

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - بالصور : عمل وصله AUX For Proton Waja CD Player (https://www.masrmotors.com/vb/showthread.php?t=3957)

بالصور : عمل وصله AUX For Proton Waja CD Player

السلام عليكم و رحمة الله و بركاته

كتير من مالكين بروتون واجا كانو بيتسائلو عن طريقة عمل وصله aux ل السى دى بلاير الكلاريون , خصوصا و ان موديلات ماقبل 2007 السى دى اوديو فقط , و ديه كانت نوعا ما مشكله لان طبعا السى دى اوديو سعته محدوده جدا بالمقارنه بال سى دى ام بى ثرى .
و كان الحل فى عمل وصلة ال AUX لتوصيل جهاز I Pod , Mp3 , او حتى توصبل الموبايل بال سى دى بلاير و بكده يبقى حلينا مشكله السى دى اوديو " تحديدا لموديلات ماقبل 2007 " .

اولا - الادوات المطلوبه :-

1- واصلة ال AUX ( تمنها 3 جنيه ) .
2- مفك صليبه .
3- بكرة شكرتون صغيره .
4- مقص صغير .
5- فوطه للتنظيف .
6- مفك عاديه " مبطط ".
7- منديل ورقى .
8- وصله للموبايل او الاى بود " لو حنوصل موبايل او اى بود "

ثانياً - خطوات العمل :-

* اهم شى هو الحرص فى التعامل مع وش الكنسول " الفريم " و اتباع الخطوات بالتفصيل .

-----------------------

1- وصله 3,5 لموبايل سونى اريكسون ( فى وصلات لجميع الموبايلات - نوكيا , سامسونج .... و الاى بود ) , لو حتوصل ام بى ثرى مش حتحتاج اى توصيلات اضافيه
2- مفك صليبه
3- وصلة ال AUX

http://farm4.static.flickr.com/3130/...884554617b.jpg

-----------------------

1- حنشيل الدواسه الجلد الصغيره الموجوده تحت طفايه السجاير و الولاعه ( و ديه بتتشال بسهوله جدا بنرفعها من قدام و من الجمب فى حواف جلد مجرد لما نشدها بتطلع كلها ) .
2- بعد ما نشيل الدواسه الجلد الصغيره حنلاقى تحتيها المسمار ده الى فى الصوره حنفكه ( هو المسمار الوحيد الى رابط فريم الكنسول ) .

http://farm4.static.flickr.com/3292/...2aa02d8797.jpg

-----------------------

نيجى لاهم خطوه الى محتاجه حرص " فك فريم الكنسول "

1 - حنفك مقبض الفتيس ( حنلف المقبض Anti-clockwise عكس عقارب الساعه ).
2- حنلف المفك العاديه " المبطط " بقطعة منديل " علاشان منجرحش التابلوه او الكنسول " و ندخله فى الفراغات الموجوده اعلى الفريم " مكان الخطين الحمر فى اعلى الصوره " علاشان نفك الكلبسين الى فوق " مكان السهمين الحمر الى فوق " .
3 - حنشد الفريم لورا من الاربع اماكن الى عليها " اسهم حمرا " مكان الكلبسات بحرص .
* نخلى بالنا ان فى خمس ذوائد بلاستيكيه " موجوده مكان الاسهم الصفراء " .

* لما نيجى نشد الفريم نشده لوره بس ماينفعش نشده فوق و ألا حنكسر الذوائد البلاستيكيه الى ماسكه الكنسول من تحت .

http://farm4.static.flickr.com/3082/...8cc713f68b.jpg

-----------------------

ده شكل الفريم بعد ما اتفك . و واضح اماكن الاربع كلبسات

http://farm4.static.flickr.com/3279/...72988b1735.jpg

-----------------------

و ده شكل الذوائد البلاستيكيه الى ماسكه الفريم من تحت

http://farm4.static.flickr.com/3294/...78727cb78d.jpg

-----------------------

حنفك الاربع مسامير الى ماسكين السى دى بلاير " الاربع مسامير الى جمب الاسهم "

http://farm4.static.flickr.com/3168/...a58ef01318.jpg

-----------------------

مافيش اى مسامير تانيه حتتفك . بمجرد مانفك الاربع مسامير الى فوق السى دى بلاير حيتطلع معانا بدون مشكله

http://farm4.static.flickr.com/3261/...461d9a055c.jpg

-----------------------

http://farm4.static.flickr.com/3175/...b4c5bced78.jpg

-----------------------

حنفك التوصيلات الى ورا .
*( الخطوه ديه مش لازم نعملها . انا فكيت السى دى بلاير علاشان كنت عاوز اصلحه فى توكيل كلاريون , لكن علاشان نوصل الوصله مش لازم نفك توصيلات السى دى بلاير ) .

