مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   تويوتا TOYOTA (https://www.masrmotors.com/vb/forumdisplay.php?f=28)
-   -   تويوتا تقيم مصنعًا جديدًا في مصر للسيارات SUV (https://www.masrmotors.com/vb/showthread.php?t=37837)

حازم شاهين 26-10-2010 01:11 AM
تويوتا تقيم مصنعًا جديدًا في مصر للسيارات SUV
 
أعلنت مجموعة "تويوتا موتور" اليابانية، كبرى شركات تصنيع السيارات في العالم، اليوم الاثنين، أنها ستبني مصنعا جديدا في مصر لتجميع سيارتها "فورشنر" الرياضية متعددة الأغراض.

ويبدأ العمل في إنشاء المصنع الجديد في منتصف شهر ديسمبر المقبل، من خلال مشروع مشترك بين شركة "تويوتا تسوشو"، التابعة لمجموعة تويوتا موتورز، وشركة "تويوتا إيجيبت". وسينتج المصنع الجديد نحو 3 آلاف سيارة سنويا، بدءا من عام 2012، وفقا لبيان صادر عن الشركة.

وقالت تويوتا، إن الشركة ستستعين في تجميع السيارات بشركات محلية، مستخدمة أجزاء معظمها مصنع في تايلاند.

وأوضحت تويوتا، أنها بدأت تصديرها السيارات إلى مصر في عام 1979، وباعت نحو 15 ألف سيارة هناك في العام الماضي.

المصدر بوابة جريدة الشروق

http://www.sonirodban.com/images/for.../fortuner3.jpg

تعليق : أستغرب تفكير تويوتا فى اﻹتجاه لتجميع سيارة SUV 4 ×4 ذات محرك 3 ليتر فى مصر فهل هناك خطة لتصدير اﻹنتاج للأسواق القريبة حيث لا أعتقد أن السوق المصرى سيستوعب إنتاج هذا المصنع و خاصة إنى لا أعتقد أن السعر سيقل عن 400 ألف جنيه فى ظل المنافسة القوية من جيب

karem ali 26-10-2010 01:14 AM
رد: تويوتا تقيم مصنعًا جديدًا في مصر للسيارات SUV
 
شكرا على الخبر يا استاذ حازم

Ahmed Anwer 26-10-2010 01:41 AM
رد: تويوتا تقيم مصنعًا جديدًا في مصر للسيارات SUV
 
بالعكس خالص يا أ / حازم

أبسوليتلي !!!

ده هيا لو هتجمع في مصر

متجمعشي غير عربية 3000 سي سي ،، فور باي فور

عشان تفتح لنفسها شريحة جديدة مختلفة تماما

أنتا عايزها تجمع ياريس اللي لو استوردتها من أي بلد تانية تكون أرخص من تجميعها في مصر ؟؟

تويوتا فكرت صح

حازم شاهين 26-10-2010 02:15 AM
رد: تويوتا تقيم مصنعًا جديدًا في مصر للسيارات SUV
 
اقتباس:
المشاركة الأصلية كتبت بواسطة Ahmed Anwer (المشاركة 269200)
أبسوليتلي !!!
حاسس إنى طفلة الحشرة

هم فعلا لو نزلوا بسعر العربية فى حدود 300 أو 400 يبقى إنجاز ﻹن حاليا عندهم الراف 4 بنص مليون و البرادو بمليون و الكروز تبدأ من مليون و ربع ، لكن سؤالى هل السوق المصرى يستوعب 3000 سيارة فى السنة فى الشريحة دى ؟

أحمد فاروق سيد 26-10-2010 02:29 AM
رد: تويوتا تقيم مصنعًا جديدًا في مصر للسيارات SUV
 
خبر مُفرح جداً
وخطوة قوية من تويوتا
فى توقيت صح مليون فى الميه

fares515 26-10-2010 02:50 AM
رد: تويوتا تقيم مصنعًا جديدًا في مصر للسيارات SUV
 
بالعكس انا شايف انه تصرف سليم وال3000سياره اللى ناويين ينتجوها مش كلها هتبقى للتوزيع المحلى يعني ممكن نسبه الثلث فقط للسوق المصري والباقي للتصدير لخارج البلاد ولو الطلب زاد عليها هيزودو الانتاج خصوصا مع رخص الايد العامله في مصر
اضف الى ذلك ان السياره مش هتوصل ل400ألف..لانها هتتصنع في مصر ومش هيكون عليها جمارك وبالتالي هتتباع بسعرها بره اللى هو 30ألف دولار يعني حوالي 170ألف جنيه!!وده سعر منافس جدا جدا حتى لو الوكيل حب ينهب فيها ووصلها لسعر الشيروكي هتبقى منافس قوي لانها 7راكب واوسع بكتير وامكانياتهاهائله عن تجربه(والدي كان يملك موديل سابق منها بالخارج) ومعروف تفوق الياباني في الدفع الرباعي وللعلم هيا تعتبر الأخت الصغرى للأسطوره اللاندكروزر والبرداو
لمعلومات اكثر عن الفورشنر:
http://autos.yahoo.com/2011_toyota_4runner/

http://www.netcarshow.com/toyota/2010-4runner/

http://images.cars.com/supersized/DM...9/B5014651.jpg

hazem_khidr 26-10-2010 05:48 AM
رد: تويوتا تقيم مصنعًا جديدًا في مصر للسيارات SUV
 
السوق حيستوعب يا استاذ حازم و العربيه حيبقي لها سوق
علي الاقل شركات البترول و المصالح الحكوميه و هكذا
سعرها لن يتعدي في اي حال حاجز ال 250 الف لانها تجميع محلي
عقبال ما يجمعوا الكورولا:)
بس المشكله في حاجه
حكايه المكونات تايلاندي و مصري دي
اخاف تحصل الافانزا في فشلها الزريع


الساعة الآن 04:52 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017