فيات بونتو ٢٠١١ ايطالى ولا ﻷ
 

سلام عليكم .دى اول مشاركه ليا فى المنتدى ده و بجد جميل اوى و المجهود فيه من كل المشاركين ممتاز. انا اللى خلانى انضم هنا انى بجيب عربيه جديده و الحمدلله استقريت على فيات بونتو بس مش عارف ده اختيار صح ولا ايه علشان كده انا داخل و طالب مساعدتكو .. اللى عايز اعرفه هل العربيه دى ٢٠١١ منها ايطالى ايطالى و لا ﻷ و ايه نظام قطع غيارها و اسعارها و شكراااااا ليكم

رد: فيات بونتو ٢٠١١ ايطالى ولا ﻷ
 

لأ هى مش ايطالى للأسف .. ده أنا متأكد منه لأنى سألت فى التوكيل و اكد الكلام ده
العربية لا غبار عليها من حيث الأداء

لكن معظم الناس بتاخد عليها غلو قطع الغيار... انا عن نغسى فكرت فيها كتير اوى لكن اتضايقت قوى من انهم شالوا منها كل حاجة عشان يرخصوها ! و لو هتركب انت الحاجات دى هترجع أغلى من الاول ، هى موضوع نفسى بصراحة
قد تكون الحاجات اللى اتشالت دى مالهاش لازمة لبعض الناس

رد: فيات بونتو ٢٠١١ ايطالى ولا ﻷ
 

هو ايه ياباشا اللي اتشال من البونتو 2011 ياريت تفيدنا لاني بفكر فيها

ياريت كل من مجرب فيات بونتو يجاوبنى
 

طب لو هى مش ايطالى تبقا ايه انا اسمع ان سيينا و لينيا هما بس اللى مش ايطالى طب بونتو صناعتها ايه و ياريت تقولنا ايه اللى اتشال فيها مع ان سعرها زاد تانى بقت ٦٧.٥٠٠ بدل من ٦٦ و ده عرفته من التوكيل بس مجاش فبالى ايه نقص منها

رد: فيات بونتو ٢٠١١ ايطالى ولا ﻷ
 

بص يا سيدى :
2011 صربى

اللى اتشال منها :
الجنوط
الفوج لايت
مساند الرأس الخلفية
المساكات الخلفية فوق الأبواب !
+ هى مفيهاش كاسيت بس الظاهر انها طول عمرها بتنزل كدة

اللى زاد عليها:
امكانية ضبط كرسى السائق اعلى و اسفل
امكانية ضبط ارتفاع الدركسيون
المرايات الجانبية اكبر
اللوجو بتاع فيات اتغير

رد: فيات بونتو ٢٠١١ ايطالى ولا ﻷ
 

السلام عليكم

انا كمان كنت بافكر اشتريها ومحتاره بينها وبين البيكانتو و I10 ومش عارفه أنهي عربية أحسن. انا اللي عايزاه في العربية انها تكون اقتصادية وهاتشباك ومش صيني ويكون سعرها من 60 - 70 الف، وكمان يهمني شكلها بصراحة، فياريت تفيدوني ولو فيه أنواع تانية انا معرفهاش ياريت ترشحوها لي لأني محتارة وانتم أهل الخبرة ما شاء الله
وجزاكم الله خيرا مقدما

رد: فيات بونتو ٢٠١١ ايطالى ولا ﻷ
 

انا عن نفسى ارشحلك بونتو عربيه كويسه , ايطالى . حتى لو تقفيل صربى فهو اتحاد اوروبى برضه احسن من تقفيل مصرى او صينى او حتى كورى مش مضمون . العربيه ١٣٠٠ البيكانتو ١١٠٠ و البونتو موفره فى البنزين جدا زى مبسمع عنها و ثابته على الطريق و شكلها شيك و حجمها اكبر شويه من بيكانتو او اى ١٠ بصراحه انا مقتنع بيها و اكتى حاجه اقنعتنى انى راكب عربيه ايطالى ب ٧٠ االف انا ان شاء الله يومين و هستلمها و هبقا احكيلك عنها بقا عن تجربه احسن