الشعب المصري المحتار
 

هو الموضوع ده عايز اتكلم فيه من زمان بس متردد لانه ملوش علاقه بالموتورز خالص. بس لانه تفحل وانتشر جامد قلت لازم اطرحه واسمع ردود حضراتكم.
من الاخر هو موضوع انتشار عقار الترمادول المستورد الصيني والاردني الخ.....
ده واحد التاني هو ادمان الشعب كبار وشباب علي المنشطات اللي اول منزلت كانت معموله لكبار السن ومرضي السكر. دلوقت بقت شيء عادي
اضحكم..... اول متخرجت اشتغلت في صيدليات خاصه في اسكندريه معشوقتي مكنش فيه ادويه زي ديت غير مستورد وابو مين اللي يعرف يجيب حبايه
بعد كده جاني التكليف في الارياف في مستشفي وبرده اشتغلت بعد الظهر في قطاع خاص وكان المستورد الملقب بالصاروخ لسه طازه .. وتشوف الزبون يا عيني عليه مكسوف ويكلم ناس عشان يكلموني وياخدوه
.... ده زمااااااااان
دلوقتي الواحد يدخل وبكل جراه وممكن يكون فيه اطفال وزباين في الصيدليه ويطلب المنشطات ديت باساميها المختلفه؟؟؟؟؟؟؟؟؟؟؟؟؟؟ هنقول ده عادي مادام الاستعمال في الحلال والشباب بيستعملها من ضغوط الدنيا
المشكله بجد والله الترمادول انتشر جامد والحكومه بتاعتنا تكافحه ازاي . الصيدليه اللي هتمسك بتبيعه غلق 6 شهور وحبس الصيدلي . كويس بقي بيتباع علي القهاوي والمستوردين الكبار محدش يقدر يعملهم حاجه
مشكلتنا اننا نسيب راس المشكله واساسها ونيجي علي الصغيرين واسف علي الاطاله بس حسيت ان الموضوع يستاهل وكل عيد لحمه وانتم عايمين في الشربهHUUM

رد: الشعب المصري المحتار
 

تتصور عندك حق ما فيش كسوف
ولا خسوف ههههههههههههههه

رد: الشعب المصري المحتار
 

وين الردود؟؟؟؟؟؟؟؟؟؟؟؟؟؟؟

رد: الشعب المصري المحتار
 

ياااه! ANAA7TG
طيب هو فيه سؤال يا نوح باشاايه ياترى
إيه بالضبط تأثيرات الأدوية دي؟
وسؤال كمان
عندكشي كام شريط كدة على ذوقك لأخوك المهموم؟ هاهاهاه
مساء الجمال على عيونكم يا شباب SLAM

رد: الشعب المصري المحتار
 

انا تحت امرك بس انت اتجوز الاول
بالنسبه للتاثيرات كفايه انه ادمان ده غير هشاشه العظام وفشل كلوي وبعد كده الكبد مش هيتحمل السموم ديت
ادام الله عليكم الصحه

رد: الشعب المصري المحتار
 

أنا مقصدشي النوع ده من الشرايط
بس كله بينفع...يمكن يغلو بعد كدة :)
هاهاهاها
ربنا يعافينا ويعافيك

رد: الشعب المصري المحتار
 

زمان يا نوح من 15 سنه كده كنت في اسكندريه وواحد عزم عليا بحبايه وقالي لازم تاخدها لازم قولتله لا وكان ايامها اللي معاه حبايه ده زي اللي معاه ماكس او طوابع المهم انا الحمد لله مبضربش منشطات نهائي لاني جربتها لاقيتها علي اد ما بتديني باور اشتغل يومين زي الاسد لكن بتخليني طول الاسبوع همدان فحت وعايز انام 24 ساعه في ال24 ساعه .
انا بصراحه مش بشجع المنشطات انا بعمل منشطات طبيعيه في الشغل متفهمنيش غلط دي منشطات جمبري وسرطان واستكوزا وحركات بحر كده