عربيتي كيا سيفيا استهلاك البنزين عالي
 

سلام عليكم
انا عربيتي كيا سيفيا 2001 بتاكل بنزين في ناس كتير بتقولي ان العربية دي عموما بتعمل في الصفيحة من 200 الي 220 كم داخل البلد وانا عربيتي بتعمل 150 الي 160 كم بدون تكييف طبعا. ومش عارف اعمل اية طبعا انا لسه شاري العربية من شهر وعمل تغيير للزيوت وفلاتر وسيور وعدد 2 بلية شداد للكاتينة.
في فكرة ممكن اعملها لموضوع الاستهلاك ممكن اجرب اعمل تنظيف للبوابة باسبراي الخاص بالبوابة وكنت قرات في منتدي علي طريقة تنظيف الايدل كونترولر وممكن اعرف مكانه فين .
في حاجة تانية بالمرة بنسبة لصوت الماتور خشن لما اجي اشبع الغيار للاخر وخصوصا في الغيار التاني والتالت انا مع اخويا كيا سيفيا موديل 2000 ناعمه جدا وماكنتش متخيل الفرق الجبار ده نوعومه في دواسة البنزين ونوعومه في صوت الماتور حتي بعد ما اشبع الغيار لاخره.
وارجو الافادة من حضراتكم واكون شاكر جدا

رد: عربيتي كيا سيفيا استهلاك البنزين عالي
 

السلام عليكم
بالنسبه للبنزين افحص الاتي :
1-فلتر الهواء لو سئ يصرف بنزين
2-راجع وصلات البنزين كلها وخاصه الوصله المرنه الي داخله على مصطره الرشاشات
3-لو لمبه Check Engine بتنور لما تفتح كونتكت وبتفضل منوره حط السياره على جهاز Scanner (تكلفته من 20 الى 50 جنيهللمره على حسب المحل الي بتروح ليه) غالبا هتلاقي حساس الشكمان (الاكسجين)هو السبب في الموضوع ده ولو كده وغيرته هتفرق معاك جدا في سحب العربيه
بالنسبه للفتيس والنقلات:
تقصد ايه بانك بتجيب اخر الغيار؟؟ يعني كام RPM هو عموما فتيس سيفيا منوال نادر جدا لما يتلفز
انا رايي الشخصي ان معندكش مشكله .هي بس العربيه فيها حساس شكمان وفلتر بنزين وهوا عايزين يتغيرو وخانقين العربيه والعربيه مش بتسحب فانت بتدوس عليها اكتر من الازم عشان تسحب اكتر وتجمع اسرع .خلي بالك كده ممكن متورك يفوت..اعملها اللازم وهتكون كويسه معاك انشاء الله

رد: عربيتي كيا سيفيا استهلاك البنزين عالي
 

الف شكر علي سرعة رد حضرتك هو انا علي فكرة غيرت فلتر الهواء ولسه جايبه جديد وفلتر بنزين وكمان لمبة التشك الصفراء مش بتور معايا الا ساعة التدوية فقط وبعدين بتنطفي ولكن مش مستمرة خالص معايا انا هاراجع علي الوصلة المرنه اللي متوصله مع مسطرة الرشاشات واشوف .
ولكن في حاجة غريبة ممكن استفسر عليها ساعة لما اجي ادور العربية الصبح واسخن العربية الاقي صوت تكيهات او البولوف عالي واحس بصوت تكتكه او كركرة عالية لمدة عشرة ثواني بعدين تقل لحد ما تختفي فهل هذا طبيعي
واشكر حضرتك

رد: عربيتي كيا سيفيا استهلاك البنزين عالي
 

لا مش طبيعى كده معناه (ده لو فعلا جى من التاكيهات) ان الزيت بياخد وقت للوصول للمنطقة العليا يبقى لازم يتم الكشف على سلامة دورة الزيت

رد: عربيتي كيا سيفيا استهلاك البنزين عالي
 

السلام عليكم
كلامك صحيح يا احمد ده تكيهات فعلا.والزيت بيتاخر فعلا لما يوصلها انا عربيتي لما بتعمل كده بعرف انها محتاجه غيار زيت.غير الزيت والفلتر وهي هتزبط انشاء الله
بالنسبه للبنزين. راجع برضه على البوجيهات لو مش كويسه تصرف بنزين معاك وتاخر ف الدواره الصبح

رد: عربيتي كيا سيفيا استهلاك البنزين عالي
 

مازال استهلاك البنزين في عربيتي عالي جدا ولا يوجد حلول اخري
جربت استهلاك العربية علي الطريق الصحراوي كان استهلاكها 252 كم في الصفيحة بدون تشغيل تكييف او سرعة ازيد من مائة كيلو.
طب ممكن اغير الرشاشات واجيبهم استعمال الخارج ولو ينفع اغيرهم بنوع عربيه تانية .
ملحوظة هذا الاستهلاك بعد تغيير زيت الماتور وفلتر البنزين وزيت الفتيس .
ومازال في صوت تكتكه غريب في ماتور العربية ساعة لما اسخن العربية صباحا وبيفضل لمدة دقيقتين .
ارجو الافادة من اهل الخبرة.

رد: عربيتي كيا سيفيا استهلاك البنزين عالي
 

السلام عليكم
250 كيلو في الصفيحه رقم طبيعي و مثالي جدا العربيه 1500 يا باشا