|
تجربتى مع السبع بخصوص (الهزة) أو (الرعشة) والله حاجة تكسف!
طبعا انتو عارفين حكايتى علشان كدة مش هاطول
النهاردة رحت السبع زهراء المعادى الصراحة منظمين جدا و بشوشين جدا ويحسسوك انهم مهتمين بيك و ايضا محترمين جدا و احسن حاجة عندهم انك ممكن تتفرج من الشرفة الزجاج على عربيتك وايضا اصروا انى اشرب قهوة ( مجانا) ... مهمة قوى دى! هما خدوا العربية و حطوها على السكانر .. و طبعا زى ما توقعت قالولى مفيهاش حاجة طبعا ماقتنعتش بالكلام و قلتلهم انا بقالى بسوق عربيات من اتناشر سنة والهزة دى مش طبيعية فدخلونى لمدير الورشة كشف عليها تانى ملقاش حاجة قلتله اكشفلى على الايدل كونترولر قالى لأ لأن لو فيه حاجة كان بانت على السكانر قلتلهم ادونى ورقة بان بالكشف على السيارة لا يوجد شىء مرضيوش وودعنى المهندس بابتسامة عريضة و سلم على بحرارة قولولى بقى اعمل ايه؟؟ اروح مركز تانى؟؟؟ انا اتخنقت جدا هل ممكن العيب يكون الايدل و ميبانش على السكانر؟ هل ممكن يكون كونترول المحرك هو المشكلة؟ نسيت اقوللكو انى رحت للميكانيكى بتاعى المحترم و غيرت البوجيهات و انا مروح فى السكة بس ولا كأنك عملت حاجة تماما العيب هو هو وقاللى انه شاكك ان فى رشاش بيبخ بنزين زيادة؟؟؟ ايه رايكو فى الكلام دة؟؟؟؟؟ هل لو رحت حماية المستهلك هايقتنعوا بكلامى ولا هايقولولى مافيهاش حاجة برضه؟ اه ..بالنسبة لترشيح الزيت المهندس حلفلى انه طبيعى و انه مش زيت و كل العربيات الجديدة لو بصيت عليها هاتلاقيها كدة ماشى يا سيدى طيب و الرعشة؟ انا تعبت وزهقت |
رد: تجربتى مع السبع بخصوص (الهزة) أو (الرعشة) والله حاجة تكسف!
انا عارفانى صدعتكو
بس غصب عنى عوز نصايحكو |
رد: تجربتى مع السبع بخصوص (الهزة) أو (الرعشة) والله حاجة تكسف!
معلش ربنا يهديك لمن يصلحها لك ولكن العربية نوعها ايه
|
رد: تجربتى مع السبع بخصوص (الهزة) أو (الرعشة) والله حاجة تكسف!
اقتباس:
|
رد: تجربتى مع السبع بخصوص (الهزة) أو (الرعشة) والله حاجة تكسف!
روح لجهاز حمايه المستهلك او الشركه الام مش لازم تسكت
انا خايف فعلا تكون العربيه مافيهاش حاجه و دي هواجس منك حاول تركب عربيه تانيه من نفس الموديل و قارن |
رد: تجربتى مع السبع بخصوص (الهزة) أو (الرعشة) والله حاجة تكسف!
ترشيح زيت فين بالظبط يااستاذ خالد؟
|
رد: تجربتى مع السبع بخصوص (الهزة) أو (الرعشة) والله حاجة تكسف!
على فكرة الرعشة دى ممكن تبقى بسبب حاجات السكانر ميقدرش يشوفها على سبيل المثال :
1- اى تنفيث هواء من جسم و جوانات الثروتل بودى 2- تنفيث هواء من احد خراطيم الفييكم المتصلة بالثروتل بودى 3- عدم احكام غلق صمام ال egr 4- ضعف احد سلوك البوجيهات 5- اى عوائق ( اوساخ ) فى مجرى صمام ال IAC (انا عارف ان العربية جديدة) و بالنسبة لصمام ال IAC فوظيفته مستمرة حتى و السيارة متحركة لان لما بتشيل رجلك من على البنزين حتى لو ماشى على 180 كم /س الحاجة الوحيدة الى حتنظم دخول الهواء هو ال IAC و فى العربيات المانيوال لحظة الانتقال بين الغيارات (الفتيس) طبعا السائق بيرفع رجله من على دواسة البنزين علشان ينقل فال ال IAC هو الى بيحلفظ على دخول الهواء فى اللحظة دى |
| الساعة الآن 02:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017