عربيتى مكتومة و السحب ضعيف
 

السلام عليكم
انا معايا عربية سيينا موديل 2001
من فترة كدة الكاوتشة بتاعت فلتر الهوا كانت اتقطعت وبالتالى وحدة الانجشكن كان بيخشلها تراب وبيكتم العربية لما غغيرت الكاوتشة وظبطها
بعديها بكام يوم كدة
حسيت ان العربية ضعيفة اوى فى السحب
يعنى بزودلها بنزين بس بحس ان زى ميكون فى حد بيشد العربية من ورا
وكل مزود كل ماتتكتم اكتر وبتبتدى تفك اول لما ابتدى اخف رجلى من عالبنزين شوية بشوية لحد مامشى بيها شوية بسرعة وتفك عالطريق
قلت جايز الكاوتشة مش متركبة كويس
رحت بصيت عليها وغيرت الكوليهات بتاعتها لاقيتها مظبوطة جدا مفيهاش مشكلة
فى ناس قالتلى فلتر البنزين هو السبب وممكن يكون باظ بسبب التنويع فى البنزين من 90 ل 92 مثلا
وفى ناس قالتلى ممكن تكون علبة الشكمان مكتومة
فياريت حد يقولى السبب ممكن يكون ايه فى المشكلة دى
ولكم جزيل الشكر

رد: عربيتى مكتومة و السحب ضعيف
 

بص يااستاذ كريم ممكن كذا حاجة اولا فلتر البنزين مش نظيف وعاوز يتغير او الكهرباء فيها مشكلة او الرشاشات محتاجة تنظيف

دى كل الاحتمالات الممكنة اللى افتكرتها دلواتى بش جرب النقطة الاولى والاخيرة الاول وربنا يجعل اللى فيه الخير

رد: عربيتى مكتومة و السحب ضعيف
 

انا فعلا كنت ناوى اغير فلتر البنزين
بس هل موضوع تنظيف الرشاشات ده عايزله موال ولا حاجة فى الانجاز يعنى
مع العلم انى زى ماقلت ان انا انجيكشن
وشكرا لردك يا برنس

رد: عربيتى مكتومة و السحب ضعيف
 

وهل عملية ظبط الكهربا مقصود بيها ظبط الكهربا بتاعت الانجيكشن وظبط العربية كلها على جهاز الكومبيوتر ولا مقصود بيها حاجة تانى

رد: عربيتى مكتومة و السحب ضعيف
 

اعمل سرفيس كامل للعربية وريح دماغك (بوجيهات وفلاتر) وحتلاقى الميكانيكى لوحده بينظف بالبخاخ فتحة المنافول والبوابات قبل ميغير البوجيهات القديمة ودى كفيله تنظف كل الاوساخ اللى دخلت على الموتور وان شاء الله هتلاقى كل حاجة رجعت زى ما كانت .

رد: عربيتى مكتومة و السحب ضعيف
 

انا بالفعل كل ماجى اظبط العربية عالجهاز الميكانيكى بينضف بالاسبراى او البخاخ ده وحدة الانجيكشن بس للاسف مش ده سبب المشكلة يعنى لما بعمل كدة العربية كهربتها بتتظبط وعملية تاكل البنزين بتختفى لكن بتفضل المشكلة بتاعت السحب زى ماهى

رد: عربيتى مكتومة و السحب ضعيف
 

أنت مغيرتش فلتر البنزين والهواء والبوجيهات من أد أيه ............؟