|
حجاج مصر موتورز
بسم الله الرحمن الرحيم السلام عليكم ورحمة الله وبركاته دايما بنحب نتجمع في الخير ، و الأيام دي أكيد في أعضاء مسافرين لأداء فريضة الحج يا ريت يتعرفوا ببعض و يقولوا أحاسيسهم و حكاياتهم و يا ريت بعد العودة بالسلامة إن شاء الله يحكولنا الواحد مشتاق فعلا ، نفسي أسمع حكايات و وقائع مشرقة بالامل الحج هو زيارة بيت الله الحرام و أداء مناسك دينية و هو ما قد يكون حجة (بضم الحاء) لك أو عليك ، فهي فرصة لتتاجر مع الله ، فهل من مشمر أنا شخصيا نويت الحج بمجرد احساسي بأن ليس لي حجة أعتذر بها و تقدمت بمنتهي البراءة لحج القرعه (و قلت في نفسي لو منفعش أقدم في السياحة) مع إن لو منفعش حيكون الوقت فات :) -سذاجة الغريب أن الله سبحانه و تعالي أذن لي و كان لي من العمر 30 سنة فقط و مسافر للحج بالقرعه لوحدي !!! قابلت هناك شاب كريم عنده 33 سنة !!!!!، و قصته تتلخص في أنه بمجرد علمه بوجوب الحج عليه نوي و في نفس الوقت شاهد حلقة لعمرو خالد عن الحج فأصبحت عيناه تدمع كلما رأي الحرم في التليفزيون و تقدم للقرعه و اشتري الاحرام و هو مطمئن لسفره و قد كان . . . و كان يتمني أن يقابل عمرو خالد أثناء الحج و قد كان . . . فكان يقول لي أمنيته و نحن ندخل للرمي و في ثوان كنت أري عمرو خالد أمامي واقفا و ليس معه إلا شخص واحد ، فقلت لصديقي الكريم ألم تكن تتمني رؤية عمرو خالد لتشكره ، هاهوذا أمامك !!!!! هل تعلم كيف تحسن عبادة الله فيطلبك في بيته الحرام ليراك في بيته ؟ هل أعددت العدة للقاء العزيز الجبار ؟ يا ريت اللي مسافر السنة دي يلحقنا ، و اللي حيرجع بالسلامة ميحرمناش من نسمات الرحمة حاسس ان الموضوع كان أفضل إنه يكون بدري شوية و لكن ما لا يدرك كله لا يترك جله ، عسي الله أن يجمعنا علي حوض المصطفي صلي الله عليه و سلم |
رد: حجاج مصر موتورز
جزاك الله خيرا يا حج اسلام باشا :)
واحشني يا رااااااجل |
رد: حجاج مصر موتورز
جزاك الله كل خير يا استاذ اسلام وربنا يوعدنا بزيارة بيته قولو امين
|
رد: حجاج مصر موتورز
اقتباس:
أسبوع العيد طويل و بيتهيألي حاشوفك و لا إيه اقتباس:
اللهم آمين |
رد: حجاج مصر موتورز
اللهم تابع لنا بين الحج والعمرة واعد علينا مواسم الطاعات اعوام عديدة
|
رد: حجاج مصر موتورز
والله يااخى ربنا كرمك بجد
واحد اصدقائى فى قسم الزيتون قال لى ها ت قرشين واحنا نخلى القرعة تيجى عليكى مهما اتعادت مليون مرة وكدت ان اوافق لولا ان احد علماؤنا افتى بأن الحج بهذه الطريقة غير مقبول لانه مبنى على رشوة ومن يومها مش عارف احج ربنا يكتبهولى يارب |
رد: حجاج مصر موتورز
اسلام جلال
و ابو يمني الموضوع دا من سنه 2008 ولا ايه:) عاش من شافكم يا رجاله |
| الساعة الآن 09:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017