|
استفسار عن رينو لوجان 2011
ممكن اعرف العربية هتبقى متوفرة امتى فى السوق المصرى اللى اعرفه ان لوجان 2011 عدلوا فيها مكان الكلاكس وزراير الابواب وهل فيه اى تعديل فى الشكل الخارجى ؟
|
رد: استفسار عن رينو لوجان 2011
العربيه موجوده فعلا وهى هى 2010 لم يتغير شىء على مااعتقد
|
رد: استفسار عن رينو لوجان 2011
بص يا باشا .. لوجان 2011 اللى بتنزل مصر هى نفس 2010 ... لكن فعلا فى لوجان 2011 متعدل فيها مكان الكلاكس و زراير الزجاج الكهربى و مكان أضواء الإشارات فى الشكل الخارجى لكن لوجان الجديدة دى مش هتنزل مصر السنة دى على ما أعتقد
|
رد: استفسار عن رينو لوجان 2011
مشكورين يا اخوانى
|
رد: استفسار عن رينو لوجان 2011
العفو يا باشا ... و لو حضرتك عايز تشوف لوجان 2011 الجديدة أنا فى الخدمة
|
رد: استفسار عن رينو لوجان 2011
ربنا يخليك ...انا شوفت كليب برازيلى تقريبا عنها بس كان نفسى تنزل السنه دى بصراحة اللوجان عربية جميلة وشكلها عاجبني جدا مش عارف ازاى فيه ناس بتقارن بينها وبين الفيرنا واللانوس بس حكاية الكلاكس والزراير دى تضايق خصوصا وانهم فعلا عدلوها فى 2011 فاى حد عايز يشترى اللوجان هيستنى الجديدة دى لما تنزل مصر وانا منهم ان شاء الله
|
رد: استفسار عن رينو لوجان 2011
فعلا اللوجان عربية ممتازة شكلا و مضمونا بس هى حكاية الكلاكس و الزراير الكهرباء دى زى ما تقول كده ميراث عند الفرنسيين و هما كده بيبقى ليهم تقاليع عشان ميخلوش العربية عادية و تقليدية زى باقى العربيات ...... بس فعلا أنا بحلم باليوم اللى هتنزل فيه اللوجان الجديدة لأنها فعلا هتبقى العربية اللى محدش يقدر يعيبها بشئ ظاهرى ....
و من وجهة نظرى الخاصة أن اللوجان غير قابلة للمقارنة بين الفيرنا و اللانوس ( مع إحترامى للعربيات دى ) ... يعنى أنت لو قولت لواحد أوروبى أحنا فى مصر بنقارن بين الهيونداى فيرنا و الرينو لوجان هتلاقيه أنفجر قدامك من الضحك تعرف بقى هما بيقارنوا إزاى يقولك ... رينو لوجان ولا فيات ألبيا أو رينو لوجان ولا شيفروليه كلاسيك .. وهكذا لأنهم ناس عارفين يعنى أيه عربية أوروبية... آسف جدا على الإطالة ,,,,,, و أى خدمة يا غالى |
| الساعة الآن 02:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017