تشغيل المحمول بالبلوتوث فى الأوكتافبا A4
 

أستاذ أمير - بعد التحية

عربيتى الأكتافيا A4 موديل 2006 لا يوجد بها امكانية تشغيل المحمول (Nokia E63) بالبلوتوث على السيستم مثل الFantasia و A5.

- هل يمكن تركيب مثل هذة الخاصية؟
- وما هو الكاركيت المقترح لها (ماركة - بلد الصنع - مكان التركيب بالعربية - الشكل وصورة ان أمكن)؟
- وما هى التكلفة (سعر الجهاز ومصاريف التركيب)؟

مع الشكر الجزيل

هشام باهى

رد: تشغيل المحمول بالبلوتوث فى الأوكتافبا A4
 

معلش سؤال كمان على الماشى ولو أنة مش خاص بنفس الموضوع لكن بدل ما أفتح موضوع جديد.

أنا مركب تحت كاسيت العربية الأصلى -ومنفصل تماما عن سيستم العربية الأصلى- كاسيت صينى نوعة Aokelei مكتوب علية MOSFET 50WX4 DVD Video MP4 وفية مخارج DVD / VCD / USB / SD موصل علية سماعتين بيونير متركبين فى الرف الخلفى عند الشنطة وعدد 3 شاشات عرض فقط. اثنين من شاشات العرض راكبين فى المخادع علشان اللى قاعدين ورا والثالثة على التابلوة أمام الكرسى اللى جنب السواق.

سمعت أن ممكن سيستم الDVD والشاشات يجيب كمان ارسال التليفزيون.
- هل المعلومة دى صحيحة أم خطأ؟
- ان كانت صحيحة فكيف يمكن تعديلة لتشغيل هذة الخاصية؟
- هل يمكن كمان يجيب القنوات الفضائية ولا الأرضية فقط؟
- ما هى تكلفة التعديلات بناء على السيستم الموجود عندى فى العربية؟

مع جزيل الشكر

هشام باهى

رد: تشغيل المحمول بالبلوتوث فى الأوكتافبا A4
 

السلام عليكم

فية حد ممكن يساعد فى المواضيع دى غير الأستاذ/ أمير اللى شكلة بطل ييجى هنا؟!

مع الشكر

هشام باهى

رد: تشغيل المحمول بالبلوتوث فى الأوكتافبا A4
 

يا أساتذة ويا باشمهندسين ... محدش بيرد علية لية؟!!!!!! جزاكم الله خيرا

رد: تشغيل المحمول بالبلوتوث فى الأوكتافبا A4
 

سوف اجاوبك على نقطة التقاط اشارات ارسال التلفزيون

لكى تلتقط هذه الأشارات لابد من وجود TV Tuner ( اى لاقط للأشاره متعدد الترددات ) فى الكاسيت مع ايريال مناسب . فاذا كان غير موجود فى الكاسيت فلن تستطيع .

استقبال اشاره الأقمار الصناعيه اكثر تعقيدا ..... فلابد من لاقط للأشاره مجهز للتتبع مع حركة السياره ( مثل الطبق فى المنزل و لكن له قابلية التتبع فى الحركه ) و محول للأشاره ( مثل الريسيفر فى المنزل ) ثم جهاز العرض و الذى يمكن ان يكون مدخل صوت و صوره فى الكاسيت عندك .

رد: تشغيل المحمول بالبلوتوث فى الأوكتافبا A4
 

السلام عليكم

جزاك الله خيرا على ردك. بعد البحث والتمحيص توصلت الى معلومات سأفترض أنها ليست معلومة لأحد لذلك لم أتلق أى ردود على استفساراتى وسأحاول عرضها بصورة مبسطة عسى أن يستفيد منها كل مهتم بالموضوعين.

أولا: الكاركيت:

- لايمكن تركيب خاصية الكاركيت الأصلية الموجودة فى A5 وFantasia فى الA4 والا ستكون التكلفة عالية جدا. كاركيت النوكيا الأصلى غالى جدا أيضا.
- أفضل حل لتشغيل هذة الخاصية فى الA4 وأى سيارة أخرى هو
وكما هو موضح فى الصور أدناة جهاز يركب على طارة الدركسيون بمشبك خاص بة ويوصل بالموبيل عن طريق البلوتوث ثم يرسل الصوت الى راديو العربية عن طريق الFM ليتم سماعة فى السماعات. نفس الجهاز يعمل كالFM Transmitter العادى الذى يتم تركيبة فى الولاعة وأثناء القيادة يبث الى الراديو على موجة الFM المضبوط عليها أية أغانى تريدها فاذا جاءتك مكالمة يقطع الأغانى ويرن جرس ويمكنك رفض المكالمة من الجهاز على الطارة أو الموافقة عليها بالاضافة الى خصائص أخرى كثيرة موجودة بالجهاز يتم التحكم بها من الزراير الموجودة علية على حسب موديلة مثل هذة الصور


- سألت عن السعر بالتليفون فى محلات الأكسسوارات بعزبة سعد بالاسكندرية (مسقط رأسى) وعرفت أنة فى حدود 165 جنية أو أزيد أو أقل قليلا على حسب جودة التصنيع وخصائص الجهاز. طبعا كل الأجهزة صينى كالعادة.

ثانيا: ارسال التليفزيون والدش:

- نعم يمكن استقبال ارسال التليفزيون على سيستم شاشات الDVD
- لاستقبال هذة الخاصية مطلوب شراء Car TV Tunner وايريال مخصوص بيتركب أما على السقف أو على زجاج السيارة مثل الصور

http://carjamz.com/zen/images/TUNER42R.jpg

http://usera.imagecave.com/kennedyus...a/DSC00035.JPG

ويتم توصيلهم على السيستم الموجود فى العربية واستقبال جميع القنوات الأرضية سواء VHF أو UHF كأى تلفزيون عادى.
- يمكن استقبال القنوات الفضائية أيضا لكن بتكلفة عالية جدا تبدأ من حوالى 20000 جنية للسيستم
- تكلفة سيستم استقبال القنوات الأرضية فقط حوالى 500 جنية للتيونر والأريال وأنوى السؤال عنهم فى الأمارات يمكن أجيبهم أرخص.

لأى استفسار سأسعد لمعاونتكم.

هشام باهى

رد: تشغيل المحمول بالبلوتوث فى الأوكتافبا A4
 

اتصلت بسبير كار أسأل عن الكار كيت والتيونر والأيريال وملاقيتش عندهم أى حاجة منهم. الظاهر سأضطر للانتظار حتى نزولى الاسكندرية أول الشهر ان شاء الله لأعاينهم بنفسى.

عمار يا اسكندرية!