http://farm4.static.flickr.com/3190/...26c60da837.jpg

-----------------------

شكل التوصيلات بعد مافكينا السى دى بلاير .
1- الفيشه الصغيره السوده الى على الشمال خاصه بزراير التحكم الى فى طاره الدركسيون
2- الفيشه الرمادى و الصفراء خاصه ب الباور و الصوت " نخلى بالنا اننا منعكسهمش الفيشه الرمادى بتتوصل تحت و الصفرا فوق "
3- جاك اريال الراديو .

http://farm4.static.flickr.com/3241/...e64edffb37.jpg

-----------------------

شكل الكنسول بعد مافكينا الفريم و السى دى بلاير

http://farm4.static.flickr.com/3066/...209558863c.jpg

-----------------------

شكل السى دى بلاير من ورا .
*حنوصل وصلة ال AUX فى الجاكين المتوصلين بالسلك الاحمر .

http://farm4.static.flickr.com/3275/...f48eae77ec.jpg

-----------------------

الجاكين المتوصلين بالسلك الرمادى خاصين بتوصيل الامبلفاير ملناش دعوه بيهم و نخلى بالنا اننا نوصل التوصيله فى جاكات السلك الاحمر فقط .

http://farm4.static.flickr.com/3284/...3e38bd1515.jpg

-----------------------

حنجيب وصله ال AUX و ندخل الجاك الاسود فى فتحه السى دى بلاير فى الكنسول من ناحيه الشمال و حنلاقى فى فراغ ننزل الجاك لتحت وننزل للفتحه الى تحت نمد ايدنا لجوه نشده بايدنا السلك من الفتحه الى تحت االولاعه و طفايه السجاير .

و حيبقى شكلل الوصله زى ما فى الصوره بالظبط الجاكين الاحمر و الابيض طالعين من فتحة السى دى بلاير فوق , و الجاك الاسود تحت .

http://farm4.static.flickr.com/3159/...5c656a854f.jpg

-----------------------

حنوصل الجاك الاحمر مع الاحمر , و الجاك الابيض مع الاحمر الفاتح زى الصوره .

http://farm4.static.flickr.com/3034/...7d36bfd414.jpg

-----------------------

حنلف عليهم شكرتون علاشان مايلمسوش فى حاجه و علاشان مايتفكوش لو حد شد الوصله جامد .

http://farm4.static.flickr.com/3181/...6dc679f2cd.jpg

-----------------------

حنركب الوصلات و الفيش كلها زى مافكنيها بالزبط و نركب السى دى بلاير.

* قبل مانركب فريم الكنسول لازم نجرب الوصله ( نوصل ام بى ثرى او موبايل و نتأكد ان الوصله سليمه و ان الصوت استرييو و طالع من السماعات الاماميه و الخلفيه ) .

http://farm4.static.flickr.com/3039/...7e88a6179a.jpg

-----------------------

شكل الكنسول بعد ماركبنا كل حاجه زى الاول

http://farm4.static.flickr.com/3289/...4a141f5590.jpg

-----------------------

وده شكل الوصله بدون مانخرم فى حاجه او نبوظ شكل الكنسول .

http://farm4.static.flickr.com/3187/...3dea31cf9e.jpg

الموضوع كله بياخد تقريبا نص ساعه بالفك و التركيب .

اجمل مافى الموضوع انك حتعمل كل حاجه بايدك و اكيد حتكون اكثر حرصا من العامل الى حيفك و يركب ومش حيكون فى اى تجاريح او خدوش او خسائر مكان الفك و التركيب .

لو حد عنده اى استفسار انا تحت امركم .

اتمنى ان الموضوع يحوز على اعجابكم

http://www.masrawy.com/Albums/albump...21293U5700.jpg

WAJA

http://www.masrawy.com/Albums/albump...21293U5700.jpg

Engineered To Exhilarate

رد: بالصور : عمل وصله AUX For Proton Waja CD Player

حقيقي مجهود وموضوع اكتر من رائع.
شكرا جزيلا.

رد: بالصور : عمل وصله AUX For Proton Waja CD Player

جزاك الله خيرا يا أ/مهاب
فينك من زمان

رد: بالصور : عمل وصله AUX For Proton Waja CD Player

مجهود متميز وطريقة عبقرية وعملية جدا بس طبعا محدش يعمل الطريقة ديه بنفسة الا بحرص شديد علشان ميبوظش حاجة او لو معندوش مهارة العمل اليدوى يبقى افضل يروح لمتخصص يعملها على ايدة

تسلم ايدك يا مهاب على الشروحات القيمة والمواضيع الرائعة اللى بتتحفنا بيها دايما ptmnlo123per1126

رد: بالصور : عمل وصله AUX For Proton Waja CD Player

بجد موضوع رائع يستحق التقدير و تسلم ايدك بجد

رد: بالصور : عمل وصله AUX For Proton Waja CD Player

اقتباس:

المشاركة الأصلية كتبت بواسطة MohabSaeed (المشاركة 14585)

اجمل مافى الموضوع انك حتعمل كل حاجه بايدك و اكيد حتكون اكثر حرصا من العامل الى حيفك و يركب ومش حيكون فى اى تجاريح او خدوش او خسائر مكان الفك و التركيب .

