استفسار عن أنواع ال127
 

عندى استفسار عن أنواع ال127
اسمع كتير توب و فيورا و سوبر
المانى و ايطالى و مصرى
2 باب و 4 باب
بصراحة
مش مجمعهم قوى
ياريت حد يفيدنى أعرفهم
ومقارنة سريعة لو ينفع<!-- google_ad_section_end -->

رد: استفسار عن أنواع ال127
 

صدقنى كنت فى بالى اعمل نفس التوبيك بالظبط علشان عايز اجيب 127 ومش فاهم الانواع دى بس اللى عرفته عن طريق البحث ان التوب والسوبر بابين وصغيرين جدا الفيورا والنصر الحقيقه شبه بعض مش عارف والباقى مش عارف

رد: استفسار عن أنواع ال127
 

انا كمان و الله نفسي استفسر عن العربية دي لانى بافكر اجيب واحدة و الفلوس علي الاد و تقريبا كدة دي اللى علي اد الامكانيات المتاحة دلوقتي
اللى اعرفه ان التوب بتبقي 2 باب و بتبقي تقريبا 1050 سي سي
علي خلاف الفيورا او اللى انا باسميها فيات 4 باب علشان استسهل بتبقي 900 سي سي بس
الاتنين قريبين في الشكل الى حد ما
التوب بتبقي شكلها اشيك لشاب لو عاوز يلعب فيها و يعدل و الكلام ده
شوفت عربية توب في حدايق القبة في شارع احمد بسيوني متفرع من مصر و السودان لونها اخضر لموني صاحبها قالبها جولف
العربية شكلها وهم و مالهاش حل و تشد اى حد يبصلها
بس عيبها انها بتبقي لشخص واحد و معاه واحد صاحبه
لكن ما تنفعش لواحد معاه والده ووالدته و نازلين مشوار او رايحين سفرية مثلا
فعلشان كدة انا بافكر في ال 4 باب
و كنت لسة هاكتب موضوع علشان حد يساعدني في الاختيار و خصوصا انى كل ما اقول لحد ان العربية ال 127 عاجباني شكلها الهاتش باك يقولي ياعم ال 128 احسن و اوسع و بتستحمل و كلام من نوعية التقطيم ده
و بصراحة انا عاوز حد يجيبلي كل المعلومات عن العربية علشان انا مستريحلها بنسبة 85 % وعاوز حد يكملوهملي 100
يا ريت الموضوع اللى الاخ د. هيثم عامله و بيسأل فيه عن الانواع يبقي مكان كل واحد يقدر يدلي بدلوه زي ما بيقولوا بالعربية الفصحي و انه يساعد الغلابة في الفهم الصحيح لليلة دي كلها
تحياتي للجميع

رد: استفسار عن أنواع ال127
 

شكرا للسادة الأفاضل اللى ردوا
ونتمنى حد من خبراء ال127 يفيدنا بالمعلومات الأكيدة فى السؤال بتاعنا

رد: استفسار عن أنواع ال127
 

توب

http://maranellohouse.com/myPictures...02%20years.jpg

نصر 127

http://upload.wikimedia.org/wikipedi..._seat_fura.jpg

فيورا او سوبر فيورا

http://upload.wikimedia.org/wikipedi..._(127_evo).jpg

التوب انا مليش فيه

لكن النصر و الفيورا هفيدك فيهم و موتورهم 900 سى سى

النصر 127 هى الوحيدة اللى نزلت 2 باب لمدة سنة واحدة تقريبا 81 او 82

و النصر ال 4 باب فضلت تنزل لحد 1984

الفيورا نزلت من 84 ل 86 و فرقها عن النصر فى الشبكة الامامية و عداد rpm و درج تابلوه

السوبر فيورا نزلت 87 بس و اتوقف تصنعها بعد كده و هى زيادة عن الفيورا فى مساحة زجاج خلفية و عداد رحلات و حساب كمية البنزين المستهلكة ( و غالبا مش هتلاقيه شغال عند حد )

لو ناوى على الشراء الحالة هى الفيصل و سيبك من الموديل و الكلام ده

رد: استفسار عن أنواع ال127
 

طيب يا باشمهندس محمد دلوقتي ال 900 سي سي دول كويسين
يعني باسمع دايما كلام من نوعية السحب و الجر و العزم
وحاجات زي كدة
ال 900 دول يعني كدة ولاد ناس ولا ايه
يعني بصورة ابسط هل ال 127 عربية ممكن توفي باحتياجات صاحبها بالرغم من صغرها علي عكس السيات مثلا واللى هي اسمها عربية و صغيرة لكن كتير من الناس بيرفضوها و بيقولوا اعطالها كتير و الموتور من ورا و زي قلتها و كلام كتير في سيرتها بالسوء
فهل ال 127 محترمة وبنت ناس يعني
وبالقطع شكرا ليك علي مداخلتك و ردك الرائع

رد: استفسار عن أنواع ال127
 

الأخوة الأفاضل
السلام عليكم
طبعا انا مليش خبرة مباشرة بالسيارة ال 127 بكل الأنواع المطروحة هنا , لكن خليني أوضح بعض الإستفسارات من الجانب العلمي العام
السعة اللترية لمحرك السيارة 900 سي سي , يعتبر قليل لحد كبير ولنفهم معا ما المقصود بالسعة اللترية , سنضرب المثال الآتي :
سعة المحرك مثل معدة الإنسان , كلما كبرت معدة الإنسان زادت كمية الطعام التي تستطيع ان تحتويها و بالتالي زادت الطاقة الناتجة عن هضم هذا الطعام , وبالتالي يعول على هذا الإنسان ان يكون أكثر تحملا ممن أقل منه في حجم المعدة , وكذلك السيارة كلما زادت سعتها اللترية كانت قوة عزم المحرك أكبروبالتالي يتحمل القيادة بسرعات أعلى و لمسافات أكبر و أيضا من ناحية الحمولة , تجدها أكثر إستطاعة في ركوب الأشخاص فيها ولا يؤثر هذا على أداءها , وهذا يظهر جليا كلما كان تحميلها كبير وطالعة مطلع او كوبري أو خلافه , هذا غير إمكانية تحميل مكيف عليها و غيره من الأوبشن الجديد الذي به شئ من الرفاهية .
وخلاصة الكلام : لا تعول كثيرا على 127 ذات السعة اللترية المنخفضة في تحميلها او التسارع بها او المشي بها لمسافات سفر طويلة لأن هذا يؤذيها و يعجل بإجهادها .
أخوكم / مهندس مخترع قديم