السيارة a113 بعد صاينة الالف الاولى
 

تم عمل الصيانة بتوكيل العباسية اللى فى شارع الطرابيشى العربية كان فيها مشكلتان
المشكلة الاولى ودى الاهم وهيا السحب العربية بطيئه جدآ وفى المطالع تعباته قوى لما رحت توكيل ابورواش وسالت عن المشكلة ده اصلى كنت حاجز هناك وبعدين مالقتش اسمى قلت استفاد بالمشوار واسال المهندس عن مشكلة السحب قالى الموتور لسة جامد وحاول تجرى بيها فى طريق مفتوح علشان يفتح ويريح معاك رحت بيها صحراوى الاسكندرية وحاولت اجرى بيها السيارة كانت بتجيب 90 بالعافية مع الضغط الجامد على دواسة البنزين تعبت جدآ ومكملتش 40كيلو ورجعت تانى وقلت لما اعمل صيانة الالف ابقى اقولهم على العيب ده
المهم بعد ما رحت الصيانة قلولى انمسح حاجة فى المتور مش عارف اسمها أيه وبعدين السحب هايبقى كويس علشان انا مش فاهم سكت انا عارف ان مشكلة السحب بتبقى فى البوجيهات بس فى الموتير الجديدة مش عارف
المشكلة الثانية كانت السنتر بتاع الباب الامامى الايمن بيعلق احيانآ ومش بيفتح الا لازم تشدوا على فوق المشكلة دى كانت مش همانى قوى علشان كده كده كان بيفتح سواء تشدوا او يفتح لوحتوا قاللوا انشوف ليك المشكلة دى سيب العربية وتعالى خدها الساعة 3
لما رجعت كان اهم حاحة عندى اسال عن مشكلة السحب واللى حصل فيها قولولى كله تمام والعربية جاهزة والسحب حيبقى 10 %10 اخذت العربية ودفعت حق الصيانة و قلت اجربها حسيت ان السحب اصبح اسوأ من الاول رحت الصحراوى وحاولت اجرى بيها السيارة تعبانة جدآ وتعبتنى لدرجة انى رجعت بسرعة من كثر التعب لازم ادوس على دواسة البنزين جدآ علشان تمشى مش علشان تجرى العربية على الثالث بتعلق على الخمسين ما بتعديهاش الا بالعافية وعلى الرابع مش بتعدى الثمانين يعنى جابت الميه بطلوع الروح ولو كان فى مطلع انسى السرعة بتنزل لستين ده والواحد كان دايس على البنزين جامد
والمفاجأة التانية السنتركان بيعلق برضوا يعنى هما ماعملوش حاجة فى العربية خالص يعنى منتهى الاستهتار بالناس انا دلوقتى عاوز اسال اللى عنده خبرة فى السيارات دى موضوع السحب ده اينحل ولا العربية حتفضل كده ممكن اصبر عليها شوية لحد ما تتلين اكثر لما اجيب بيها 2000 كيلو بس لو استمتر موضوع السحب ده اروح لجهاز حماية المستهلك

رد: السيارة a113 بعد صاينة الالف الاولى
 

ياجميل منا عمال اتكلم فى الموضوع دة شوف لو انت عاديت ال1000ك شبع الغيار او يعنى احرق على النقلة خصوصا الثانى والثالث انا كانت عر بيتى كدة دلوقت بجيب با الثالث 100و110 والرابع 120 بس المشكلة ان لسة لحد دلوقت حتى على الطرق السريعة مش عارف اعدى ال130 بس الاخوة هنا نصحونى بالصبر والمحولة اكثر من مرة فى الحرق على الغيار
لحد ما المتور يفتح شوف المشاركة دى
http://www.masrmotors.com/vb/showthread.php?t=38501

