مصر موتورز مجتمع السيارات - سؤال العربيات اللى مركونة فى الشوارع ..بتاعت مين ؟

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

سؤال العربيات اللى مركونة فى الشوارع ..بتاعت مين ؟

السلام عليكم و رحمة الله و بركاته

فى حاجة لسة واخد بالى منها من يومين مع انى كنت بشوفها طوول عمرى
(العربيات اللى مركونة فى الشوارع)
طبعا انا مبتكلمش عن العربيات العادية
لا
انا بتكلم عن العربيات اللى بيتبقى متربة و الكاوتش بتاعها فاضى و وبنعدى عليها بقالنا سنين و هى فى مكانها
بتاعت مين العربيات دى؟
و هل صاحبها مبيبقاش عايزها و ركنها و خلاص؟ (ازاااااااااااى؟)
و هل ممكن اى حد يسحبها و يسقطلها موتور و يصلحها و يديها وش دوكو و تبقى تماااام؟
و ليه البلد ماتشيلهاش من الشوارع اساسا؟

ياريت لو اى حد يعرف اى حاجة عن العربيات دى ميبخلش علينا
و شكرااااااااااROSE4U

طبعا ماحدش يقدر ياخدها الا اذا عرف صاحبها واشتراها منه . دا اذا ماكانش عليها مشاكل وده سبب وقفتها . وما حدش فى الحكومه يقدر ييجى جنبها لأنها ملكيه خاصه . ولها مالك .. حتى لو هى حتة حديد مصديه ..

بتبقي عربيات ورثه او واقفه علشان قطع غيار و تكلفه تصليحها اعلي من الاستفاده منها

الف شكر لاساتذتنا استاذ سيف الدين و استاذ حازم
بس ازاى حد يسيب حاجة ملكه كدة مرمية فى الشارع و مصدية و البارومة وكلاها
طب حتى لو كانت ورث او لو مكانش قادر يصلحها
يقوم راميها كدة للباروما و الصدا ياكلوا فيها
طب ما كان استفاد بالصاج حتى على الاقل
و شكرا على المشاركة

ممكن مسروقة

اقتباس:

المشاركة الأصلية كتبت بواسطة احمد على 1999 (المشاركة 265173)

ممكن مسروقة

جايز برضه مسروقه

حازم وسيف باشا مشكورين قالوا كل حاجة, العربيات بتبقى فى الغالب حالتها تصعب على الكافر, جايبة موتور أو فتيس, ومش هتجيب تمنها سواء صاحبها صلحها أو حتى باعها بايظة (لو عرف يبيعها أصلا)

وأوقات نادرة أوى بتبقى فعلا مسروقة, وياريت لو حد لاحظ عربية زى دى فى المنطقة بتاعته يدور على صاحبها, أو يبلغ الشرطة بالرقم ومكان العربية علشان لو عندهم بلاغ بأوصافها.