((( هاستلم رينو سكالا ... بكرة ان شاء الله ))) .... سؤال
 

هاستلم رينو سكالا ... بكرة ان شاء الله
سؤالي هو ايه اللى ابحث عليه في العربية يكون سليم و أخد بالي منه مع العلم ان العربية سكالا اوتوماتيك و انا طول عمرى مانيوال ... باشوف الاوتوماتيك بس في الافلام

قولولي يا اهل الخير بسرعة عشان محدش يضحك عليه >>> اصحابي هايشمتوا فيا أأأووووي لو أخدت مقلب ...POLICEE

رد: ((( هاستلم رينو سكالا ... بكرة ان شاء الله ))) .... سؤال
 

أسهل حاجة أنك تاخد معاك واحد يعرف فى العربيات كتير و يكون ليه خبرة و تكون واثق فيه ،،،

مبروك مقدما و ربنا يباركلك فيها ...... تقبل تحياتى

رد: ((( هاستلم رينو سكالا ... بكرة ان شاء الله ))) .... سؤال
 

الف مبروك يا باشا ربنا يهبك خيرها ويكفيك شرها ومتنساناش بقى فى تقرير عن العربيه اول ما تستلمها
ونصحيتى ليك خد معاك حد يسوقها وبعدين ابقى انزل بيها على الفجرية كده فى الروقان وامشى بيها لحد ما تاخد على الاوتوماتيك فيه ناس بتنصح بانك تتنى رجلك الشمال تحتيك خالص بس معرفش ليه مبعرفش اعمل كده وكل مرة اركب اتوماتيك لازم اتلخبط برضو واتهبد هبدتين من دواسة الفرامل برضو

رد: ((( هاستلم رينو سكالا ... بكرة ان شاء الله ))) .... سؤال
 

الف مبروك ربنا يديك خيرها ويكفيك شرها
لازم تاخد معاك حد بيفهم فى العربيات يكون امين وتفحص العربية كانك بتشترى عربية مستعملة
وتراجع بنفسك على كل حاجة الانوار الكاسيت تشوف العربية محكوكة ولا لا احيانا بتتحك فى الاجنس تشوف العدة والاستبن من الاخر تفليها متكسفش وتقول زيرو وتخدها وتمشى يكون الى معاك بيسوق اتومتيك لحد ما تتعود عليها
ومتنسناش بتقربر والصور ولو ممكن لفةههههههههههه

رد: ((( هاستلم رينو سكالا ... بكرة ان شاء الله ))) .... سؤال
 

ربنا يديك خيرها ويكفيك شرها
راجع على كل حاجة فى العربية انوار وكاسيت واستيبن ومفتاح عجل وكوريك وحاول تنسى انك عندك رجل شمال وانت بتسوق نهائى

رد: ((( هاستلم رينو سكالا ... بكرة ان شاء الله ))) .... سؤال
 

الف مبروك
حفظك الله و حفظ لك طريقك وسيارتك

رد: ((( هاستلم رينو سكالا ... بكرة ان شاء الله ))) .... سؤال
 

أنا حقيقي محتارة فى قرار شراء رينو سيمبول شكلها يجنن بس هل قطع الغيار أغلى من كيا رينو والشيفورلية أفيو؟وأخبار مفتاح العربية العادى هل صحيح بيقفل باب السائق فقط؟ وسمعة التوكيل سمعت انه توكيل موش قوى؟وانه غير قادر على التعامل مع مشاكل السيارة لأن العمالة ليست على المستوى المطلوب للتعامل مع التكنولوجيا الحديثة للسيارة ! أحتاج رد سريع جدا جدا