رد: السيارة a113 بعد صاينة الالف الاولى
 

غيار صعب قوى انا فعلآ قرات بالكتاب بتاع الصيانة ان اخر غيار الثانى 80 والثالث 110 بس انا صعب اعمل كده والعربية جديدة ممكن الموتور يحصلوا حاجة وكمان لما قلت للتوكيل اللى فى العباسية عن الغيار ده قلولى لا غلط امشى عادى يعنى متعديش بعداد اربى ام عن الاربعة مش عارف اصدق مين

رد: السيارة a113 بعد صاينة الالف الاولى
 

الثانى 80 لا طبعا ياباشا الكلام واضح وايوة متعديش الار بى ام 4 بس الثالث عدى ل5
وطبعا بعد ال1000ك وشوية شوية انت متلخبط لية بس ؟

رد: السيارة a113 بعد صاينة الالف الاولى
 

رد: السيارة a113 بعد صاينة الالف الاولى
 

يا جماعه

احنا بنضحك علي بعض ،،،و لا بنواسي بعض و لا ايه بالضبط ؟ دي تبقي عربيات فاشلة واي كلام و مواتير تعبانة جدا و حرام فيها الفلوس .

حرق ايه و تفتيح ايه ، ده الـ 128 و لا اللادا ماكنتش كده !!!!!

أنا ركبت عربيات كثيررررررررر و عمري ما حصل معايا كده و خصوصا في عربية جديدة !!! يا نهار ابيض بتجيب 90 بالعافيه و كمان يتخسع مع المطالع ؟؟؟؟ امال لو كان فيها كامل الحمولة ركاب و شنط كانت هتعمل ايه ( ينزلوا يزوقو يعني ؟؟ ) أنا عربيتي الحالية لوجان و انا شاريها علي الزيرو و عندما استلمتها قالو لي ان الموتور متلين فعلا من المصنع و بالفعل بعد شراؤها باسبوع سافرت الاسكندرية و كانت محملة 5 افراد + شنط و كنت ماشي 180 كم ،، والله دي الحقيقة ،
و كمان كان معايا لانوس 2001 قبلها و برضه التوكيل قال ان الموتور متلين في المصنع و كنت بشغل التكييف من اول يوم و كان السحب مفيش بعد كده و العربية من اقل غمزة بنزين بتستجيب بشكل عادي جدا و بنفس الاداء حتي بعد العشرة الاف الاولي او حتي الخمسين الف

أكيد انتو عندكوا حاجة غلط و حاجة كبيرة كمان لأن ده مش طبيعي بالمرة

أنا فاكر الاحساس ده و التليين و خلافه لما كنت بعمل عمرة عند الميكانيكي و ده طبعا مختلف تماما عن الموتور لما بيكون بتقفيل الفبريكة ده حاجة و ده حاجة ثانية خالص ،، ده شغل بالكمبيوتر و خلوصات محسوبة بالمللي و خامات 100% و العمرة بتاعت الاسطي الميكانيكي و البيه الخراط بتبقي حاجه كده بالبركة علشان كده بيبقي لازم تليين و العربية تسخن شويه و تتعدل شويه و حاجات كده من هذا القبيل

و علي فكرة انا كنت محتاج عربية ثانية في البيت و حيث انني من المعجبين بالاسبرانزا فكنت بفكر جديا اشتري العربية الثانية إما ايه 113 او تيجو ، يعني لسه ما استقرتش بالضبط و الميزانية عندي لسه ما وضحتش ،،، انما بعد المشاركة دي انا سطرت علي الصيني كلههههههههههههههههههههه

متسيبوش حقكم و حاولوا ان تاخذوا تقرير من التوكيل مكتوب يفيد بان الشكوي هي ........ و الكشف الفني بيقول ان ده طبيعي و عادي

علشان لاقدر الله يبقي ورقة و مستند معكم عند اللزوم اذا ما تعرضتم لمشاكل في الموتور بعد فترة

رد: السيارة a113 بعد صاينة الالف الاولى