عجيب أمركم يامصريين
 

بسم الله الرحمن الرحيم

السلام عليكم ورحمة الله وبركاته
--

موضوعى اليوم بعنوان : عجيب أمركم يامصريين

مش عاجبكم لاردار ع السريع ولا الطرق الداخلية واللى عاجبهم معترضين على السرعة

طيب خلونا نتكلم بعقل

من شوية قرأت موضوع فى قسم الاكسنت واحد عازو يجرب يقفل العداد وبيسأل على طريق مفيشش فيه ردارات

بذمتكم تقفيل العداد دا مش سورى يعنى فى اللفظ استهبال ؟؟

ياجماعة حسوا بخطورة اللى بتعملوه

لاقدر الله أى حاجة كدا ولا كدا انت ضعت

السواقة ملهاش كبير انت لو بتسوق بقالك 100 سنة معرض لكل شئ وربنا ينجينا جميعاً

ياسيدى بلاش انت راجل ملكش حل ومستحيل تخطى فى السواقة مع ان الكلام دا فعلاً هو الى مستحيل

بس لقدر الله وانت على سرعة عالية كدا الكوتش بتاعك جراله حاجة ولافرقع هيبقى ايه النظام ؟؟

خطأ من الغير هيبقى ايه النظام ؟؟ ياشباب فكروا فى نفسكم حرام عليكم والله

انا يوم ماشديت اوى على السريع جبت 120 وبقيت مضايق بعدها انى عملت كدا

انا ممكن آه ادى حتة أمريكانى ولابتاع جوا البلد كدا وخلاص على كدا دا آخرى مع انه غلط بردو

حاول تقول لنفسك وانت ماشى بالعربية ان فى ناس ماشية وراك بتراقبك وانت عاوز الناس دى تقول عليك حكيم فى السواقة ومعلم وبرنس والحجات دى كلها

مش عارف اقنعكم ازاى ان السرعة غلط والله بجد مش عارف

وفى نفس الوقت مش عاوز انزل صور لحوادث سرعة ربنا يكفينا ويكفيكم جميعاً الشر

نيجى للردار

انا بحيى وزير الداخلية على زيادة الرادارات وبحيى سيادة الرئيس اللى طالب بالتشديد على السرعة على الطريق السريع وكل الحجات دى بحييها وبرفع لها القبعة كمان POLICEE

ولو بتخاف فعلاً على الاعضاء فى المنتدى زى مانا خايف عليكم كدا وعلى نفسى طبعاً انا يعنى مش فتك ماساعات بردو رجلى بتسرح وبشد شويتين وربنا يسترها بس ياجماعة محدش يقول على اماكن الردارات

لإن الواحد مننا لما يتلسع منه 150 جنيه هيحترم نفسه فى المشى بعد كدا ومش بعيد يمشى السرعة المقررة بالظبط

عن نفسى لو لقيت كلامى داخل دماغكم هقدم طلب لإدارة الموقع بحذف الموضوع اللى فيه بيقولوا على اماكن الردارات ومحدش يزعل منى لإنى عاوز مصلحتكم ليس إلا

وبالتوفيق جميعاً

رد: عجيب أمركم يامصريين
 

والله عندك حق وكلامك انا فعلن اقتنعت بيه مع انى فى اوقات بجن وبشد بل العربيه لكن والله برجع تانى اندم و احاسب نفسى وقول انا استفدت ايه يعنى خمس دقائق يعنى مش مهم وايه ياعنى ممكن انزل بدرى شويه واوصل فى نفس الميعاد و لكن فى الاخر والله ربنا هو الى بيسترها معانه
وشكرا ليك

رد: عجيب أمركم يامصريين
 

ROSE4Uاحييك واوايد رايك بشده فى يفطه دائما بفتكرها كل لما احب اجرى سواء على الطريق السريع اوداخل المدينه وهى لاتسرع اسرتك فى انتظارك تخيل اسرتك بدونك كيف يكون شعورك(what)

رد: عجيب أمركم يامصريين
 

لك كل الحق كلامك مظبوط ميه في الميه، فغالبية الحوادث بسبب السرعة الكبيرة ورأينا اخيرا حادث الطريق الدائري 12 قتيل وعشرات الجرحي الأبرياء بسبب جنون السرعة

رد: عجيب أمركم يامصريين
 

فى التأنى السلامة والعجلة الندامة مثل صحيح جدا جدا
اتفق معك فى الرأى ولكنه الشيطان الرجيم اللعين من يزين الجرى امام من يقود

رد: عجيب أمركم يامصريين
 

انا معاك بس فى اوقات السرعة مطلوبة لو فية مشوار مهم وتم التاخير لسبب ما او لاى ظروف

رد: عجيب أمركم يامصريين
 

السلام عليكم
انا عايز افكر الناس ليه السجائر حرام
عشان الآية ولا تلقو بأيديكم الي التهلكة
الموضوع واضح يا جماعه اللي بيتخطي السرعه المحدده مش بيلقي بنفسه بس لا ده بيلقي بآخرين الي التهلكة
الشيخ ابن عثيمين قال ان تخطي السرعه المقرره واشارات المرور مخالفة لولي الامر لان اللي حط السرعات علي الطريق دي دراسه مش محطوطة عشوائي ومحددة قبل المناطق السكنية وقبل المدارس كل ده للصالح العام ولحفظ الارواح
حفظ الارواح يا اخوانا حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح - حفظ الارواح

وكنت قريت ان اللي بيتخطي السرعات المقررة يعتبر منتحر زيها زي السجاير لانه اقدم علي عمل غالبة يؤدي للوفاة والله اعلم
ولان السرعة المقررة ولتكن 80 في الطريق الزراعي هي دي السرعه اللي ممكن تلم عربيتك فيها لو لا قدر الله حصل طارئ وممكن تفادي شخص او سيارة وتنقذ ارواحك وارواهم
-----------------------------------
انا يا جماعه من هنا بنادي بحملة امشي علي السرعة المقررة واحفظ ارواح من حولك
ويا جماعه المنتدي ده خاص بالسيارات كل اللي عليه ناس غاوية قوي فياريت ننصح نفسنا بحفظ الارواح وننصح اصحابنا واللي حولينا