خبطتين في العتب توجع
 

بسم الله الرحمن الرحيم


يا جماعه في البدايه مش عارز الف وادور كتير انا تقريبا بسوق من حوال 8 سنين وطبعا زي كل الشباب الرخصه لسا طالعه من سنتين بس

المهم حصل من اسبوع ان غلط غلطه دمرت التعتب بتاع العربيه وانا كنت الغلطان بكل النواحي وبعديها بيوم خيشت في انبوبه بوتجاز طبعا كانت السرعه قليله عملت شويه حك في الباب بس بس مش دي المشكله المشكله ان عمري ما خبط في حد ابدا ودي اول مره فحاسس من جوايا ان اني نسيت السواقه خالص وبالنسبه لخبطه العتب الاولي كنت طالع من تقاطع و داخل يمين وللاسف كان الرصيف بارتفاع حوال 50سم ودا لعده اسباب اولا انا بخش الدوران بسرعه لاتقل عن 40 ثانيا مرايتي الجميله اللي علي الباب اليمين انا ظابطها تجيب العربيات متجبش الرصيف (زي كل الناس)طبعا عالجت الموضوع وقلت المؤمن مصاب رحت مصلحا وتاني يوم حصل نفس الموقف بس المره دي خبط في انبوبه بوتجاز كانت محطوطه في بدايه تقاطع وبردو ونا داخل يمين فشوطها ومن ساعتها وانا متقدر جدا حاسس ان دا تنبيه اللي ممكن يحصل بعد كدا هي بتيجي في حاجه هايفه بس خايف تيجي في التقيل والاقي نفسي في الخشبه(what)

طبعا اللي طالبه حد يقلي ايه العمل عشان الرصيف خصوصا اني ظابط المرايات لفوق مش لتحت واني ابعادي العربيه مش مقدرها اوي عشان لسا مغيرها مفيش شهري

رد: خبطتين في العتب توجع
 

ولا يهمك وقدر الله وماشاء فعل
عايز اقولك بس انت مكبر الموضوع قوى العربيه انت بتقول من شهر اصبر وهاتحفظ ابعادها مع انها مفروض تكون اتحفظت بس ده عادى يعنى
ضبطك للمرايا اليمين تمام ومايتظبطش عن كده محدش بيظبطها لتحت ابدا

ماتقلقش ياباشا ده الواحد مر بنوادر اللى عندك ده خفيف والحمد لله

بالتوفيق

رد: خبطتين في العتب توجع
 

انتا مشكلتك لما بتيجي تاخد الملف بتاخده علي الضيق وده طبعا غلط لازم تاخد الملف علي الواسع زي النقل كدا علشان تدي لنفسك براح ان لو حد زنق عليك في الملف يبقي ليك مساحه تقدر تحمي بيها نفسك

ومتزعلش نفسك واللي يجي في الريش بقشيش

رد: خبطتين في العتب توجع
 

الف سلامة عليك وعلى العربية

نقطتين لازم تاخد بالك منهم وانت بتاخد الملفات على الاقل لغايه لما تتعود على ابعاد العربية زي ماقال استاذ علاء
1. انك تاخد الملفات على الواسع زي ما قال ابو دنيا وتتدي نفسك براح حتى في المناورات لو انت على طريق بلاش الغرز دلوقتي الا لما تتعود على ابعاد العربية او تكون المسافات واسعه
2. انك تهدي قبل الملف مينفعش تاخده حتى على 20 خصوصا ان الموضوع اتكرر اكثر من مرة وبعدين يطلعلك واحد غبي حاططلك سيخ حديد والا عامل ماسورة يبقى اليوم مش فايت

رد: خبطتين في العتب توجع
 

الحمد لله بسيطة بس مش لازم الثقة الزائدة بالنفس لغاية ما تحل المشكلة دى اللى فعلا بدأت تتحل لأن البداية هو تحديدها والاعتراف بالخطأ ... خف السرعة فى الملفات وركز وخدها على الواسع يا بطل

هشام باهى

رد: خبطتين في العتب توجع
 

اللى العن من سيخ الحديد والماسوره . لو عيل صغير واقف . أو عربيه راكنه فى الملف . والأغبيا كتير .

رد: خبطتين في العتب توجع