استفسار
 

الهوندا ال400 موديل من 92 ل95 بتبقي في حدود كام؟
هل بتفرق كتير في الفلوس وفي الاداء والشكل عن 89؟

رد: استفسار
 

لا ياعم نوح 89 ده عاده
لكن 92 ده فاير بيفرق حوالي 5 الف جنيه في الافراج و3 في المستعمل

رد: استفسار
 

اوك بس معلش استحمل السؤال ده كمان؟
يعني ايه عادي ويعني ايه فاير بتولع يعني مع الار بي ام العالي؟
ودايما تنصح ان الواحد يخليه في العادي عشان مش بيسخن بسرعه زي الفاير ولا ايه؟

رد: استفسار
 

بص ياجميل الفرق بين العادي والفاير ان الفاير تجميعه اسرع من العاده وتصميمه اوطي من العاده وطبعا هو حامي جدا وموضوع السخونه ده عادي اهم حاجه دوره التبريد بتاعتك تبقي مظبوطه والترموستات شغال كويس ودايما تعمل تشيك اب علي ميه الاربه وتشوفها وصلت لفين ودايما تتابع امبير الحراره وانتا ماشي
ايوه فعلا انا بنصح اي حد بالعاده عشان مش حامي زي الفاير لان الفاير علي اد ما بيديك عزم وقوه بياخد منك حاجات كتير من عمر الموتور

رد: استفسار
 

هو الفاير ده زى التيربو تشارجر كده فى العربية ولا ايه يا ريس ؟؟؟

رد: استفسار
 

لا
في تيربو تشارجر بيركب للبايك برضه لكن الفاير ده شغل في الموتور نفسه

رد: استفسار
 

تمام يا هشام باشا . كده الواحد سستم دماغه علي ال400 العاده 89 بس عايز ان شاء الكريم اظبط كل الكماليات بتاعتها وعموما انا مش بجري في سواقتي غير بالليل عشان الطريق فاضي يعني مش هتتهان.
وزهقت من موضوع لبس النظاره الشمس عشان الهوا ولو قلعتها لو انا بتحرك المغرب مقلقش علي كميه الحشرات والهموش الصغير اللي بتدخل في العين . لازم اجيب برده الخوذه لانها ضروريه