انا من اول الموضوع عمال اقول .... هو ازاي كان بيصور كدا ... يعني كل ما الفني يفك حاجه يوقفه و يخرجه بره العربيه و يدخل مكانه يصور ... !!!!!

بس بجد تسلم ايدك ..... على الصور و الشرح و كل حاجه ....

وفعلا زي ما قال ابونورا مش كلنا عندنا المهاره اليدويه و اللي معندوش صبر او ايده حساسه يشوف فني كويس احسن
( مع ان اغلب الصنايعيه و الفنيين يبوظوا 10 حاجات علشان يركبوا حاجه واحده )

اقتباس:

المشاركة الأصلية كتبت بواسطة AboNoRa (المشاركة 14657)

رد: بالصور : عمل وصله AUX For Proton Waja CD Player

اقتباس:

المشاركة الأصلية كتبت بواسطة somawmotors (المشاركة 14595)

حقيقي مجهود وموضوع اكتر من رائع.
شكرا جزيلا.

الله يخليك انا الى بشكرك على زوقك و كلامك الجميل .

اقتباس:

المشاركة الأصلية كتبت بواسطة islam_galal (المشاركة 14654)

جزاك الله خيرا يا أ/مهاب
فينك من زمان

ربنا يخليك يا استاذ اسلام . انا موجود بس الفتره الى فاتت مكانش عندى نت و كنت بدخل من التلفون او الموبايل

اقتباس:

المشاركة الأصلية كتبت بواسطة AboNoRa (المشاركة 14657)

كالعاده منور الموضوع بمشاركتك و تشجيعك ليا يا ابو نورا , متشكر جدا على الكلام الجميل ده .

فعلا الطريقه ديه مش لاصحاب القلوب الضعيفه , لو حاسس انك حتكسر حاجه او مش حتعرف تتعامل يبقى بلاش تعملها " علاشان ماتدعيش عليا "ptmnlo123per1127

بس بجد يا ابو نورا الطريقه سهله و انا معملتهاش الى لما اتأكدت بنسبة 99 % ان باذن الله مش حيكون فى خساير .
اساسا انا فكيته بنفسى لانى خوفت العامل الى حيفك السى دى يكسر وش الكنسول .
و فكرت اروح التوكيل و اخليهم يفكوه و اخده اوديه مركز كلاريون .
و مع الكثير من البحث على الانترنت شوفت كام صوره لطريقه فك وش الكنسول و عرفت اماكن الكلبسات " وديه اهم حاجه " و توكلت على الله و قولت انا حعملها بنفسى و الحمد لله الموضوع مكانش فى اى خساير او تلفيات .

بس اجمل مافى الموضوع انك تعمل الحاجه بايدك و تعملها بأتقان و زى منتا عاوز و بدون تلفيات " خصوصا انك بتعملها بحرص و خايف على حاجتك " ... و اكيد بدون اشتغلات العمال و الفنيين .

اقتباس:

المشاركة الأصلية كتبت بواسطة AHMEDCAR (المشاركة 14663)

بجد موضوع رائع يستحق التقدير و تسلم ايدك بجد

ربنا يخليك يا احمد باشا . متشكر جدا ليك على كلامك الجميل ده

الربع حنيه ده اصرفه ازاى !! ptmnlo123per1127
و بعدين طلاما ديه فلوس كده و كده ماتخليها شيك ب مليون جنيه http://www.masrmotors.com/vb/images/icons/icon10.gif

اقتباس:

المشاركة الأصلية كتبت بواسطة sam ram (المشاركة 14683)

سام باشا متشكر جدا على كلامك الجميل " دايما بترفع من روحى المعنويه http://www.masrmotors.com/vb/images/icons/icon10.gif " ,

هو لو كان فى عامل الى بعمل الموضوع ده كنت عرفت صورت حاجه .... انا لو عملت كده مش بعيد اتحدف بالطوب و يقولى عليا مجنون http://www.masrmotors.com/vb/images/icons/a16.gif

متفق معاك 100% ان الصنايعيه بيبوظو مش بيصلحو و ديه من الحاجات الى خلتنى ادور على النت على طريقة فك الكنسول لانى مش بحب الشغل النص كم بتاع الصنايعيه " و يسيب سلك مدلدل او يخرم حاجه . خصوصا انهم مابيكنوش عندهم صبر و عاوز يخلص منك بسرعه .

عموما لو حنعمل الموضوع ده عند صنايعى , ياريت على الاقل ناخد الصوره الى فيها اماكن الكلبسات و نوريها للصنايعى الى حيفك علاشان يبقى عارف بيفك فين و مايجربش .
و نقوله على المكان الى ينزل منه سلك الوصله ... علاشان مايفتيش و يخرجها من مكان غلط .