انفلونزا الخنازير كلاكيت تاني مرة
 

انا اخصائي طب طواريء بالسعودية وللاسف ولتاني مرة بدأ انتشار مرض انفلونزا الخنازير من جديد وعندنا اكتر من حالة وفاة . وانا برجوا من الناس انهم ما يخافوش بس ياخدوا بالهم من الاشخاص اللي مناعتهم ضعيفة زي الاطفال اقل من 5 سنين وكبار السن واصحاب الامراض المزمنة انهم يبدأوا ياخدوا التاميفلوا اذا أحسوا باعراض الانفلونزا وحرارة اكتر من 39 لكن بالنسبة للشباب والناس اللي حالتهم الصحية جيدة بس يرتاحوا ويشربوا سوايل كتير وخافض للحرارة فقط.
والسلام عليكم ورحمة الله وبركاته

رد: انفلونزا الخنازير كلاكيت تاني مرة
 

وعليكم السلام
وشكرا للتنبيه

رد: انفلونزا الخنازير كلاكيت تاني مرة
 

يعني نودي الأولاد المدارس ولا نمنع زي - للأسف- السنة اللي فاتت

أطيب تحية


ايه ياترى

رد: انفلونزا الخنازير كلاكيت تاني مرة
 

وديهم المدارس ولو تعبوا لا قدر الله اديهم التاميفلو هوا متوفر جدا في السعودية على فكرة ونتايجة ممتازة جدا حتى مع الانفلونزا العادية وملوش اعراض جانبية غير الغثيان

رد: انفلونزا الخنازير كلاكيت تاني مرة
 

طيب .... أولاً أنا لست بالسعودية انا بمصر وتحديداً الغردقة
هل يباع هنا وكم سعره؟

ثانياً ماذا لو لم أحب أن أعرض أولادي لهذه التجربة التى لا أضمن نتائجها على أولادي


شكراً لك



أطيب تحية



ROSE4U

رد: انفلونزا الخنازير كلاكيت تاني مرة
 

شكرا على المعلومة
بس ياترى حضرتك ممكن توضح لنا اماكن ظهور المرض فين
مع ملاحظة احنا دلوقتى فى عز موسم الحج
كل سنة وحضرتك طيب




تحياتى للجميع

رد: انفلونزا الخنازير كلاكيت تاني مرة
 

انا موجود بالطائف حاليا والمرض بقاله اكتر من اسبوع وعندنا حالات كتير مصابة والحمد لله اتحسنوا و حالة وفاة لطفل معاق, و سمعت عن 3 حالات في الرياض, اما بالنسبة لاماكن تواجد التاميفلو في مصر فهو اكيد موجود بالصيدليات وبالنسبة لانفلونزا الخنازير هوا مرض عادي جدا واصبت بيه بالفعل السنة اللي فاتت وخفيت في تلات ايام بدون علاج . عشان كده بقول العلاج التاميفلو للناس اللي مناعتهم ضعيفة فقط مش المفروض كل الناس تاخدة يعني الاطفال لحد 5 سنوات والحوامل وكبار السن والمعاقين واصحاب الامراض المزمنة زي الربو والسكر,وطبعا التاميفلو بيتاخد كعلاج بس ومش كوقاية والانفلونزا ما تقدرش تهرب منها حتى لو قفلت على نفسك في خزنة ,بس ربك اللي بيسترها ,والحمدلله ليها علاج ,وعدد الوفيات من انفلونزا الخنازير لا يقارن بعدد الوفيات من اي مرض تاني زي الدرن مثلا